Biblia Todo Logo
Bìoball air-loidhne

- Sanasan -




Exodo 15:2 - Samarenyo Meaning-Based Bible (1984)

2 An Ginoo amo an akon kusog ngan akon kalipay; amo hiya an nagtalwas ha akon. Amo hiya an akon Dyos, ngan pagdadayawon ko hiya, hiya an Dyos han akon amay, ngan kakantahan ko an iya pagkagamhanan.

Faic an caibideil Dèan lethbhreac




Exodo 15:2
64 Iomraidhean Croise  

“Tutumanon ko an akon saad ha imo ngan han imo mga tulin ha tidaraon nga mga katulinan, sugad nga usa nga waray kataposan nga ginsaaran. Magigin Dyos ako nimo ngan an Dyos han imo mga tulin.


“Naghuhulat ako han imo pagtalwas, O Ginoo.


Akon darangpan nga bato an akon Dyos, akon taming ngan akon gahom. Akon arayupan, akon darangpan, akon manunubos ha mga magraogdaog.


Buhi gud ha kadayonan an Ginoo! Pagdayawon hiya nga akon bato! Isangyaw niyo an iya pagkagamhanan, han kusgan nga Dyos nga akon katalwasan!


Adton iya hadi han Dyos tinatagan hin dagko kaupay mga pagdarag-an. Han iya ginpili, David, katulinan, napakita hin gugma nga kadayonan.


Ginhimo mo nga imo kalugaringon nga nasod an Israel ha kadayonan, ngan ikaw, O Ginoo, nahimo nga ira Dyos.


“Kadtoa ngan sumati hi David, an akon surugoon, nga nasiring ako ha iya, ‘Diri ikaw an magtitindog hin templo nga akon uokyan.


Yana gintindogan ko ikaw hin harangdon nga templo, usa nga dapit nga imo pag-uokyan ha kadayonan.”


“Kundi makakahimo ka ba, O Dyos, hin pag-ukoy dinhe ha tuna? Diri ngani igo nga imo urokyan an bug-os nga kalangitan, sanglit uunanhon nga maigo ka dinhe hini nga Templo nga akon gintindog?


An Ginoo amo an aton Dyos; an iya mga sugo para han ngatanan.


O Dyos, ikaw an gindadayaw nakon, an imo paghilom ayaw ipadayon!


Gahom, kusog ginhatagan ako niya, ngan amo gud an magtaralwas ko hiya.


Nagdadayaw ako ha imo, Ginoo, kay ak' pinamatian ngan ginbaton mo, kay hin pagdarag-an gintagan mo ako, ngan nahimo ka gud nga magtaralwas ko!


Dyos ko ikaw ginpapasalamatan ko, akon igsasangyaw an im' pagkadako.


Tubtob an Ginoo hin dapit katagan, balay han kan Israel Dyos nga Gamhanan.”


Ginoo nga Dyos, makusog nga akon darangpan, sinasalipdan mo ako ha pag-awayan.


Isangyaw ko ikaw, O Dyos, ngan hadi ko, magpapasalamat hin dayon ha imo.


Ginoo nga Dyos mabuhi ka hin dayon, akon panalipod hiya pagdayawon; Igsasangyaw gud an iya kagamhanan, an naghatag ha akon hin katalwasan.


Tinmapod ako ha imo tikang pa han akon katawo, ngan ikaw gud an akon Dyos tikang pa hadto.


Ginpasidunggan ka nga amo an Baraan, an gindadayaw han Israel.


An Dyos akon kapawa ug katalwasan, sanglit waray sadang ko nga kahadlokan. Sinasalipdan ako ha kataragman, hin kakulba diri ako hisasakban.


Inuogopan han Ginoo an iya mga tawo; pinananalipdan ngan tinatalwas niya an iya pinili nga hadi.


Nagdadayaw ako ha imo, Ginoo, kay imo na man gintalwas ako, waray mo itugot mga kaaway nakon, nga ira na la ako pagyinubiton.


An pagkaharangdon han aton Ginoo, upod ha akon isangyaw na gud niyo; pagdayaw ha iya mag-urusa kita, aton pagbayawon adton ngaran niya.


Sugad hini hira imo susumatan: “Ini nga Dyos aton Dyos hin kadayonan; iya manta kita nga pagmamandoan, ha tanan tiabot nga kapanahonan.”


Ikaw an akon nagin arayopan, panalipdanan ha panahon han akon kakurian.


an Dyos nga natalwas nga Dyos naton yana. Hiya an Ginoo, an Ginoo naton, nga nagtatalwas tikang han kamatayon.


An Ginoo aton gud nga pagdayawon, amo hiya an Ginoo nga Dyos naton, didto han iyo trono aton singbahon, pagkabaraan niya, aton pagdaygon!


An Ginoo nga aton Dyos pagdayawon, didto han iya baraan gud nga pungtod ngan angay gud hiya naton pagsingbahon, kay baraan an Ginoo nga Dyos naton.


Binmaton hi Moises, “Ayaw kamo kahadlok! Tindog la kamo ha iyo dapit, ngan makita kamo kon ano an pagbubuhaton han Ginoo hin pagtalwas ha iyo yana nga adlaw; diri nagud kamo makita liwat hini nga mga Ehiptohanon.


Ako amo an Dyos han imo kaapoy-apoyan, an Dyos nira Abraham, Isaac ug Jacob.” Sanglit gintahoban ni Moises an iya bayhon kay nahadlok hiya hin pagtan-aw han Dyos.


Niyan kinahanglan pagsumatan mo hiya nga nasiring ako nga Ginoo, ‘Akon suhag nga lalake an Israel.


Niyan gintahoban han dampog an Tulda ngan napuno ini han himaya han Ginoo.


Hihimoon ko kamo nga akon kalugaringon nga mga tawo, ngan magigin Dyos ako niyo. Mahibabaroan niyo nga ako amo an Ginoo nga iyo Dyos, kon talwason ko na kamo tikang han pagkaoripon didto ha Ehipto.


An Dyos an akon magtaralwas; masarig ako ha iya ngan diri ako mahahadlok. Nahatag ha akon hin gahom ug kusog an Ginoo; hiya an akon magtaralwas.


O Ginoo, ikaw an akon Dyos; pagpasidunggan ko ikaw ngan pagdadayawon ko an imo ngaran. Ginbuhat mo in makaaramdok nga mga butang; gintuman mo hin matinumanon an mga larang nga imo ginhimo hadto nga mga panahon.


Kundi gintalwas han Ginoo an Israel ngan ha kadayonan an pagdarag-an han Israel; diri gud kaaalohan an iya mga tawo!’”


Nagsiring ha akon an Ginoo, “May-ada ko darudako nga buruhaton para ha imo nga akon surugoon. Diri la nga ibabalik an kagamhanan han nanhisalin nga mga tawo han Israel, kundi hihimoon ko liwat ikaw nga kapawa ngadto han mga nasod— basi matalwas an bug-os nga kalibutan.”


Nasiring an Ginoo, “Akon trono an langit ngan akon tungtongan an tuna. Sanglit ano man nga balay an iyo pagtitindogon para ha akon, ano nga dapit an akon pag-uokyan?


Waray gud makabulig ha amon an amon pagano nga pagsingba didto han mga sampaw han kapungtoran. An Ginoo la nga amon Dyos an makakabulig han Israel.


Amo ini an bag-o nga ginsaaran nga akon paghihimoon han mga tawo han Israel: Igbubutang ko ha ira mga hunahuna an akon balaod ngan igsusurat ko ini dida han ira mga kasingkasing. Magigin Dyos ako nira, ngan magigin akon mga tawo hira.


Niyan magigin akon mga tawo hira ngan magigin Dyos ako nira.


Ginmawas ka hin pagtalwas han imo mga tawo, pagtalwas han imo pinili nga hadi. Ginpukan mo an pangulo han mga magraogdaog ngan ginpuo mo an iya mga sakop.


Ngan sasarihan ko an ikatulo ka bahin nga mahisasalin nga buhi ngan lilinisan ko hira sugad nga ginpupurog hin kalayo an salapi. Sasarihan ko hira sugad han pagpurog hin bulawan. Niyan mag-aampo hira ha akon ngan babatonon ko hira. Pagsusumatan ko hira nga akon hira mga tawo ngan magtutug-an hira nga ako amo an ira Dyos.”


hin pagsumat han iya katawhan nga matatalwas hira, pinaagi hin pagpasaylo han ira mga sala.


Ha akon kalugaringon nga mga mata, hinkit-an ko na an imo katalwasan,


Diri kamo nga mga Samaritano maaram kon hin-o an iyo ginsisingba; maaram kami nga mga Judiyo han amon ginsisingba, kay natikang ha mga Judiyo an katalwasan.


basi magpasidungog han Anak an ngatanan, sugad han ira pagpasidungog han Amay. Bisan hin-o nga diri nagpapasidungog han Anak, diri man nagpapasidungog han Amay nga amo an nagsugo ha iya.


Hiaagian an katalwasan pinaagi gud la ha iya. Kay ha bug-os nga kalibutan waray lain nga ngaran nga iginhatag han Dyos ha mga tawo, nga sadang makatalwas ha aton.”


Amo ini an amon mensahe: nga pinaagi kan Cristo nakikigsangkay an Dyos han ngatanan nga mga tawo. An Dyos diri nagdudumot han ira mga sala, ngan gintagan kita niya han mensahe kon ginpapaunan-o niya paghimo ha ira nga iya kasangkayan.


Ha pakig-usa ha iya, kaupod an ngatanan nga mga magtinuohon, gintitindog liwat kamo nga usa nga balay diin nag-uokoy an Dyos pinaagi han iya Espiritu.


Dayawa hiya niyo kay amo hiya an iyo Dyos, ngan hinkit-an niyo han iyo kalugaringon nga mga mata an dagko ngan urosahon nga mga butang nga ginbuhat niya para ha iyo.


ngan ha dayag magpapasangyaw nga hi Jesu-Cristo amo an Ginoo, ha pagpasidungog han Dyos nga Amay.


May-ada ako kusog hin pagasdang han ngatanan tungod han gahom nga iginhatag ha akon ni Cristo.


Kay aada kan Cristo, ha iya pagkatawo, an hingpit han dyosnon nga kinaiya,


Nagkakaranta hira han karantahon ni Moises nga surugoon han Dyos, ngan han karantahon han Kordero: “Ginoo nga Dyos nga Labi Kamakagarahum hin pagkadako ngan pagkama-aramdok han imo mga buhat! Hadi han kanasoran, hin pagkamatadong ngan pagka-matuod han imo mga paagi!


Kahuman hini hinbatian ko in dako nga tunog nga sugad hin aringasa hin damo nga mga tawo didto ha langit, nga nasiring, “Dayawon an Dyos! Kanan Dyos an katalwasan, an himaya, ngan an gahom!


Gin-anod hira hin usa nga baha didto han Cison— han masulog hin duro nga Salog Cison. Magbabaktas ako, magpapadayon hin pagbaktas ngan mangungusog ako.


Lean sinn:

Sanasan


Sanasan