1 Juan 2:1 - Samarenyo Meaning-Based Bible (1984)

¹ Ginsusuratan ko kamo hini, mga anak ko, basi diri kamo makasala; kundi kon may makasala ha iyo, may-ada kita usa nga mangangamuyo han Amay para ha aton, hi Jesu-Cristo an usa nga matadong.

1 Juan 2:1 Iomraidhean Croise

1 Timoteo 2:5

Kay uusa la an Dyos, ngan uusa la an makakag-usa han Dyos nga han mga tawo; amo ini hi Cristo Jesus

Mga Taga-Roma 8:34

Hin-o man ngay-an an maghuhukom ha ira ha karat-an? Diri hi Cristo Jesus nga namatay, nga ginbanhaw, ngan aadto na ha tuo han Dyos. Nanginginyupo hiya han Dyos para ha aton!

Juan 14:6

Nagbaton ha iya hi Jesus, “Amo ako an dalan, an kamatuoran, ngan an kinabuhi; waray makakadto han Amay kon diri pinaagi ha akon.”

2 Mga Taga-Corinto 5:21

Waray gud sala hi Cristo, kundi tungod ha aton, ginpaangbit hiya han Dyos han aton sala, basi nga ha aton pakigkausa ha iya, makaangbit man kita han pagkamatadong han Dyos.

1 Juan 4:4

Kundi, mga anak ko, kanan Dyos kamo, ngan gindaog niyo an diri matuod nga mga manaragna, kay labaw pa kagamhanan an Espiritu nga aada ha iyo kay han espiritu nga aada han mga tawo nga kanan kalibutan.

1 Juan 3:18

Mga anak ko, kinahanglan diri la ha im-im ug wait an aton paghigugma; kinahanglan tinuod ini nga gugma kon igpakita dida hin mga mag-upay nga buhat.

1 Juan 3:7

Ayaw kamo pagpalimbong, mga anak! An bisan hin-o nga nagbubuhat hin matadong, matadong sugad nga matadong man hi Cristo.

Juan 8:11

“Waray, bisan usa,” nagbaton an babaye. Nagsiring hi Jesus, “Diri liwat ako magsisirot ha imo. Hala, kadto na, kundi ayaw na pagpinakasala.”]

Hebreo 9:24

Kay waray sumulod hi Cristo ngadto hin baraan nga dapit nga hinimo hin mga tawo, nga kupya la han tinuod nga dapit. Kundi kinmadto hiya ha langit, ug yana aadto hiya ha atubangan han Dyos tungod ha aton.

1 Juan 3:5

Sayod kamo nga kinmanhi hi Cristo pagkuha han mga sala han mga tawo, ngan waray hiya sala.

Mga Taga-Efeso 2:18

Pinaagi kan Cristo kita ngatanan, an mga Judiyo ngan mga Hentil, makakadangop na kita, dida hin usa la nga Espiritu, ha atubangan han Amay.

Juan 6:27

Ayaw kamo pagkabudlay tungod han pagkaon nga nadudunot, kundi pagkabudlay lugod kamo tungod han pagkaon nga nagpapadayon ha kinabuhi nga waray kataposan. Ihahatag ini ha iyo han Anak han Tawo, kay iginbutang na ha iya han Dyos nga Amay an karig-onan han iya kagamhanan.”

Ezequiel 3:21

Kon magsagdon ka nga diri magbuhat hin sala in usa nga maupay nga tawo, ngan mamati hiya ha imo ngan diri hiya makasala, mabubuhi hiya, ngan matatalwas liwat an imo kinabuhi.”

1 Pedro 3:18

Kay namatay hi Cristo makausa ngan para han ngatanan tungod han mga sala. Namatay hiya, usa nga maupay nga tawo para han mga makasasala, basi dad-on kamo ngadto sa Dyos. Ginpatay hiya ha lawas, kundi ginbuhi ha espiritu,

Mga Taga-Efeso 4:26

Kon masina kamo, ayaw itugot nga an kasina matinikangan han imo pakasala; ngan ayaw pagkinasina ha bug-os nga adlaw.

Mga Taga-Galacia 4:19

Mga hinigugma ko nga mga anak! Sugad ako hin usa nga iroy nga tipag-aranak, binabati ko in sugad nga pag-antos tungod ha iyo tubtob nga mahiladawan ha iyo an kinaiya ni Cristo.

Juan 5:36

Kundi may-ada ko saksi para ha akon, nga labaw pa kay han pagsaksi ni Juan: an mga buhat nga akon gintutuman, an mga buhat nga ginpapatuman ha akon han Amay, mga saksi ini hira para ha akon, ngan nagpapahayag nga ginsugo ako han Amay.

Lucas 10:22

“Iginhatag ha akon han akon Amay an ngatanan nga mga butang. Waray nakilala han Anak labot han Amay, ngan waray nakilala han Amay labot han Anak ngan hadton mga ginpili han Anak hin pagpahayag ha iya.”

1 Pedro 2:22

Waray hiya makasala ngan waray gud hiya magbuwa.

1 Mga Taga-Corinto 15:34

Balik na ha maupay niyo nga panmurubuot, ngan ayaw na kamo pagpinakasala. Ginyayakan ko ini basi mahikaawod kamo: an iba ha iyo diri pa nakilala han Dyos.

Juan 5:14

Katapos hini, iginkatapo hiya ni Jesus didto han Templo ngan ginsiring hiya, “Kitaa maupay ka na; bayai na an imo sala, kay bangin lugod labaw pa kamaraot an mahinabo ha imo.”

Zacarias 9:9

Pagrayhak, pagrayhak, mga tawo han Sion! Goliat hin kalipay, kamo nga mga tawo han Jerusalem! Tan-awa, naabot an iyo hadi ngada ha iyo! Naabot hiya nga madinaogon ngan daogan, kundi mapinaubsanon ngan nasakay dida hin asno— dida hin usa nga nati hin asno.

Santiago 1:27

Para han Dyos nga Amay, an putli ngan matuod nga tuloohan amo ini: an panimangno han mga ilo ngan mga balo nga babaye dida han ira mga kakurian, ngan an pagbantay nga diri madum-itan an iya kalugaringon han mga kahilayan han kalibutan.

Mga Salmo 4:4

Kahadlok ngan undang na pagpinakasala; paghunahunaa ini hin maupay kon ha mamingaw napahuway ka.

1 Juan 5:21

Mga anak, paglikay kamo han mga diri matuod nga kadiyosan.

Santiago 3:9

Ginagamit ta an dila hin pagpasalamat han aton Ginoo ngan Amay, ngan ginagamit ta liwat pagpakaraot han aton igkasi-tawo nga ginhimo nga ladawan han Dyos.

Mga Taga-Roma 6:15

Ta, ano man? Magpipinakasala ba kita, kay diri man ngay-an kita aada ha ilarom han Balaod, kundi aada kita ha ubos han grasya han Dyos? Diri gud mahihimo!

Juan 13:33

Mga anak ko, gutiay na la nga panahon an akon pakig-urosa ha iyo. Mamimiling kamo ha akon; kundi susumatan ko kamo yana han akon iginsiring ngadto han mga Judiyo, ‘Diri kamo makakadto han akon kakadtoan.’

1 Timoteo 3:14

Samtang ginsusurat ko ini ha imo, naglalaom ako hin diri maiha hin pagkada ngan pagkigkita ha imo.

Juan 21:5

Nagsiring hiya ha ira, “Nakadakop ba kamo?” “Waray!” binmaton hira.

Juan 14:16

Pangangaroon ko han Amay, ngan tatagan kamo niya hin lain nga Parabulig, an Espiritu han kamatuoran, nga magpapabilin ha iyo ha kadayonan.

Mga Buhat 7:52

May-ada ha manaragna nga waray pagpakurii han iyo mga ginikanan? Ginpatay nira an mga surugoon han Dyos nga hadto pa nagpahibaro mahitungod han pag-abot han iya matadong nga Surugoon. Ngan yana iyo ginlingo ngan ginpatay hiya.

Mga Taga-Roma 5:10

Hadto anay mga kaaway kita han Dyos, kundi ginhimo kita niya nga iya mga sangkay pinaagi han kamatayon han iya Anak. Yana nga mga sangkay na kita han Dyos, tatalwason pa gud kita niya pinaagi han kinabuhi ni Cristo!

1 Juan 5:17

Sala an ngatanan nga maraot nga buhat, kundi may-ada sala nga diri nakakamatay.

3 Juan 1:4

Waray na labaw nga nakakalipay ha akon kay hin pakabati nga an akon mga anak nag-uokoy dida han kamatuoran.