Ester 3:2 - Samarenyo Meaning-Based Bible (1984)

² Ginsugo han hadi an ngatanan nga mga opisyal nga nag-aalagad ha iya hin pagpakita han ira pagtahod kan Aman pinaagi hin pagluhod ngan pagyukbo ha iya atubangan. Ginbuhat ini nira ngatanan labot kan Mardoqueo.

Ester 3:2 Iomraidhean Croise

Genesis 41:43

Iginhatag ha iya an ikaduha nga hadianon nga karuwahe nga ginsakyan ni Jose ngan nag-una ha iya an iya hadianon nga mga gwardya nga naggoliat, “Tagi hin lugar! Pagkaluhod kamo!” Sanglit gintudlok hi Jose nga gobernador han bug-os nga Ehipto.

Ester 2:19

Hito nga panahon gintudlok na han hadi hi Mardoqueo nga usa nga opisyal han iya pamunoan.

Ester 2:21

Sulod han panahon nga hi Mardoqueo usa nga opisyal didto han palasyo, hira Bagatan ug Tares nga duha han mga yunuko han palasyo nga nagbantay han aragian ngadto han mga kwarto han hadi nagdumot kan Hadi Asuero ngan nakahunahuna hira hin pagpatay ha iya.

Ester 2:5

Didto ha Susa nag-ukoy in usa nga Judiyo nga ginngaranan kan Mardoqueo nga anak ni Jair; sakop hiya han tribo ni Benjamin ngan tulin nira Cis ug Simei.

Ester 3:1

Inmagi in panahon ngan ginpahitaas ni Hadi Asuero in usa ka tawo nga ginngaranan kan Aman ngadto han katungdanan hin pagka gilalabawi nga opisyal han iya ginhadian. Anak hi Aman ni Hamedata nga tulin ni Agag.

Ester 3:3

Ginpakianhan hiya han iba nga mga opisyal nga nag-aalagad han hadi kay ano nga nasupak hiya han sugo han hadi;

Ester 3:5

Napungot hin duro hi Aman han iya pakasabot nga diri maluhod ngan mayukbo ha iya atubangan hi Mardoqueo,

Ester 5:9

Han pagbaya ni Aman han bangkite, malipayon hiya ngan maupay an iya kabuot. Kundi hinkit-an niya hi Mardoqueo nga nakada han aragian han palasyo, ngan tungod nga waray hi Mardoqueo tumindog o pumakita hin ano man nga tigaman hin pagtahod ha iya han pag-agi niya, napungot hin duro hi Aman.

Mga Salmo 15:4

An nasikway han Dyos iya sinusosnan, an masinugtanon ginpapasidunggan; iya mga saad pirme gintutuman, bisan pa madako iya kabaraydan.

Exodo 17:14

Niyan nagsiring kan Moises an Ginoo, “Igsurat an kasaysayan hiunong hini nga pagdarag-an basi mahinumdoman ini. Sumati hi Josue nga pagpupuohon ko an mga Amalekanhon.”

Exodo 17:16

Nagsiring hiya, “Alsaha hin hitaas an bandera han Ginoo! Magpapadayon an Ginoo hin pakig-away han mga Amalekanhon ha dayon nga katuigan!”

Daniel 2:49

Naghangyo hi Daniel han hadi nga ibutang hira Sadrac, Mesac, ug Abednego nga mga tinaporan han mga buruhaton han lalawigan han Babilonia; kundi nagpabilin hi Daniel didto han hadianon nga palasyo.

Deuteronomio 25:19

Sanglit kon ihatag na ha iyo han Ginoo nga iyo Dyos an tuna ngan matalwas na kamo han ngatanan niyo nga mga kaaway nga nag-uokoy palibot ha iyo, talinguhaa niyo hin pamatay han ngatanan nga mga Amalekanhon, basi waray na mahinumdom ha ira. Ayaw niyo ini hingalimti!

Mga Taga-Filipos 2:10

Ha pagpasidungog han ngaran ni Jesus, maluhod an ngatanan nga aadto ha langit an aanhi ha tuna, ngan aadto ha kahiladman,

1 Samuel 15:3

Kadtoa ngan sulonga an mga Amalekanhon ngan puoha an ngatanan nga ira mga butang. Ayaw pagsalini hin bisan usa nga butang; pataya an ngatanan nga kalalaken-an, kababayen-an, kabataan, ngan mga minasus-an; an kabakahan, kakarnerohan, mga kamilyo, ngan mga asno.”