Exodo 13:3 - Samarenyo Meaning-Based Bible (1984)

³ Nagsiring hi Moises han mga tawo, “Hinumdomi ini nga adlaw—an adlaw han pagbaya niyo han Ehipto, an dapit diin mga oripon kamo. Amo ini an adlaw han pagpagawsa ha iyo han Ginoo pinaagi han iya dako nga gahom. Diri kamo makakaon han tinapay nga may-ada patubo.

Exodo 13:3 Iomraidhean Croise

Genesis 15:16

Maagi anay in upat nga mga katulinan san-o bumalik nganhi an imo mga tulin, kay diri ko paiiwason an mga Amoreohanon tubtob nga magmaraot na gud hira hin duro nga kinahanglan na pagkastigohon ko hira.”

1 Cronicas 16:12

Kamo, an mga tulin ni Jacob, an mga surugoon han Dyos, an mga tulin ni Israel, an pinili nga nasod han Dyos, panumdum han mga milagro nga ginbuhat han Ginoo ug an mga paghukom nga iya ihinatag.

Nehemias 1:10

“O Ginoo, amo ini an imo mga surugoon, an imo kalugaringon nga mga tawo. Gintalwas mo hira pinaagi han imo dako nga gahom ug kusog.

Nehemias 9:10

Ginbuhat mo in urosahon nga mga milagro kontra han hadi, kontra han iya mga opisyal ngan han mga tawo han iya tuna, kay hinbaroan mo an ira pagtalumpigos han imo mga tawo. Sanglit napasidunggan an imo ngaran tubtob ngada yana nga adlaw.

Mga Salmo 105:5

ngan angay gud niyo nga paghinumdoman mga buhat niya nga kahiburongan. Hinumdomi an iya mga milagro, ngan mga paghukom nga iya nahimo;

Mga Salmo 114:1

Han pagbaya han Israel nga katawhan tikang dit' han Ehipto nga katunaan, han pag-iwas han kan Jacob kaliwatan tikang han tuna nga langyaw an yinaknan.

Mga Salmo 136:11

Tikang ha Ehipto ginmandoan hira, kay padayon gud an iya paghigugma. An katawhan ini han Israel niya, kay padayon gud an iya paghigugma.

Mga Salmo 136:12

Pinaagi han kusgan nga kamot niya, kay padayon gud an iya paghigugma. Han gamhanan nga butkon gindara hira, kay padayon gud an iya paghigugma.

Mga Salmo 89:14

Igintitindog an imo ginhadian, dida han hustisya ngan han katadongan; an pagkamatinumanon ngan gugma man, ha ngatanan nga buhat mo hinkikit-an.

Exodo 12:15

Nagsiring an Ginoo, “Sulod hin pito ka adlaw, kinahanglan diri kamo kumaon hin tinapay nga may-ada patubo—kaona la niyo an tinapay nga waray patubo. Dida han syahan nga adlaw iggawas niyo ha iyo mga balay an ngatanan nga patubo hin tinapay, kay kon may kumaon hin tinapay nga may-ada patubo sulod hito nga pito ka adlaw, diri na hiya pag-iisipon nga sakop han akon mga tawo.

Exodo 12:17

Sauroga niyo ini kay dida hini nga adlaw ginpagawas ko tikang ha Ehipto an iyo mga tribo. Sanglit kinahanglan pagsaurogon niyo nga pyesta ini nga adlaw ha ngatanan nga panahon nga tiarabot.

Exodo 12:19

Sulod hin pito ka adlaw kinahanglan waray patubo hin tinapay nga hiagian didto han iyo mga balay, kay diri na pag-iisipon nga sakop han akon mga tawo an bisan hin-o nga kumaon hin tinapay nga may-ada patubo, ma tuminungnong hiya o lumalangyaw.”

Exodo 12:2

“Amo ini an syahan nga bulan han tuig para ha iyo.

Exodo 12:41

Dida han adlaw han katapos na han 430 ka tuig, binmaya han Ehipto an ngatanan nga mga tribo han mga tawo han Ginoo.

Exodo 12:42

Gab-i adto nga nag-agma an Ginoo hin pagpagawas ha ira tikang ha Ehipto; ighahalad ini ngahaw nga gab-i ngadto han Ginoo para ha ngatanan nga panahon nga tiarabot sugad nga gab-i nga kinahanglan mag-agma an mga Israelita.

Exodo 12:8

Hito nga gab-i pag-aaslon an inihaw, ngan kakaonon ini upod hin magpait nga mga panakot ngan hin tinapay nga waray patubo.

Exodo 13:14

Ha tiarabot nga panahon, kon pakianhan kamo han iyo anak kon ano an kahulogan hini nga turumanon, iyo babatonon hiya, ‘Pinaagi hin dako nga gahom, ginpagawas kami han Ginoo tikang ha Ehipto, an dapit diin gin-oripon kami.

Exodo 13:9

Ini nga pagsaurog usa ini nga pahinumdom sugad hin ihinigot nga tigaman ha iyo kamot o ipinatik ha iyo agtang nga magpapahinumdom ini ha iyo basi magpadayon kamo hin pagsubay ngan pag-aram han Balaod han Ginoo tungod nga ginpagawas kamo han Ginoo tikang ha Ehipto pinaagi han iya dako nga gahom.

Exodo 20:2

“Ako amo an Ginoo nga iyo Dyos nga nagdara ha iyo tikang ha Ehipto, diin mga oripon kamo.

Exodo 20:8

“Tumana niyo an Adlaw nga Igparahuway ngan pagbaraana ini nga adlaw.

Exodo 23:15

Dida han bulan han Abib, nga amo ngahaw an bulan nga ibinaya niyo han Ehipto, sauroga niyo an Pyesta han Tinapay nga Waray Patubo ha paagi nga akon iginsugo ha iyo. Ayaw kamo pagkaon hin tinapay nga may-ada patubo sulod hin pito ka adlaw hini nga pyesta. Ayaw gud kamo pagkanhi hin pagsingba ha akon nga waray niyo dara nga halad.

Exodo 3:20

Kundi gagamiton ko an akon gahom, ngan kakastigohon ko an Ehipto pinaagi hin pagbuhat hin magpakaharadlok nga mga butang didto. Katapos hito, palalakton kamo niya.

Exodo 34:18

“Sauroga an Pyesta han Tinapay nga Waray Patubo. Sumala han iginsugo ko ha iyo, kaon kamo hin tinapay nga waray patubo sulod hin pito ka adlaw dida han bulan han Abib, kay ginmawas kamo ha Ehipto hito nga bulan.

Exodo 6:1

Niyan nagsiring kan Moises an Ginoo, “Yana hikikit-an mo an akon pagbubuhaton ngadto han hadi. Pagpipiriton ko hiya hin pagpalakat han akon mga tawo. Ngani pagpipiriton ko hiya hin pagpagawas ha ira tikang han iya tuna.”

Exodo 6:6

Sanglit sumati an mga Israelita nga nasiring ako ha ira, ‘Amo ako an Ginoo; tatalwason ko kamo ngan igagawas ko kamo tikang han iyo pagkaoripon han mga Ehiptohanon. Babayawon ko an akon gamhanan nga butkon hin makalilisang nga pagkastigo ha ira, ngan tatalwason ko kamo.

Exodo 6:7

Hihimoon ko kamo nga akon kalugaringon nga mga tawo, ngan magigin Dyos ako niyo. Mahibabaroan niyo nga ako amo an Ginoo nga iyo Dyos, kon talwason ko na kamo tikang han pagkaoripon didto ha Ehipto.

Exodo 7:4

Niyan ipadadara ko ngadto ha Ehipto in makalilisang nga kastigo, ngan dadad-on mo hin paggawas tikang han tuna an mga tribo han akon mga tawo.

Daniel 9:15

“O Ginoo nga amon Dyos, iginpakita mo an imo gahom pinaagi han pagpagawas mo han imo katawhan tikang han Ehipto, ngan hinunumdoman pa an imo gahom. Nakasala kami; nakasayop kami.

Mateo 10:12

Pagsaka niyo hin balay siring kamo, ‘Maada unta ha iyo an kamurayaw.’

Lucas 22:19

Ngan ginkuha niya an tinapay, nagpasalamat sa Dyos, ginpinitpinit ini, ngan iginhatag ha ira nga nagsiring, “Amo ini an akon lawas [nga ihinahatag ha iyo. Buhata ini niyo nga hinumdoman ha akon.”

1 Mga Taga-Corinto 11:24

nagpasalamat sa Dyos, ginpinitpinit niya, ngan nagsiring, “Amo ini an akon lawas nga iginhahalad para ha iyo. Buhata ini nga hinumdoman ha akon.”

1 Mga Taga-Corinto 5:8

Sanglit saurugon ta an aton pyesta, diri pinaagi hin tinapay nga may daan nga patubo, an patubo hin sala ug karat-an, kundi pinaagi han tinapay nga waray patubo, an tinapay han pagkaputli ngan kamatuoran.

Mga Taga-Efeso 1:19

ngan kon ano ka dako an iya gahom nga nagbubuhat dinhe ha aton nga natoo. Ini nga gahom nga aanhi ha aton amo ngahaw an gamhanan nga kusog

Deuteronomio 13:10

Batoa hiya niyo ngada han kamatay! Nagtinguha hiya hin pagpabulag ha iyo han Ginoo nga iyo Dyos nga nagtalwas ha iyo tikang ha Ehipto diin mga oripon kamo.

Deuteronomio 13:11

Niyan makakabati han nahinabo an ngatanan nga mga tawo han Israel; mahahadlok hira, ngan waray na gud magbubuhat hin sugad nga karat-an.

Deuteronomio 13:5

Kundi pataya niyo in bisan hin-o nga parahubad hin mga inop o manaragna nga nagsusugo ha iyo hin pagsupil han Ginoo nga nagtalwas ha iyo tikang ha Ehipto diin mga oripon kamo. Maraot in sugad hini nga tawo ngan karuyag niya nga mahigawas kamo han kinabuhi nga iginhatag ha iyo han Ginoo pinaagi han iya mga sugo. Kinahanglan patayon niyo hiya basi diri mahingada ha iyo ini nga karat-an.

Deuteronomio 13:6

“Bangin an iyo bugto nga lalake, o iyo anak nga lalake, o iyo anak nga babaye, o an asawa nga hinihigugma niyo, o an gisusuoki niyo nga sangkay, amo an maghugay ha iyo hin hilom hin pagsingba hin iba nga kadiyosan nga waray pa pagsingbaha niyo ngan han iyo kaapoy-apoyan.

Deuteronomio 15:15

Hinumdomi niyo nga mga oripon anay kamo didto ha Ehipto ngan gintalwas kamo han Ginoo nga iyo Dyos; sanglit iginhatag ko ha iyo ini nga sugo.

Deuteronomio 16:1

“Pagpasidunggi niyo an Ginoo nga iyo Dyos pinaagi hin pagsaurog han Paglabay dida han bulan han Abib; gintalwas kamo niya tikang ha Ehipto dida han gab-i hini nga bulan.

Deuteronomio 16:12

Talinguhaa gud niyo hin pagtuman hini nga mga sugo; ayaw niyo hingalimti nga mga oripon kamo didto ha Ehipto.

Deuteronomio 16:3

Kon magsaurog kamo hini nga pangaon, ayaw kamo pagkaon hin tinapay nga may-ada patubo. Sulod hin pito ka adlaw kakaonon niyo in tinapay nga waray patubo, sugad han iyo ginbuhat han pagbaya niyo hin kadagmitan didto ha Ehipto. Kaona niyo ini nga tinapay—kay tigaman ini nga tinapay han iyo pag-antos—basi, samtang nga buhi pa kamo, mahinunumdom kamo han adlaw han paggawas niyo han Ehipto, ito nga dapit hin pag-antos.

Deuteronomio 24:18

Hinumdomi niyo nga mga oripon kamo didto ha Ehipto ngan gintalwas kamo han Ginoo nga iyo Dyos; sanglit iginhatag ko ha iyo ini nga sugo.

Deuteronomio 24:22

Ayaw niyo hingalimti nga mga oripon kamo didto ha Ehipto; sanglit iginhatag ko ha iyo ini nga sugo.

Deuteronomio 26:8

Gintalwas kami niya tikang ha Ehipto pinaagi han iya dako nga gahom ug kusog. Ginbuhat niya in mga milagro ngan mga urosahon, ngan itinugot niya nga mahinabo in magpakaharadlok nga mga butang.

Deuteronomio 4:34

May-ada na ba diyos nga nangahas hin pagkadto ngan pagkuha hin mga tawo tikang hin lain nga nasod ngan paghimo ha ira nga iya kalugaringon, sugad han ginbuhat ha iyo han Ginoo nga iyo Dyos didto ha Ehipto? Ha atubangan gud han iyo mga mata ginamit niya an iya dako nga gahom ug kusog; ginpadara niya in mga peste ug araway, ginbuhat niya in mga milagro ngan mga orosahon, ngan ginpahinabo in magpakaharadlok nga mga butang.

Deuteronomio 5:15

Hinumdomi nga mga oripon kamo didto ha Ehipto ngan ako nga Ginoo nga iyo Dyos an nagtalwas ha iyo pinaagi han akon dako nga gahom ug kusog. Amo ito nga nagsusugo ako ha iyo nga iyo pagtumanon an Adlaw nga Igparahuway.

Deuteronomio 5:6

‘Ako amo an Ginoo nga iyo Dyos nga nagpagawas ha iyo tikang ha Ehipto diin mga oripon kamo.

Deuteronomio 6:12

talinguhaa gud nga diri niyo hingalimtan an Ginoo nga nagtalwas ha iyo tikang ha Ehipto, diin mga oripon kamo.

Deuteronomio 6:21

Niyan sidnga hira, ‘Mga oripon kami hadto anay han hadi ha Ehipto ngan gintalwas kami han Ginoo pinaagi han iya dako nga gahom.

Deuteronomio 7:8

Kundi ginhigugma kamo han Ginoo ngan karuyag niya tumanon an saad nga iya iginsaad ngadto ha iyo kaapoy-apoyan. Amo ito nga gintalwas kamo niya pinaagi han iya dako nga gahom, ngan gintalwas kamo tikang han iyo pagkaoripon han hadi han Ehipto.

Deuteronomio 8:14

talinguhaa gud nga diri kamo magmapinahitas-on ngan mahingalimot han Ginoo nga iyo Dyos nga nagtalwas ha iyo tikang ha Ehipto diin mga oripon anay kamo.

Deuteronomio 9:12

“Niyan nagsiring ha akon an Ginoo, ‘Lugsong dayon han bukid kay an imo mga tawo nga imo ginpagawas han Ehipto nagmahugaw ngan nagbuhat na hin maraot. Tinmalikod na hira han iginsugo ko ha ira, ngan naghimo hira hin pinurog nga diyosdiyos para ha ira ngahaw.’

Josue 24:17

An Ginoo nga amon Dyos amo an nagpagawas han amon ginikanan ug ha amon hin kaoripon didto ha Ehipto, ngan amon gud hinkit-an an mga milagro nga iya ginbuhat. Murayaw an amon kamutangan bisan kami diin kakadto nga dapit ha ngatanan nga nasod.

Mga Maghurukom 2:12

Hinmunong hira hin pagsingba han Ginoo nga Dyos han ira mga ginikanan, an Dyos nga nagkuha ha ira ha Ehipto, ngan nagsingba na hira hin iba nga kadiyosan han mga tawo nga naglibot ha ira. Ginyukboan nira ini nga kadiyosan; sanglit nasina ha ira an Ginoo.

Mga Maghurukom 6:8

Ginpadad-an hira hin usa nga manaragna nga nagdara ha ira hini nga mensahe tikang han Ginoo nga Dyos han Israel: “Ginpagawas ko kamo tikang hin pagkaoripon didto ha Ehipto.