1 Juan 4:1 - Samarenyo Meaning-Based Bible (1984)

¹ Hinigugma ko nga kasangkayan, ayaw kamo too han ngatanan nga masiring nga an Espiritu aada ha ira, kundi panginanoa niyo kon tikang ba sa Dyos an Espiritu nga aada ha ira. Kay nagsarang ha kalibutan in damo nga diri matuod nga mga manaragna.

1 Juan 4:1 Iomraidhean Croise

1 Mga Taga-Tesalonica 5:21

Sarihi an ngatanan nga mga butang: tipigi an maupay

2 Pedro 2:1

Nagpakita hadto nga panahon in diri matuod nga mga manaragna dida han mga tawo, ngan ha sugad nga paagi magpapakita man in mga diri matuod nga magturutdo dida ha iyo. Magdadara hira hin makakadaot ngan diri matuod nga mga pagturon-an, ngan igsasalikway nira an Agaron nga nagtubos ha ira, sanglit maabot ha ira in kalit nga pagkapuo.

1 Timoteo 4:1

Dayag kaupay an siring han Espiritu, nga may mga tawo nga mabaya han pagtoo ha tiarabot nga mga panahon; asay susugton nira an buwaon nga mga espiritu ngan magsusunod hira han mga pagturon-an han mga yawa.

2 Juan 1:7

Nakaluob na han bug-os nga kalibutan in damo nga mga buwaon nga magturutdo nga diri nagtutug-an nga hi Jesu-Cristo nahimo nga tawo ngan kinmanhi ha kalibutan. Malimbong ngan kaaway ni Cristo in sugad nga tawo.

Mga Darahonon 14:15

Natuod hin bisan ano in usa nga lurong; kundi an mga mag-aram nagbabantay han ira mga pitad.

1 Mga Taga-Corinto 14:29

Duha o tulo nga tinagan hin mensahe han Dyos kinahanglan magyakan, samtang magtitirutimbang an iba han iginyayakan nira.

1 Juan 2:18

Mga anak ko, hirani na an kataposan! Ginsumatan kamo nga maabot an Kaaway ni Cristo; ngan yana inmabot na in damo nga mga kaaway ni Cristo, sanglit maaram kita nga hirani na an kataposan.

Lucas 12:57

“Kay ano nga diri man kamo magtirutimbang kon ano an angay buhaton?

Lucas 21:8

Nagsiring hi Jesus, “Pagbantay, ngan ayaw kamo palimbong. Kay damo in maabot ngan masiring ha akon ngaran, ‘Ako amo hi Cristo!’ ngan ‘Inmabot na an panahon!’ Kundi ayaw kamo pagsunod ha ira.

2 Timoteo 3:13

kundi an magraot nga mga tawo magpapadayon hin paghingaraot, maglilimbong hira han iba, ngan kalilimbongan man liwat hira.

Ginpadayag 2:2

Maaram ako han imo ginbuhat; maaram ako han pagkamakuri han imo pagkabudlay, ngan han imo kamailobon. Maaram ako nga nadiri ka han mga magraot nga tawo, ngan imo ginsarihan adton mga napaka apostol, ngan imo hinsabutan nga mga buwaon ngay-an hira.

1 Mga Taga-Corinto 12:10

Ha usa ka tawo nahatag an Espiritu hin gahom hin pagbuhat hin mga milagro; ha iba, an katakos hin paghimangraw han mensahe han Dyos; ngan ha iba pa, an katakos hin pagkilala han kalainan han mga hatag nga natikang han Espiritu ngan han diri natikang ha Espiritu. Ha usa nga tawo nahatag hiya hin katakos hin pagyakan hin lain nga mga pinulongan, ngan ha iba nahatag hiya hin katakos hin paghubad han ginpamulong.

Mga Buhat 20:29

Maaram ako nga kon tumalikod na ako, maabot in mga tawo nga sugad hin magbangis nga mga mananap, nga magpapasarang han panon.

Marcos 13:21

“Kon may magsiring ha iyo, ‘Kitaa, iini na an Mesiyas!’ o ‘Tan-awa, aadto hiya!’ ayaw gud kamo tuod ha iya.

Jeremias 5:31

puro la mga buwa an ginyayakan han mga manaragna; nagdudumara an kapadian sumala han sugo ha ira han mga manaragna, ngan diri la nariwa an akon mga tawo. Kundi ano man an ira pagbubuhaton kon matapos na ini ngatanan?”

Mga Buhat 17:11

An mga tawo didto mas andam hin pagkarawat han mensahe kay han mga taga-Tesalonica. Kinasingkasing an ira pamati han pulong, ngan kada adlaw nag-aaram hira han Kasuratan hin pagkita kon matuod ba an iginyakan ni Pablo.

1 Hadi 13:18

Niyan nagsiring ha iya an lagas nga manaragna nga taga-Betel, “Manaragna liwat ako sugad ha imo, ngan ha pagsugo han Ginoo ginsiring ako hin usa nga anghel nga paupdon ka ha akon hin pag-uli ngan pag-abiabihon ko ikaw.” Kundi nagbuwa la an lagas nga manaragna.

Jeremias 14:14

Kundi binmaton an Ginoo, “Nagbibinuwa ha akon ngaran an mga manaragna. Waray ako magpadara ha ira, o magsugo ha ira, o magyakan ha ira hin usa ka pulong. Diri tikang ha akon an mga panan-awon nga ira ginhihimangraw; waray pulos nga ira la hinimohimo nga mga butang an ira mga panagna.

Jeremias 23:16

Nagsiring an Ginoo nga Labi Kamakagarahum ngadto han mga tawo han Jerusalem, han mga tawo han Jerusalem, “Ayaw kamo pamati han igyayakan han mga manaragna; ginpupuno kamo nira hin buwa nga mga paglaom. Ginsusumatan kamo nira han ira la ginhunahuna, ngan diri han akon iginsiring.

1 Mga Taga-Tesalonica 5:20

Ayaw niyo pagtamaya an dyosnon nga mga mensahe.

2 Mga Taga-Tesalonica 2:2

nga diri kamo malisang dayon o kalasan tungod han sumat nga inmabot na daw kono an Adlaw han Ginoo. Bangin may nagpanagna o may nagwali hito o bangin may nagsiring nga iginsurat ini namon.

1 Juan 2:7

Mga hinugugma ko, diri bag-o nga sugo ini nga ginsusurat ko ha iyo; an daan ini nga sugo, ngan nakada na ini ha iyo tikang pa gud ha tinikangan. An daan nga sugo amo an mensahe nga hinbatian na niyo.

3 Juan 1:11

Hinigugma ko nga sangkay, ayaw pagsubad han maraot, kundi subda an maupay. Kanan Dyos an bisan hini-o nga magbuhat hin maupay; ngan waray pa makakita han Dyos an bisan hin-o nga magbuhat hin maraot.