1 Juan 3:2 - Samarenyo Meaning-Based Bible (1984)

² Mga hinigugma ko, mga anak na kita yana han Dyos, kundi diri pa gud dayag kon ano an aton aabotan. Kundi maaram kita nga kon magpakita na hi Cristo, masusugad kita ha iya, kay makita kita ha iya, han iya kinaiya.

1 Juan 3:2 Iomraidhean Croise

An Basahan ni Job 19:26

Bisan kon ginkaon na hin sakit an akon panit, samtang aanhi pa ako hini nga lawas makita ako han Dyos.

Mga Salmo 16:11

Ipapakita mo ha akon an dalan, han kinabuhi nga waray kataposan; malipayon ako ha imo atubangan, han tim-os nga kalipay ha kadayonan.

Mga Salmo 17:15

Igkikita ko ikaw, kay matadong ako, ngan ha akon pagmata, lilipayon ako han imo pakigkaupod.

Mga Salmo 31:19

Hin pagkaorosahon han mag-upay nga mga butang nga imo gin-aandam para hadton nagpapasidungog ha imo! Maaram an ngatanan han imo pagkamaupay sinasalipdan mo hin madig-on adton nasarig ha imo.

Isaias 56:5

niyan diri hingangalimtan dayon an imo ngaran didto han akon Templo ngan dida han akon mga tawo kay hin nagkamay-ada ka la mga anak nga kalalaken-an ug kababayen-an. Diri ka gud hingangalimtan.”

Malaquias 3:2

Kundi hin-o man an makakailob han adlaw nga ikakanhi niya? Hin-o an mabubuhi kon magpakita na hiya? Sugad hiya hin mapintas nga sabon, sugad hin kalayo nga nagpupurog hin metal.

Mateo 5:8

“Palaran adton maglinis in kasingkasing, kay makakakita hira han Dyos!

Lucas 17:30

Amo liwat ini an mahinanabo kon magpadayag na an Anak han Tawo.

Lucas 20:36

Sugad hira hin mga anghel, ngan diri na mapatay. Mga anak hira han Dyos, kay nabanhaw na hira.

Juan 1:12

May-ada kinmarawat ngan tinmoo ha iya sanglit ihinatag ha ira an katungod hin pagka anak han Dyos.

Juan 11:52

ngan diri la para ha ira, kundi pagtirok liwat ngan pag-urosa han ngatanan nga nagkakaburublag nga mga anak han Dyos.

Juan 17:24

“Amay, igintubyan mo hira ha akon, ngan karuyag ko nga hira mahiusa ha akon bisan kon hain ako, basi hikit-an nira an akon himaya, an himaya nga ihinatag mo ha akon; kay ginhigugma mo ako han waray pa hihimoa an kalibutan.

Mga Taga-Roma 8:16

An Espiritu han Dyos nakikig-usa han aton espiritu hin pagpamatuod nga mga anak kita han Dyos.

Mga Taga-Roma 8:18

Gin-isip ko nga an mga gin-aantos naton hini nga panahon diri gud sadang mahitanding han himaya nga ipadadayag ha aton.

Mga Taga-Roma 8:19

An ngatanan nga mga binuhat naghuhulat upod in malaomon nga paghingyap nga igpapadayag han Dyos an iya mga anak.

Mga Taga-Roma 8:29

Ginggahin liwat han Dyos adton mga ginpili na niya nga magin ladawan han iya Anak, basi mahimo nga suhag an iya Anak hin damo nga kabugtoan.

1 Mga Taga-Corinto 13:12

Sugad la hin madaparap nga lambong ha salaming an aton nakikita yana. Ha orhe nga adlaw igkakaatubang na gud kita ha iya. Diri hingpit an nahibabaroan ko yana; unina mahihingpit na ito, sugad ka hingpit han kanan Dyos pagkilala ha akon.

1 Mga Taga-Corinto 15:49

Sugad nga sinmupo kita han tawo nga tikang ha tuna, malaladawan man kita han tawo nga tikang ha langit.

1 Mga Taga-Corinto 2:9

Kundi sumala han siring han Kasuratan, “An waray pa hikit-i ngan hibatii hin tawo, an waray gud paghunahunaa han tawo nga mahinanabo, amo lugod an butang an gin-andam han Dyos para hadton mga nahigugma ha iya.”

2 Mga Taga-Corinto 3:18

Sanglit kita ngatanan, nga waray tahob an aton bayhon, naginladawan han kalamrag han himaya han Ginoo; ngan ini ngahaw nga himaya nga natikang han Ginoo nga amo an Espiritu, magbabalhin ha aton basi masugad kita ha iya dida hin labi kamalamrag nga himaya.

2 Mga Taga-Corinto 4:17

Ngan ini nga gutiay ngan lumalabay la nga kakurian nga gin-aantos namon mahatag hin dako kaupay ngan waray kataposan nga balos, nga labaw pa gud han mga kakurian.

Mga Taga-Galacia 3:26

Pinaagi hin pagtoo kan Cristo Jesus nagin anak kamo ngatanan han Dyos.

Mga Taga-Galacia 4:6

Ha pagpakita nga mga anak kamo niya, ginpakanhi han Dyos ha aton mga kasingkasing an Espiritu han iya Anak, an Espiritu nga natawag, “Amay, akon Amay.”

Mga Taga-Filipos 3:21

Liliwanan niya inin aton magluya nga mga lawas nga may-ada kamatayon, ngan hihimoon niya sugad han iya mahimayaon nga lawas. Bubuhaton niya ini pinaagi han amo ngahaw nga gahom nga ginagamit niya hin paghadi han ngatanan nga mga butang.

Mga Taga-Colosas 3:4

An iyo matuod nga kinabuhi amo hi Cristo, ngan kon magpahayag na hiya, magpapahayag man liwat kamo upod ha iya ngan maangbit kamo han iya himaya!

Hebreo 9:28

Ha amo man nga kahimtang, iginhalad hi Cristo makausa pagkuha han mga sala han kadam-an. Magpapakita liwat hiya hin ikaduha diri na tungod han sala, kundi pagtalwas na hadton mga naghuhulat na iya.

2 Pedro 1:4

Dida hini nga paagi gintagan kita niya han gidadakoi ngan marahalon nga mga hatag nga iya iginsaad, basi pinaagi hini nga mga hatag makalikay unta kamo han nakakadaot nga kaipaon nga aanhi ha kalibutan, ngan makaangbit kamo han dyosnon nga kinaiya.

1 Juan 2:28

Tinuod, mga anak ko, pagpabilin kamo dida ha iya basi magmadasigon kita kon magpadayag na hiya, ngan diri kita tumago hin kaawod ha iya kon bumalik na hiya.

1 Juan 2:7

Mga hinugugma ko, diri bag-o nga sugo ini nga ginsusurat ko ha iyo; an daan ini nga sugo, ngan nakada na ini ha iyo tikang pa gud ha tinikangan. An daan nga sugo amo an mensahe nga hinbatian na niyo.

1 Juan 3:1

Tan-awa niyo kon ano kadako an paghigugma ha aton han Amay! Dako gud an iya gugma ha aton, sanglit gintawag kita nga mga anak han Dyos—ngan matuod nga mga anak kita niya. Amo ini an hinungdan kay ano nga an kalibutan diri nakilala ha aton: tungod kay an kalibutan waray kumilala han Dyos.

1 Juan 3:10

Amo ini an dayag nga kalainan han mga anak han Dyos ngan han mga anak han Yawa: diri anak han Dyos an bisan hin-o nga diri nagbubuhat hin matadong ngan diri nahigugma han iya bugto.

1 Juan 3:21

Sanglit, hinigugma ko nga kasangkayan, kon diri kita paghukman han aton konsensya, may pagtapod naton ha atubangan han Dyos.

1 Juan 5:1

Anak han Dyos adton natoo nga hi Jesus amo an Mesiyas; ngan adton nahigugma hin usa nga amay nahigugma man liwat han anak hini nga amay.

Ginpadayag 22:4

Igkakaasdang hira ha ira, ngan an iya ngaran ipapatik ha ira mga agtang.