Exodo 11:1 - Samarenyo Meaning-Based Bible (1984)

¹ Niyan nagsiring kan Moises an Ginoo, “Usa na la nga kastigo an akon igpapadara han hadi han Ehipto ngan han iya mga tawo. Katapos hito, palalakton na kamo niya. Ngani, paiiwason gud niya kamo ngatanan.

Exodo 11:1 Iomraidhean Croise

Genesis 15:14

Kundi pagkakastigohon ko an nasod nga mag-ooripon ha ira, ngan kon bumaya na hira hito nga nag-oripon ha ira nga tuna, magdadara hira hin damo nga mga manggad.

An Basahan ni Job 10:17

Dayuday may testigo ka kontra ha akon; nagtitikadugang an imo kasina ha akon; dayuday naglalarang ka hin bag-o nga pagsulong.

Exodo 12:29

Dida han katutnga na han kagab-ihon pinanmatay han Ginoo an ngatanan nga mga suhag nga kalalaken-an didto ha Ehipto, tikang han anak han hadi nga manurunod han trono, ngadto han anak han mga bihag didto ha prisohan; pinanmatay liwat an ngatanan nga mga suhag nga kamanampan.

Exodo 3:20

Kundi gagamiton ko an akon gahom, ngan kakastigohon ko an Ehipto pinaagi hin pagbuhat hin magpakaharadlok nga mga butang didto. Katapos hito, palalakton kamo niya.

Exodo 6:1

Niyan nagsiring kan Moises an Ginoo, “Yana hikikit-an mo an akon pagbubuhaton ngadto han hadi. Pagpipiriton ko hiya hin pagpalakat han akon mga tawo. Ngani pagpipiriton ko hiya hin pagpagawas ha ira tikang han iya tuna.”

Exodo 9:14

Hini nga mga panahon kakastigohon ko diri la an imo mga opisyal ngan an imo mga tawo, kundi pati ikaw, basi hibaroan mo nga waray na sugad ha akon ha bug-os nga kalibutan.

Levitico 26:21

“Kon magpadayon la kamo gihapon hin pag-ato ha akon ngan diri kamo magsugot ha akon, pagdudugangan ko na liwat hin pito ka pilo an iyo kastigo.

Deuteronomio 4:34

May-ada na ba diyos nga nangahas hin pagkadto ngan pagkuha hin mga tawo tikang hin lain nga nasod ngan paghimo ha ira nga iya kalugaringon, sugad han ginbuhat ha iyo han Ginoo nga iyo Dyos didto ha Ehipto? Ha atubangan gud han iyo mga mata ginamit niya an iya dako nga gahom ug kusog; ginpadara niya in mga peste ug araway, ginbuhat niya in mga milagro ngan mga orosahon, ngan ginpahinabo in magpakaharadlok nga mga butang.

Ginpadayag 16:9

Nasunog an mga tawo tungod han makalilisang nga kamapaso, ngan ginpanhimaraot nira an ngaran han Dyos nga may pagburut-an hini nga mga peste. Kundi waray hira bumaya han ira mga sala, ngan waray hira magdayaw han iya pagkaharangdon.

1 Samuel 6:4

“Ano nga regalo an amon igpapadara ha iya?” nagpakiana an mga tawo. Binmaton hira, “Lima ka bug-os nga bulawan nga ginporma sugad hin mga hubag ngan hin lima ka bug-os nga bulawan nga ginporma sugad hin yatot, tag-usa ka padis para han kada usa nga hadi nga Filisteohanon. Amo gihapon nga peste an iginpadara ha iyo ngatanan ngan han lima nga kahadian.