Exodo 13:2 - Samarenyo Meaning-Based Bible (1984)

² “Ighalad ha akon an ngatanan nga suhag nga kalalaken-an, kay akon an kada suhag nga lalake nga Israelita, ngan an kada suhag nga lalaki nga mananap.”

Exodo 13:2 Iomraidhean Croise

Nehemias 10:36

Pagdadad-on namon ngadto han kapadian han Templo an suhag nga lalake nga matawo ha kada usa ha amon, ngan didto ighahalad hiya namon ngadto ha Dyos sumala han ginkikinahanglan han Balaod. Ighahalad liwat namon an suhag nga baka nga ig-anak han kada usa han amon mga baka, ngan an suhag nga karnero o kanding nga ig-anak han kada usa han amon mga karnero o mga kanding.

Nehemias 10:37

Pagdadad-on namon ngadto han kapadian han Templo an minasa nga hinimo tikang han syahan nga inani nga pugas ha kada tuig ngan an amon iba nga mga halad nga bino, lana hin olibo, ngan ngatanan nga mga bunga hin kahoy. Pagdadad-on namon an mga ikanapulo ka bahin tikang han mga abot han amon tuna ngadto han mga Levita nga tinaporan hin pagkarawat han mga ikanapulo ka bahin didto han amon kabaryohan ngan kaumhan.

Exodo 13:1

Nagsiring kan Moises an Ginoo,

Exodo 22:28

“Ayaw niyo pagpakaraota an Dyos, ngan ayaw kamo pagtunglo hin usa nga pangulo han iyo mga tawo.

Exodo 23:19

“Kada tuig dad-a niyo ngadto han balay han Ginoo nga iyo Dyos an syahan nga trigo nga iyo pag-anihon. “Ayaw niyo paglutoa in nati nga karnero o kanding dida han gatas han iroy hini.

Exodo 4:22

Niyan kinahanglan pagsumatan mo hiya nga nasiring ako nga Ginoo, ‘Akon suhag nga lalake an Israel.

Ezequiel 16:20

“Niyan ginkuha mo an mga anak nga kalalaken-an ug kababayen-an nga igin-anak mo ha akon, ngan iginhalad mo hira sugad nga mga halad nga tinubod ngadto hin mga diyosdiyos. Diri ba igo na hin kamaraot an imo paglingo ha akon,

Ezequiel 16:21

nga imo ginkuha an akon mga anak ngan ighalad ngadto hin mga diyosdiyos?

Levitico 27:26

An Ginoo an tag-iya han mga suhag nga anak hin hayop, sanglit waray makakaghalad hini nga mga suhag ngadto han nga usa nga kaburot-on nga halad. Kanan Ginoo ini hira ma nati ini nga baka, o nati nga karnero, o nati nga kanding,

Numero 18:15

“Imo an tagsa nga suhag nga bata o hayop nga ihahalad ha akon han mga Israelita. Kundi kinahanglan karawton mo in bayad hin paglukat han tagsa nga suhag nga bata, ngan kinahanglan karawton liwat nimo an bayad para han tagsa nga suhag nga mananap nga mahugaw sumala han seremonyas.

Numero 3:12

“Magigin akon na yana an mga Levita. Han pagpataya ko han ngatanan nga mga suhag han mga Ehiptohanon, ginhimo ko nga baraan nga akon kalugaringon an suhag nga lalake han tagsa nga panimalay nga Israelita ngan an suhag han tagsa nga mananap. Yana, diri na aangkonon ko an mga suhag nga kalalaken-an han Israel nga akon kalugaringon, kundi akon na an mga Levita; maaakon na hira. Amo ako an Ginoo.”

Lucas 2:23

sumala han iginsurat dida han balaod han Ginoo: “Kinahanglan ighalad ngadto han Ginoo an tagsa nga suhag nga lalake.”

Deuteronomio 15:19

“Igahin para han Ginoo nga iyo Dyos an ngatanan nga suhag nga mga lalaki han iyo mga baka ngan mga karnero; ayaw niyo gamita hin pag-uma ini nga mga baka ngan ayaw niyo aroti ini nga mga karnero.

Hebreo 12:23

Hinmarani kami han malipayon nga katirok han mga suhag nga mga anak nga kalalaken-an han Dyos, kanay mga ngaran nahisurat na ha langit. Hinmarani kamo han Dyos nga amo an maghurukom han ngatanan nga mga tawo, ngan hinmarani kamo han mga espiritu han mga tawo nga magtadong nga nahingpit na.