1 Juan 2:3 - Samarenyo Meaning-Based Bible (1984)

³ Kon magtuman kita han mga sugo han Dyos, waray ruhaduha nga nakilala kita ha iya.

1 Juan 2:3 Iomraidhean Croise

Mga Salmo 119:32

Akon ini nga pagtatalingohaon, ngan an imo nga sugo akon pagsusugton. Tungod nga ighahatag mo man ha akon, an dugang pa nga pagkamasinaboton.

Mga Salmo 119:6

Kon an ngatanan nga sugo akon pagsundon, an kaawod ug kaalo diri ko maaangkon.

Isaias 53:11

Katapos hin kinabuhi nga tugob hin pag-antos, magmamalipayon na liwat hiya; hibabaroan niya nga waray makawang an iya pag-antos. An akon hinigugma nga surugoon nga akon nalilipayan, amo an magdadara han kastigo para hin amo nga mga tawo, ngan tungod ha iya akon hira pasasayloon.

Lucas 6:46

“Kay ano nga gintatawag ako niyo, ‘Ginoo, Ginoo,’ ngan diri niyo ginbubuhat an iginsusumat ko ha iyo?

Juan 14:15

“Kon nahigugma kamo ha akon, magtutuman kamo han akon mga sugo.

Juan 15:10

Kon tumanon niyo an akon mga sugo, magpapabilin kamo ha akon gugma, sugad gud han pagtuman ko han mga sugo han akon Amay ngan nagpapabilin ako dida han iya gugma.

Juan 15:14

Ngan kasangkayan ko kamo, kon buhaton niyo an akon iginsusugo ha iyo.

Juan 17:3

Ngan amo ini an dayon nga kinabuhi; nga kumilala ha imo an mga tawo, nga ikaw la an matuod nga Dyos, ngan kumilala kan Jesu-Cristo nga imo ginsugo.

2 Mga Taga-Corinto 4:6

An Dyos nga nagsiring, “Masilaw an kapawa tikang han kasisidman!” amo ngahaw an Dyos nga nagpasilaw han iya kapawa ha aton mga kasingkasing paghatag ha aton ha kapawa han pagkilala han himaya han Dyos nga nasilaw ha bayhon ni Cristo.

Hebreo 5:9

Han kahingpit na niya, nahimo hiya nga burabod han dayon nga katalwasan para hadton ngatanan nga masinugtanon ha iya.

1 Juan 2:13

Nagsusurat man ako ha iyo, mga amay, kay nakilala kamo ha iya nga nakada na nga daan tikang pa han tinikangan. Nagsusurat liwat ako ha iyo, mga batan-on, kay gindaog niyo an Yawa.

1 Juan 3:14

Maaram kita nga binayaan ta na an kamatayon ngan aada na kita han kinabuhi. Maaram kita hini kay nahigugma kita han aton kabugtoan. Aada pa ha kamatayon an bisan hin-o nga diri nahigugma.

1 Juan 3:19

Sanglit amo ini an paghibaro naton nga skop kita han kamatuoran, ngan may-ada naton pagsarig ha atubangan han Dyos.

1 Juan 3:6

Sanglit diri nagpapadayon pagpinakasala an ngatanan nga aada kan Cristo; kundi an waray pa makakita ha iyo o waray pa makakilala ha iya nagpapadayon hin pagpinakasala.

1 Juan 4:13

Maaram kita nga diri kita magsasayop nga nag-uokoy kita dida han Dyos ngan nag-uokoy man an Dyos dinhe ha aton tungod kay ihinatag niya ha aton an iya Espiritu.

1 Juan 4:7

Hinigugma ko nga kasangkayan, maghigugmaay kita, kay natikang sa Dyos an gugma, sanglit anak han Dyos ngan nakilala han Dyos an bisan hin-o nga nahigugma.

1 Juan 5:19

Maaram kita nga kanan Dyos na kita bisan kon ginahahadian han Yawa an bug-os nga kalibutan.

1 Juan 5:2

Sugad hini an pagsabot naton nga nahigugma kita han mga anak han Dyos: kon nahigugma kita han Dyos ngan nagtutuman kita han iya mga sugo.

1 Juan 5:3

Kay an aton paghigugma han Dyos hisasabtan dida han aton pagtuman han iya mga sugo. Ngan diri gud makuri para ha aton an pagtuman han iya mga sugo,

Ginpadayag 12:17

Nagdumot gud han babaye an dragon ngan nakig-away hiya han ngatanan nga mga katulinan han babaye, adton ngatanan nga nagtuman han mga sugo han Dyos, ngan mga matinumanon han kamatuoran nga igipahayag ni Jesus.

Ginpadayag 14:12

Para hadton magtinuohon han Dyos, hadton nagtuman han mga sugo han Dyos, ngan adton mga magtinuohon kan Jesus, nagkikinahanglan ini hin dako nga pag-ilob.

Ginpadayag 22:14

Palaran adton maglimpyo han ira higlawig nga mga bado, basi may-ada nira katungod hin pagkaon han bunga tikang han kahoy han kinabuhi, ngan hin pagsulod han syudad.