Exodo 10:1 - Samarenyo Meaning-Based Bible (1984)

¹ Niyan nagsiring kan Moises an Ginoo, “Kadto ngan pakigkita han hadi. Ginpatig-a ko an kasingkasing niya ngan han iya mga opisyal, basi pagbuhaton ko dida ha ira ini nga mga milagro,

Exodo 10:1 Iomraidhean Croise

Mga Salmo 7:11

An Dyos matadong nga maghurukom han ngatanan, an magraogdaog kanunay iya pagsisirotan.

Exodo 10:20

Kundi ginpatig-a han Ginoo an kasingkasing han hadi ngan waray han hadi palakta an mga Israelita.

Exodo 3:20

Kundi gagamiton ko an akon gahom, ngan kakastigohon ko an Ehipto pinaagi hin pagbuhat hin magpakaharadlok nga mga butang didto. Katapos hito, palalakton kamo niya.

Exodo 4:21

Nagsiring na liwat kan Moises an Ginoo, “Yana nga tibalik ka na ngadto ha Ehipto, pagbuhata gud ha atubangan han hadi an ngatanan nga mga milagro nga iginhatag ko ha imo gahom hin pagbuhat. Kundi patitig-ahon ko an kasingkasing han hadi ngan diri niya tutugotan hin paglakat an mga tawo.

Exodo 7:4

Niyan ipadadara ko ngadto ha Ehipto in makalilisang nga kastigo, ngan dadad-on mo hin paggawas tikang han tuna an mga tribo han akon mga tawo.

Exodo 9:12

Kundi ginpatig-a han Ginoo an kasingkasing han hadi, ngan sumala han iya iginsiring, waray an hadi mamati kanda Moises ug Aaron.

Exodo 9:16

Kundi tinugotan ko nga mabuhi ka, basi makakita ka han akon gahom, ngan mahibantog ako ha bug-os nga kalibutan.

Exodo 9:27

Ginpasugoan han hadi hira Moises ug Aaron ngan ginsiring, “Nakasala ako hini nga takna; matadong an Ginoo, ngan sayop ako ngan an akon mga tawo.

Juan 12:40

“Ginbuta han Dyos an ira mga mata, ngan ginsadhan an ira mga hunahuna, basi diri kumita an ira mga mata, ngan diri makasantop an ira mga hunahuna, ngan diri hira dumanggop ha akon, nasiring an Dyos, basi tambalon ko hira.”

Mga Taga-Roma 9:17

Kay an Kasuratan nagsiring kan Paraon, “Ginhimo ko ikaw nga hadi basi gamiton ko ikaw hin pagpakita han akon gahom ngan pagpakilala han akon ngaran ha bug-os nga kalibutan.”

Mga Taga-Roma 9:18

Sanglit nalolooy an Dyos han iya buot kalooyan, ngan pinapatig-a niya an kasingkasing han buot niya patig-ahon.

Josue 11:20

Gin-aghat hira han Ginoo hin pakig-away kontra han mga Israelita basi hira mapuo ngatanan ngan mamatay hira hin waray kalooy. Amo ini an sugo han Ginoo kan Moises.

1 Samuel 4:8

Hin-o in magtatalwas ha aton tikang hito nga gamhanan nga kadiyosan? Amo hira an kadiyosan nga nagpatay han mga Ehiptohanon didto ha kamingawan!