Exodo 11:4 - Samarenyo Meaning-Based Bible (1984)

⁴ Niyan ginsiring ni Moises an hadi, “Nasiring an Ginoo, ‘Ha katutnga han gab-i maglalatas ako han Ehipto,

Exodo 11:4 Iomraidhean Croise

2 Samuel 5:24

Kon hibatian mo in mga aringasa sugad hin tubadok hin mga pitad ha bawbaw han kakahoyan, sulong dayon kamo, kay mag-uuna ako ha imo hin pagpukan han kasondalohan nga Filisteohanon.”

An Basahan ni Job 34:20

Mahihimo mamatay hin tigda la ha gab-i in usa ka tawo. Hinahampak han Dyos in mga tawo ngan nagkakamatay hira. Diri makuri para ha iya in pagpatay han mga gamhanan.

Mga Salmo 60:10

Iginsikway ba kami nimo hin tinuod? Diri ka ba mabunyog han amon kasondalohan?

Mga Salmo 81:5

Iginsugo niya ito ha mga tawo han Israel, han pagsulonga niya han tuna han Ehipto. Nabati ako hin diri kinikilala nga tingog nga nasiring,

Exodo 12:12

“Dida hito nga gab-i maglalatas ako han tuna han Ehipto ngan papatayon ko an ngatanan nga suhag nga lalake, ma tawo ug ma mananap, ngan kakastigohon ko an ngatanan nga kadiyosan han Ehipto. Ako amo an Ginoo.

Exodo 12:23

Kon maglatas na han Ehipto an Ginoo hin panmatay han mga Ehiptohanon, hikikit-an niya an dugo dida han mga baybayan ngan han mga harigi han porta, ngan diri niya tutugotan an Anghel han Kamatayon hin pagsulod han iyo mga balay ngan pagpatay ha iyo.

Exodo 12:29

Dida han katutnga na han kagab-ihon pinanmatay han Ginoo an ngatanan nga mga suhag nga kalalaken-an didto ha Ehipto, tikang han anak han hadi nga manurunod han trono, ngadto han anak han mga bihag didto ha prisohan; pinanmatay liwat an ngatanan nga mga suhag nga kamanampan.

Isaias 42:13

Nagawas an Ginoo hin pakiaway sugad hin paraaway nga andam ngan may karuyag tinguha gud hin pakiaway. Nagoliat hiya hin araway, an goliat ha pag-awayan; ipinapakita niya an iya gahom kontra han iya mga kaaway.

Amos 4:10

“Ginpadara ko ha iyo in peste nga sugad han akon ginbuhat didto ha Ehipto. Pinanmatay ko didto ha pag-awayan an iyo batan-on nga kalalaken-an ngan ginkuha ko an iyo mga kabayo. Iginpabaho ko ha iyo an mga patay nga lawas didto han iyo mga kampo. Kundi waray kamo gihapon bumalik ha akon.

Amos 5:17

May-ada mga pagnguyngoy didto han ngatanan nga mga urubasan. Mahinanabo ini ngatanan kay makanhi ako hin pagkastigo ha iyo.” An Ginoo an nagyakan.

Miqueas 2:13

Bubuksan han Dyos an agian para ha ira ngan pagtutugwayan hira hin paggawas tikang ha pagkabihag. Magkakagawas hira tikang han mga ganghaan han syudad ngan talwas na hira. An ira hadi nga amo an Ginoo ngahaw amo an mag-uuna ha ira hin paggawas.

Mateo 25:6

“Han katutnga na, may ginmoliat ‘Aadi na an karaslon? Pakadi na kamo ngan tapoa niyo hiya!’