1 Juan 5:3 - Samarenyo Meaning-Based Bible (1984)

³ Kay an aton paghigugma han Dyos hisasabtan dida han aton pagtuman han iya mga sugo. Ngan diri gud makuri para ha aton an pagtuman han iya mga sugo,

1 Juan 5:3 Iomraidhean Croise

2 Hadi 18:6

Matinumanon hiya han Ginoo, ngan waray gud sumupak ha iya, kundi nagtuman gud han ngatanan nga mga sugo nga iginhatag kan Moises han Ginoo.

Mga Salmo 119:140

An imo mga saad waray pagruhaduha, ngan amo ini an akon hinihigugma.

Mga Salmo 119:45

Mag-uokoy ako ha hingpit nga kagawasan, kay akon ginsusugot an imo pagturon-an.

Exodo 20:6

Kundi ipinapakita ko an akon paghigugma ngadto ha yinukot nga mga katulinan hadton mga nahigugma ha akon ngan nagsusugot han akon mga balaod.

Mga Darahonon 3:17

Nakakalipay han imo kinabuhi an kinaadman, ngan kalinaw ini ha imo paglalaktan.

Daniel 9:4

Nag-ampo ako ngadto han Ginoo nga akon Dyos ngan iginkompisal ko an mga sala han akon katawhan. Nagsiring ako, “O Ginoo nga Dyos, gamhanan ka nga Dyos ngan nagpapasidungog kami ha imo. Matinumanon ka han imo ginsaaran ngan nagpapakita ka hin dayuday nga paghigugma ngadto hadton mga nahigugma ha imo ngan nagbubuhat han imo sugo.

Miqueas 6:8

Diri, ginsumatan kita han Ginoo kon ano an maupay. Amo ini an ginkikinahanglan niya ha aton: pagbuhat hin matadong, pagpakita hin dayuday nga paghigugma, ngan pag-ukoy ha mapinaubsanon nga pakigkausa han aton Dyos.

Mateo 23:4

Nagbubutok hira hin magbug-at nga mga darad-on, ngan ira ini iginpapapas-an han mga tawo, kundi diri ngani nagamit bisan na man la usa han ira tudlo hin pagdara hito nga mga darad-on.

Juan 14:15

“Kon nahigugma kamo ha akon, magtutuman kamo han akon mga sugo.

Juan 15:10

Kon tumanon niyo an akon mga sugo, magpapabilin kamo ha akon gugma, sugad gud han pagtuman ko han mga sugo han akon Amay ngan nagpapabilin ako dida han iya gugma.

Juan 15:14

Ngan kasangkayan ko kamo, kon buhaton niyo an akon iginsusugo ha iyo.

Mga Taga-Roma 7:12

Sanglit baraan an Balaod ngan baraan, matadong, ngan maupay man liwat an sugo.

Mga Taga-Roma 7:22

Nalilipay gud ako han balaod han Dyos ha sag-od han akon kasingkasing.

Deuteronomio 5:10

Kundi ipinapakita ko an akon paghigugma ngadto ha yinukot nga mga katulinan hadton mga nahigugma ha akon ngan nagsusugot han akon mga balaod.

Deuteronomio 7:9

Hinumdomi niyo nga an Ginoo nga iyo Dyos amo la an Dyos ngan matinumanon hiya. Pagtutumanon niya an iya ginsaaran ngan ipakikita niya an iya dayuday nga paghigugma ngadto hin yinukot nga mga katulinan hadton mga nahigugma ha iya ngan nagsusugot han iya mga sugo,

Hebreo 8:10

Yana, amo ini an ginsaaran nga hihimoon ko han mga tawo han Israel ha mga adlaw nga tiarabot, nasiring an Ginoo, Ibubutang ko an akon mga balaod ha ira mga hunahuna, ngan isusurat ko ha ira mga kasingkasing. Magigin Dyos ako nira, ngan hira magigin akon mga tawo.

1 Juan 2:3

Kon magtuman kita han mga sugo han Dyos, waray ruhaduha nga nakilala kita ha iya.

2 Juan 1:6

Amo ini an sugo nga akon hinnanabihan nga kinahanglan magmasinugtanon kita han mga sugo han Dyos. Amo ini an sugo, sugad han iyo ngatanan hinbatian tikang pa ha tinikangan: kinahanglan maghigugmaay kamo ha iyo kinabuhi.