Exodo 19:3 - Samarenyo Meaning-Based Bible (1984)

³ ngan sinmagka han bukid hi Moises hin pakigkita han Dyos. Nagtawag an Ginoo kan Moises tikang han bukid ngan pinapaghimangraw hiya ha mga Israelita nga mga tulin ni Jacob hin pagsiring:

Exodo 19:3 Iomraidhean Croise

Exodo 19:20

Linmusad an Ginoo ngadto han bawbaw han Bukid Sinai ngan ginpakadto hi Moises ha bawbaw han bukid. Sinmagka hi Moises

Exodo 20:21

Kundi pinmahirayo la gihapon hin pagtindog an mga tawo, ngan hi Moises la an hinmarani han madakmol nga dampog diin nakadto an Dyos.

Exodo 24:12

Nagsiring kan Moises an Ginoo, “Sagka han bukid ngadi ha akon ngan samtang aadi ka, ighahatag ko ha imo in duha nga mga papan nga bato nga ginsuratan ko han ngatanan nga mga balaod nga igtututdo mo han mga tawo.”

Exodo 24:13

Nag-andam hira Moises ug Josue nga iya kabulig ngan nagtikang hi Moises hin pagsagka han baraan nga bukid.

Exodo 3:12

Binmaton an Dyos, “Maupod ako ha imo, ngan kon pagpagawson mo na an mga tawo tikang ha Ehipto, magsisingba kamo ha akon dinhe hini nga bukid. Amo ito an magpapamatuod nga ako an nagsugo ha imo.”

Exodo 3:4

Han paghikit-i han Ginoo nga naduok hi Moises, nagtawag hiya ha butnga han tanom ngan nagsiring, “Moises, Moises!” Binmaton hiya, “Aadi ako.”

Exodo 34:2

Pag-andam buwas han aga, ngan sagka han Bukid Sinai ngan pakigkita ha akon didto ha bawbaw han bukid.

Exodo 34:4

Sanglit nagtabas hi Moises hin duha pa nga mga papan nga bato, ngan temprano pa han pagkaaga gindara ini niya ngadto ha igbaw han Bukid Sinai, sumala han iginsugo han Ginoo.

Levitico 1:1

Nagtawag kan Moises an Ginoo tikang han iya Tulda ngan ginhatag kan Moises an nasunod nga mga turumanon

Mga Buhat 7:38

Amo ini hiya an kaupod han mga tawo han Israel nga nagkatirok didto ha kamingawan; didto hiya kaupod han aton kaapoy-apoyan ngan han anghel nga nagyakan ha iya didto ha Bukid Sinai. Kinarawat niya an buhi nga mga mensahe han Dyos basi ihatag ha aton.