Exodo 10:3 - Samarenyo Meaning-Based Bible (1984)

³ Sanglit kinmadto han hadi hira Moises ug Aaron ngan nagsiring ha iya, “Nasiring an Ginoo nga Dyos han mga Hebreo, ‘Tubtob san-o an diri mo pagtubyan ha akon? Palakta an akon mga tawo, basi makagsingba hira ha akon.

Exodo 10:3 Iomraidhean Croise

1 Hadi 18:21

Ginkadto ni Elias an mga tawo ngan ginsiring, “San-o pa niyo titibwaya an iyo panhunahuna? Kon an Ginoo amo an Dyos, hiya an pagsingbaha; kundi kon hi Baal amo an Dyos, hiya an pagsingbaha!” Kundi waray mag-aringasa an mga tawo.

1 Hadi 21:29

“Hinkit-an mo ba kon gin-unan-o ni Acab hin pagpaubos ha akon atubangan? Tungod nga ginbuhat niya ini, diri ko pagdadad-on ha iya an karat-an ha panahon nga buhi pa hiya; pagdadad-on ko an karat-an ngada han panimalay ni Acab ha panahon nga an iya anak amo na an hadi.”

2 Hadi 22:19

ngan nagbasol ngan nagpaubos ka ha akon atubangan, nga naggisi han imo mga panapton ngan nagtangis han pakabati mo han akon pagtarhoga hin pagkastigo han Jerusalem ngan han iya mga tawo. Hihimoon ko ito nga makaarawod nga taran-awon, usa nga dapit kanay ngaran gagamiton han mga tawo hin pagpakaraot. Kundi hinbatian ko an imo pag-ampo,

2 Cronicas 33:12

Ha iya pag-antos nagmapinaubsanon hiya, dinmangop hiya han Ginoo nga iya Dyos, ngan nangaro han iya tambulig.

2 Cronicas 33:19

Nahisurat ngatanan dida han Kasaysayan han mga Manaragna, an pag-ampo han hadi ngan an baton han Dyos, ngan in susumaton han mga sala nga iya nabuhat han waray pa hiya magbasol—an karat-an nga iya ginbuhat, an pagano nga mga dapit hin pagsingba, ngan an mga ladawan han diyosa nga hi Asera nga iya ginhimo, ngan an mga diyosdiyos nga iya ginsingba.

2 Cronicas 34:27

ngan nagbasol nga nagpaubos ka ha akon atubangan, pinaagi han paggisi han imo panapton ngan pagtangis han imo pakabati han akon pagtarhoga hin pagkastigo han Jerusalem ngan han iya mga tawo. Hinbatian ko an imo pag-ampo.

2 Cronicas 7:14

ngan mag-ampo hira ha akon ngan magbasol ngan bumaya han maraot nga ira binuhatan, niyan pamamatian ko hira didto ha langit, pasasayloon ko an ira mga sala, ngan magmamainuswagon hira dinhe han ira tuna.

An Basahan ni Job 42:6

Sanglit naaawod ako han ngatanan nga akon iginyakan, ngan nagbabasol ako nga nahigda ha tapotapo ngan ha mga agbon.

Exodo 10:4

Kon magpadayon ka hin pagdumiri, buwas gud igpapadara ko nganhi han imo nasod in mga duron.

Exodo 16:28

Niyan nagsiring kan Moises an Ginoo, “Tubtob san-o an diri niyo pagsugot han akon mga sugo?

Exodo 4:23

Ginsiring ko ikaw nga palakton mo an akon anak basi magsingba hiya ha akon, kundi dinmiri ka. Yana papatayon ko an imo suhag nga lalake!’”

Exodo 5:1

Katapos hini, kinmadto han hadi han Ehipto hira Moises ug Aaron ngan nagsiring, “Nasiring an Ginoo nga Dyos han Israel, ‘Palakta an akon mga tawo, basi makagsaurog hira hin pyesta didto ha kamingawan ha pagpasidungog ha akon.’”

Exodo 9:17

Kundi mapinahitas-on ka la gihapon ngan nadiri ka pagtugot hin pagpalakat han akon mga tawo.

Mga Darahonon 1:22

“Mga lurong! Tubtob san-o an iyo karuyag hin pagkalurong? Tubtob san-o an iyo pagkalipay hin pagtamay han hibaro? Waray pa ba kamo pagmaan?

Mga Darahonon 1:24

Nagtinawag ako ha iyo hin pagdapit ha iyo, kundi waray gud kamo pamati. Waray la kamo bumale ha akon.

Mga Darahonon 18:12

Waray tawo nga tinatahod labot kon hiya mapinaubsanon; tipakadto ha pagkapukan an mga magpinahitas-on.

Isaias 1:5

Kay ano nga nagpapadayon kamo hin pagsupil? Karuyag ba niyo nga kastigohon pa kamo? Israel, luob na hin kasamdan an imo ulo, ngan masakiton an imo kasingkasing ug hunahuna.

Isaias 2:11

Maabot in adlaw nga matatapos an kamapinahitas-on han tawo, ngan mabubungkag an kaparayawnon han tawo. Niyan an Ginoo na gud la an pagdadayawon.

Jeremias 13:10

Dinmiri hin pagsugot ha akon ini nga magraogdaog nga mga tawo. Magtig-a an ira mga ulo ngan magraogdaog la hira gihapon sugad han hadto anay, ngan nagsingba ngan nag-alagad hira hin iba nga kadiyosan. Sanglit masusugad hira hini nga karsonsilyo nga waray na gud gamit.

Jeremias 13:18

Nagsiring ha akon an Ginoo, “Sidnga an hadi ngan an iroy niya nga lumusad hira han ira mga trono, kay nahulog tikang han ira mga ulo an ira maanyag nga mga korona.

Jeremias 50:29

“Pasulonga ha Babilonia an mga parapana. Pakadtoa an ngatanan nga hag-id gumamit hin pana. Paliboti an syudad ngan kinahanglan waray makakalagiw bisan usa. Pabaydi ha ira an ngatanan nga ira ginbuhat ngan siroti hira sugad han ira pagpaantos han iba, kay nagmapahitas-on ini supak ha akon, an Baraan han Israel.

Ezequiel 5:6

Kundi sinmupil an Jerusalem han akon mga sugo ngan nagpakita nga labaw pa hiya hin kamaraot kay han iba nga mga nasod, labaw pa hin kamasinupakon kay han mga nasod nga palibot ha iya. Ginsikway han Jerusalem an akon mga sugo ngan dinmiri hin pagtuman han akon mga balaod.

Daniel 5:22

“Kundi ikaw nga iya anak waray ka magpaubos bisan kon hinbaroan mo ini ngatanan.

Numero 14:27

“Tubtob san-o an pagnginurutob kontra ha akon hini nga magraot nga mga tawo? Igo na an akon hinbatian hini nga mga pagngurutob.

Mga Taga-Roma 2:4

O gintatamay mo ba an dako nga kalooy han Dyos ngan an iya pagpaumaya ngan pagpailob? Diri ka ba maaram nga maloloy-on an Dyos kay tinguha niya nga magbasol ka?

Hebreo 12:25

Sanglit paghirot kamo, ngan ayaw pagdumiri hin pamati ha iya nga nagyayakan. An mga dinmiri pamati han naghatag han dyosnon nga mensahe dinhe ha tuna waray makapalagiw han sirot. Sanglit labi na nga diri kita makakapalagiw kon isalikway ta adton nagyayakan tikang ha langit!

Santiago 4:10

Pagpaubos kamo ha atubangan han Ginoo ngan pagpapahitas-on kamo niya.

1 Pedro 5:6

Sanglit pagpaubos kamo ha ubos han gahom han Dyos, basi pahitas-on kamo niya kon umabot na an iya iginsaad nga panahon.