Exodo 17:3 - Samarenyo Meaning-Based Bible (1984)

³ Kundi inuuhaw na hin duro an mga tawo ngan nagpadayon hira hin pagngurutob kan Moises. Nagsiring hira, “Kay ano nga ginpagawas mo kami ha Ehipto? Pagpatay ba hin uhaw ha amon, han amon mga anak, ngan han amon kabakahan?”

Exodo 17:3 Iomraidhean Croise

Nehemias 9:15

“Han paggutuma ha ira, gintagan mo hira hin tinapay nga tikang ha langit, ngan tubig nga tikang hin bato han pag-uhawa ha ira. Ginsiring mo hira hin pagtag-iya han tuna nga imo iginsaad hin paghatag ha ira.

Nehemias 9:20

Ha imo pagkamaupay gintutdoan mo hira han angay nira pagbuhaton, ginpakaon mo hira hin mana ngan gintagan mo hira hin tubig nga irimnon.

Mga Salmo 107:5

Nag-antos hin kagutom ngan kauhaw man, waray nagud nira sadang paglaoman.

Exodo 12:38

Inmupod liwat ha ira in damo nga iba nga mga tawo ngan damo nga mga karnero, mga kanding ngan mga baka.

Exodo 14:11

Nagsiring hira kan Moises, “Waray ba mga lubnganan didto ha Ehipto? Kinahanglan pa ba pagdad-on mo kami nganhi han kamingawan basi magkamatay? Tan-awa daw kon ano an imo ginbuhat hini nga pagpagawsa mo ha amon tikang ha Ehipto!

Exodo 15:24

Nagsumbong kan Moises an mga tawo ngan nagpakiana, “Ano an aton iimnon?”

Numero 14:22

waray mabubuhi hini nga mga tawo hin pagsulod ngadto hito nga tuna. Hinkit-an nira an akon himaya ngan an mga milagro nga akon ginbuhat didto ha Ehipto ngan didto ha kamingawan, kundi ginsarihan nira hin makadamo na an akon pagpailob, ngan dinmiri hira hin pagsugot ha akon.

Numero 20:4

Kay ano nga gindara kami niyo nganhi hini nga kamingawan? Basi la magkamatay kami dinhe upod han amon mga kahayopan?