Exodo 10:7 - Samarenyo Meaning-Based Bible (1984)

⁷ Ginsiring an hadi han iya mga opisyal, “Tubtob san-o an pakasamok ha aton hini nga tawo? Palakta an kalalaken-an nga mga Israelita basi makagsingba hira han Ginoo nga ira Dyos. Diri ka ba maaram nga nabubungkag na an Ehipto?”

Exodo 10:7 Iomraidhean Croise

1 Samuel 18:21

Naghunahuna hiya, “Ighahatag ko hi Mical ngadto kan David; gagamiton ko hiya hin pagbitik kan David, basi patayon hi David han mga Filisteohanon.” Sanglit nagsiring hi Saul kan David, hin ikaduha, “Magigin umagad ka nakon.”

Ecclesiastes 7:26

Hinsabtan ko in labaw pa kamapait kay han kamatayon—an babaye. Dadakpon ka han gugma nga iya ihinahalad ha imo; sugad hin bitik o sugad hin pukot; ngan an iya mga butkon nga nagakos ha imo nakapot sugad hin kadena. Nakakalipay ha iya an tawo nga nakakalipay han Dyos, kundi dinadakop niya an makasasala.

Josue 23:13

waray ruhaduha an Ginoo nga iyo Dyos diri na magpapaiwas hini nga mga nasod samtang nasulong kamo. Lugod, dako ini nga kataragman para ha iyo, sugad hin bitik kon luong, ug sugad hin kamasakit hin lapdos ha iyo bungkog kon tunok ha iyo mga mata. Ngan magpapadayon ini tubtob nga waray bisan usa ha iyo nga mahisalin dida hini nga maupay nga tuna nga iginhatag ha iyo han Ginoo nga iyo Dyos.

Exodo 23:33

Ayaw niyo pagtugoti ini nga mga tawo hin pag-ukoy ha iyo nasod; kay kon tugotan niyo, hira an mag-aghat ha iyo hin pakasala kontra ha akon. Kon magsingba kamo han ira kadiyosan, magigin makamaratay ini nga bitik para ha iyo.”

1 Mga Taga-Corinto 7:35

Iginsisiring ko ini kay karuyag ko bumulig ha iyo, diri pag-ulang ha iyo. Lugod karuyag ko nga buhaton niyo an matadong ngan angay, ngan ihatag ha Ginoo an iyo bug-os nga pag-alagad hin waray gud pag-alang.

Sofonias 1:18

Dida han adlaw nga ipakita na han Ginoo an iya kapungot, diri makakatalwas ha ira bisan an ngatanan nira nga salapi ug bulawan. Uugtangon an bug-os nga tuna pinaagi han kalayo han iya kasina. Pupuohon niya hin tigda an ngatanan nga nag-uokoy ha tuna.

Jeremias 51:8

Napukan hin tigda ngan nabungkag an Babilonia! Pagnguyngoy kamo tungod hini! Kuha kamo hin tambal para han iya mga samad, ngan bangin matambal pa ini.

Jeremias 48:4

“Nabungkag na an Moab; pamatii an nananangis nga kabataan.

Isaias 51:9

Pagmata, O Ginoo, ngan buligi kami! Gamita an imo gahom ngan talwasa kami; gamita ini sugad han imo ginbuhat han naglabay na nga mga panahon. Ikaw an nagtirutigbas kan Rahab nga higante ha dagat.

Isaias 14:20

Diri ka iglulubong sugad hin iba nga kahadian, kay ginruba mo an imo nasod ngan ginpamatay mo an imo kalugaringon nga mga tawo. Waray mabubuhi bisan usa han imo magraogdaog nga panimalay.

Mga Darahonon 29:6

Nabibitik an magraot nga mga tawo dida han ira kalugaringon nga mga kasal-anan, samtang an mga tangkod mga maglipayon ngan may kagawasan.

Mga Salmo 107:34

Magtambok nga tuna nagin kaparatan, kay magraot an nag-ukoy nga katawhan.

Exodo 8:19

ngan ginsiring han mga salamangkero an hadi, “An Dyos an nagbuhat hini!” Kundi matig-a la gihapon an kasingkasing han hadi sumala han iginsiring han Ginoo, ngan waray gud hiya mamati kanda Moises ug Aaron.

Exodo 7:5

Niyan mahibabaro an mga Ehiptohanon nga ako amo an Ginoo, kon bayawon ko na an akon kamot kontra ha ira ngan pagawson ko na an mga Israelita tikang han ira nasod.”

Exodo 12:33

Gin-agda han mga Ehiptohanon an mga tawo nga magdagmit hira hin pagbaya han nasod. Nagsiring hira, “Magkakamatay kami ngatanan kon diri kamo umiwas.”

1 Samuel 5:11

Sanglit ginpasugoan na liwat nira an ngatanan nga Filisteohanon nga kahadian, ngan ginsiring hira, “Igbalik an Kahon han Ginsaaran han Israel ngadto han iya kalugaringon nga dapit, basi diri mamatay kami ngan an amon mga panimalay.” Dako gud an karigumok han bug-os nga syudad kay gintiupay hira hin pagkastigoha han Dyos.