Exodo 12:3 - Samarenyo Meaning-Based Bible (1984)

³ Ighatag ini nga mga tugon ngadto han bug-os nga bungto han Israel: Dida han ikanapulo nga adlaw hini nga bulan kinahanglan magpili an kada tawo hin usa nga nati nga karnero o nati nga kanding para han iya panimalay.

Exodo 12:3 Iomraidhean Croise

Genesis 22:8

Binmaton hi Abraham, “An Dyos ngahaw an mahatag hin usa nga nati nga karnero.” Ngan nagpadayon hira hin pagkalakat.

Genesis 4:4

Niyan nagdara hi Abel han suhag nga nati nga karnero nga igin-anak hin usa han iya mga karnero, gin-ihaw ini, ngan iginhatag an gimamay-upayi nga mga bahin hini. Nalipay an Ginoo kan Abel ngan han iya halad,

2 Cronicas 35:7

Para han gagamiton han mga tawo ha Pagsaurog han Paglabay nag-amot hi Hadi Josias tikang han iya kalugaringon nga mga panon hin 30,000 nga mga karnero, mga nati nga karnero, ngan mga nati nga kanding, ngan 3,000 nga mga todo nga baka.

Exodo 12:2

“Amo ini an syahan nga bulan han tuig para ha iyo.

Exodo 12:21

Gintawag ni Moises an ngatanan nga mga pangulo han Israel, ngan ginsiring hira, “Magpili an tagsa ha iyo hin usa nga nati nga karnero o nati nga kanding ngan ihawa ini, basi makagsaurog han Paglabay an iyo mga panimalay.

Exodo 12:4

Kon diri damo an sakop han iya panimalay nga diri makakaubos hin bug-os nga nati nga karnero, mahihimo nga in usa nga karnero pagsaroan niya ngan han iya sapit nga amyaw, sumala han kadamo han mga tawo ngan sumala han kadamo nga makakaon han kada tawo.

Exodo 12:6

Laminga ini tubtob han ika-14 nga adlaw han bulan, diin dida hiton gab-i pag-iihawon han bug-os nga bungto han Israel an hayop.

Exodo 14:15

Nagsiring kan Moises an Ginoo, “Kay ano nga nagoliat ka hin pakibulig? Sidnga an mga tawo nga magpadayon hira tipaunhan.

Exodo 20:19

Nagsiring hira kan Moises, “Mamamati kami kon ikaw an maghimangraw ha amon; kundi nahadlok kami nga, kon an Dyos an maghimangraw ha amon, magkakamatay kami.”

Exodo 4:30

Ginsumatan hira ni Aaron han ngatanan nga iginsiring han Ginoo kan Moises, ngan ginbuhat ni Moises atubangan han mga tawo an ngatanan nga mga milagro.

Exodo 6:6

Sanglit sumati an mga Israelita nga nasiring ako ha ira, ‘Amo ako an Ginoo; tatalwason ko kamo ngan igagawas ko kamo tikang han iyo pagkaoripon han mga Ehiptohanon. Babayawon ko an akon gamhanan nga butkon hin makalilisang nga pagkastigo ha ira, ngan tatalwason ko kamo.

Ezequiel 40:1

Ikanapulo adto nga adlaw han bag-o nga tuig, nga amo an ika-25 ka tuig tikang han amon pagkabihag, ngan an ka-14 ka tuig tikang mabihag an Jerusalem. Dida hito nga adlaw inabat ko nga nakanhi ha akon an Ginoo, ngan gindara ako niya.

Levitico 1:2

nga pinapagtuman han mga Israelita kon maghalad hira han ira mga hayop nga pagtutuboron. Kon maghalad an bisan hin-o hin hayop nga pagtutuboron, makakahimo hiya hin paghalad hin usa han iya mga baka o usa han iya mga karnero o mga kanding.

Levitico 5:6

ngan sugad nga sirot han iya sala, kinahanglan magdara hiya ngadto han Ginoo hin usa nga babayi nga karnero o kanding nga iya ighahalad. Ighahalad han padi an hayop nga tutuboron para han sala han tawo.

Numero 15:11

Amo ito an igin-uupod hin paghalad han kada baka nga todo, karnero nga todo, karnero nga babayi, o kanding.

Juan 1:29

Pagkabuwas, hinkit-an ni Juan hi Jesus nga tikada ha iya, ngan nagsiring hiya, “Kitaa, iini an Kordero han Dyos, nga nagkukuha han sala han kalibutan!

Juan 1:36

Han pakakita niya kan Jesus nga nalabay, nagsiring hiya, “Kitaa, iini an Kordero han Dyos!”

Juan 12:1

Unom pa ka adlaw san-o umabot an Pyesta han Paglabay, napakadto hi Jesus ha Betania, an bungto ni Lazaro nga ginbanhaw ni Jesus.

Juan 12:12

Pagkabuwas, hinbatian han kadam-an nga mga tawo nga kinmadto han Pyesta han Paglabay, nga maabot hi Jesus ha Jerusalem.

1 Mga Taga-Corinto 5:7

Kinahanglan kuhaon niyo ini nga daan nga patubo han sala basi mahingpit an iyo pagkaputli. Niyan masusugad na kamo hin bag-o nga minasa nga waray gud patubo, ngan maaram ako nga amo gud ini kamo. Kay andam na an Pyesta han Paglabay, yana nga iginhalad na hi Cristo nga amo an aton kordero han Paglabay.

Josue 7:14

Sanglit sumati hira nga ha pagkaaga paaatubangon ko hira ha akon an tagsa nga tribo. An tribo nga akon pilion, maatubangan ha akon an tagsa nga iya banay. An banay nga akon pilion, maatubang ha akon an tagsa nga iya panimalay. An panimalay nga akon pilion, maatubangan ha akon an tagsa nga tawo hito nga panimalay.

Ginpadayag 13:8

Magsisingba han mapintas nga mananap an ngatanan nga mga tawo nga nag-uukoy dinhe ha tuna, labot han mga tawo kanay mga ngaran nahisurat na han waray pa hihimoa an kalibutan, dida han basahan han mga buhi nga gintatag-iya han Kordero nga ginpatay.

1 Samuel 7:9

Nag-ihaw hi Samuel hin usa nga nati nga karnero ngan gintubod ini ngan ginhalad ngadto han Ginoo. Niyan nag-ampo hiya han Ginoo nga buligan an Israel, ngan pinamatian han Ginoo an iya pag-ampo.