Exodo 2:11 - Samarenyo Meaning-Based Bible (1984)

¹¹ Han dako na hi Moises, ginmawas hiya hin pagduaw han iya mga tawo nga mga Hebreo, ngan hinkit-an niya kon gin-unan-o hin pagpirita ha ira hin pagbuhat hin magbug-at nga buruhaton. Hinkit-an pa ngani niya in usa nga Ehiptohanon nga nagpapatay hin usa nga Hebreo, nga usa han iya kalugaringon nga mga tawo.

Exodo 2:11 Iomraidhean Croise

Exodo 1:11

Sanglit iginbutang hira han mga Ehiptohanon ha ubos hin mga mag-isog nga mga kapatas nga magpapaantos ha ira pinaagi hin makuri nga trabaho. Gintindog han mga Israelita an mga syudad han Piton ug Rameses nga mga sentro nga hirimosan hin pagkaon han hadi.

Exodo 3:7

Niyan nagsiring an Ginoo, “Hinkit-an ko an maraogdaog nga pagdumara han akon mga tawo didto ha Ehipto; hinbatian ko an ira pangaraba nga talwason ko hira tikang han mga mag-isog nga mga kapatas nira. Sayod ako han ngatanan ira mga pag-antos,

Exodo 5:14

Ginhampak han mag-isog nga mga kapatas nga Ehiptohanon an mga tinaporan nga Israelita nga ira iginbutang nga tinaporan han trabaho ngan ginpakianhan hira, “Kay ano nga diri kamo naghihimo hin sugad kadamo nga mga baldosa han iyo ginhimo hadto?”

Exodo 5:4

Nagsiring an hadi kanda Moises ug Aaron, “Kay ano nga ginpapaundang niyo an mga tawo han ira trabaho? Pabalika ito nga mga oripon ngadto han trabaho!

Exodo 5:5

Darudamo na ngani kamo nga mga tawo kay han mga Ehiptohanon. Ngan yana karuyag na niyo umundang hin pagtrabaho!”

Exodo 5:9

Dugangi hin trabaho ini nga mga tawo ngan ayaw pahunonga hira hin pagtrabaho basi mawaray na nira panahon hin pamati hin mga buwa.”

Exodo 6:6

Sanglit sumati an mga Israelita nga nasiring ako ha ira, ‘Amo ako an Ginoo; tatalwason ko kamo ngan igagawas ko kamo tikang han iyo pagkaoripon han mga Ehiptohanon. Babayawon ko an akon gamhanan nga butkon hin makalilisang nga pagkastigo ha ira, ngan tatalwason ko kamo.

Exodo 6:7

Hihimoon ko kamo nga akon kalugaringon nga mga tawo, ngan magigin Dyos ako niyo. Mahibabaroan niyo nga ako amo an Ginoo nga iyo Dyos, kon talwason ko na kamo tikang han pagkaoripon didto ha Ehipto.

Isaias 58:6

“Amo ini an paagi hin pagpuasa nga akon karuyag: Tangtanga niyo an mga kadena hin pagtalumpigos ngan an yugo hin diri pagkamatadong, ngan buhii an mga gintatalumpigos.

Mateo 11:28

“Kadi kamo ha akon, ngatanan kamo nga ginugul-an hin pagdara han iyo mabug-at nga mga paras-anon, ngan tatagan ta kamo hin pahuway.

Lucas 4:18

“Aadi ha akon an Espiritu han Ginoo, kay ginpili ako niya hin pagwali han Maupay nga Sumat ha mga kablas. Ginsugo ako niya pagpasangyaw han katalwasan ngadto ha mga binihag, ngan hin pagpabalik han pakakita han mga buta; hin pagtalwas han mga tinalumpigos,