Exodo 10:9 - Samarenyo Meaning-Based Bible (1984)

⁹ Binmaton hi Moises, “Kami gud ngatanan, lakip an amon kabataan ngan an amon kalagasan. Dadad-on namon an amon mga anak nga kalalaken-an ngan kababayen-an, amon mga karnero ngan mga kanding ngan an amon mga baka, kay kinahanglan magsaurog kami hin pyesta ha pagpasidungog han Ginoo.”

Exodo 10:9 Iomraidhean Croise

Genesis 50:8

Nangupod ngatanan kan Jose an iya panimalay, an iya kabugtoan nga kalalaken-an, ngan an iba pa han panimalay han iya amay. An ira la gudtiay nga kabataan, ngan an ira mga karnero, mga kanding, ngan mga baka an nagpabilin didto han katunaan han Gosen.

Exodo 10:10

Nagsiring an hadi, “Nagsusumpa ako pinaagi han Ginoo nga diri ko gud kamo tutugotan hin pagdara han iyo kababayen-an ngan kabataan! Dayag ini nga karuyag niyo hin pagsupil ha akon.

Exodo 10:26

Diri; dadad-on namon an amon kahayopan; waray igbibilin bisan mausa. Kinahanglan kami ngahaw an magpipili han kahayopan nga gagamiton namon hin pagsingba han Ginoo nga amon Dyos. Diri kami mahibabaro kon ano nga mga mananap an ighahalad ha iya tubtob han amon pag-abot didto.”

Exodo 12:32

Dad-a an iyo mga karnero, mga kanding, ngan mga baka, ngan pagkalakat na kamo. Ig-ampo man liwat ako nga bendisyonan ako.”

Exodo 12:37

Nagbaktas an mga Israelita tikang ha Rameses ngadto ha Sucot. May-ada mga 600,000 an kalalaken-an, labot han kababayen-an ngan kabataan.

Exodo 12:38

Inmupod liwat ha ira in damo nga iba nga mga tawo ngan damo nga mga karnero, mga kanding ngan mga baka.

Exodo 13:6

Sulod hin pito ka adlaw kinahanglan kumaon kamo hin tinapay nga waray patubo, ngan dida han ikapito nga adlaw magsasaurog kamo hin pagpasidungog han Ginoo.

Exodo 3:18

“Mamamati an akon mga tawo han imo igsisiring ha ira. Katapos kinahanglan kumadto ka han hadi han Ehipto upod han mga pangulo han Israel, ngan sidnga hiya, ‘Nagpadayag ha amon an Ginoo nga Dyos han mga Hebreo. Yana tugoti kami hin paglakat hin tulo ka adlaw ngadto ha kamingawan hin paghalad hin mga halad nga tinubod ngadto han Ginoo nga amon Dyos.’

Exodo 5:1

Katapos hini, kinmadto han hadi han Ehipto hira Moises ug Aaron ngan nagsiring, “Nasiring an Ginoo nga Dyos han Israel, ‘Palakta an akon mga tawo, basi makagsaurog hira hin pyesta didto ha kamingawan ha pagpasidungog ha akon.’”

Exodo 5:3

Binmaton hira Moises ug Aaron, “Nagpadayag ha amon an Dyos han mga Hebreo. Tugoti kami hin paglakat hin tulo ka adlaw ngadto ha kamingawan basi maghalad kami hin mga halad nga tinubod ngadto han Ginoo nga amon Dyos. Kon diri kami maghalad, pamamatayon kami niya pinaagi hin sakit o hin araway.”

Mga Darahonon 3:9

Pagpasidunggi an Ginoo pinaagi hin paghalad ngadto ha iya han gimamaupayi han ngatanan nga mga abot han imo tuna.

Ecclesiastes 12:1

Sanglit hinumdomi an iyo Magburuhat samtang nga batan-on pa kamo, nga diri pa naabot adton magsulob-on nga mga adlaw ngan mga tuig, nga masiring kamo, “Waray ako makagpahimulos han kinabuhi.”

Numero 29:12

Pagtirok kamo hin pagsingba dida han ika-15 nga adlaw han ikapito nga bulan. Pagsauroga niyo ini nga pyesta ha pagpasidungog han Ginoo sulod hin pito ka adlaw ngan ayaw kamo pagbuhat.

Mga Taga-Efeso 6:4

Mga kag-anak, ayaw pagdumaraa an iyo mga anak ha paagi nga makakapapungot ha ira. Kundi pagdumaraa lugod hira pinaagi han Cristianos nga disiplina ngan pagturon-an.

Josue 24:15

Kon diri kamo karuyag hin pag-alagad ha iya, pagpili kamo yana nga adlaw kon hin-o an iyo pag-aalagdon: an mga kadiyosan nga ginsingba han iyo mga ginikanan didto ha Mesopotamia kon an mga kadiyosan han mga Amoreohanon, kanay tuna amo an iyo inuokyan. Bahin han akon panimalay ug ha akon, mag-aalagad kami han Ginoo.”