Exodo 10:6 - Samarenyo Meaning-Based Bible (1984)

⁶ Pupun-on hini an imo mga palasyo ngan an kabablayan han ngatanan mo nga mga opisyal ngan ngatanan mo nga mga tawo. Labaw pa ini kamaraot kay han bisan ano nga hinkit-an han iyo kaapoy-apoyan.’” Katapos tinmalikod dayon hi Moises ngan linmakat.

Exodo 10:6 Iomraidhean Croise

Exodo 10:11

Diri! An kalalaken-an la an makadto hin pagsingba han Ginoo, kon amo ito an iyo karuyag.” Katapos hito, pinaiwas hira Moises ug Aaron tikang ha atubangan han hadi.

Exodo 11:6

Magkakamay-ada dagko nga mga pagnguyngoy ha bug-os nga Ehipto nga waray pa gud mahinabo hadto, ngan diri na liwat mahinanabo.

Exodo 11:8

Gintapos ni Moises pinaagi hin pagsiring, “Madaop ngan mayukbo ha akon atubangan an ngatanan mo nga mga opisyal, ngan maghahangyo ini hira ha akon nga dad-on ko an ngatanan nga akon mga tawo ngan magkalakat hira. Katapos hito, malakat na ako.” Niyan ha dako nga kasina binayaan ni Moises an hadi.

Exodo 8:21

Kon dumiri ka, ginpapahimatngonan ko ikaw nga pagkakastigohon ko ikaw pinaagi hin pagpadara hin mga langaw ngada ha imo, han imo mga opisyal, ngan han imo mga tawo. Mapupuno hin mga langaw an kabablayan han mga Ehiptohanon ngan maluluob an tuna.

Exodo 8:3

Mapupuno hin damo nga mga pakla an Nilo nga babayaan nira ini ngan mapakadto han imo palasyo, han imo kwarto nga higdaan, han imo higdaan, han mga balay han imo mga opisyal ngan han imo mga tawo, ngan bisan pa ngadto han imo mga hudno ngan mga hurmaan hin tinapay.

Exodo 9:18

Ha sugad hini nga takna buwas igpapadara ko in uranos hin mga bato nga yelo, nga waray pa gud mahinabo ha bug-os nga Ehipto, ha bug-os nga kasaysayan han nasod.

Exodo 9:24

in uranos hin mga bato nga yelo upod in lilinti nga nag-iiroidlap. Amo adto an gikukusogi nga uranos hin mga bato nga yelo nga nahinabo didto ha Ehipto ha bug-os nga kasaysayan hini nga nasod.

Joel 2:2

Masirom ngan madulom ini nga adlaw, maitom ngan madampog nga adlaw. Nasulong an dako nga kabalay hin mga duron, sugad hin kasisidman nga nakakalukop ha igbaw han kabukiran. Waray pa gud sugad hini hadto ngan waray na gud masusugad hini.

Joel 2:9

Dinadasdas nira an syudad; linulukso nira an mga pader; sinasaka nira an kabablayan, ngan nasulod hira dida han mga bintana sugad hin mga kawatan.

Hebreo 11:27

Tungod hin pagtoo kinmalagiw hi Moises tikang ha Ehipto hin waray kahadlok han kasina han hadi; sugad nga daw kinmita hiya han diri kinikita nga Dyos, sanglit waray na hiya bumalik ha Ehipto.