1 Juan 1:3 - Samarenyo Meaning-Based Bible (1984)

³ Iginsusumat liwat namon ha iyo an amon hinkit-an ngan hinbatian, basi mahitampo kamo ha amon dida hin minagburugto nga pagkaurosa naton han Amay ngan han iya anak nga hi Jesu-Cristo.

1 Juan 1:3 Iomraidhean Croise

An Basahan ni Job 13:1

Hinbatian ko na hadto, an ngatanan nga iyo iginsiring. Nakasabot ako hini ngatanan, maaram ako sugad nga maaram liwat kamo. Diri ako ubos ha iyo.

Mga Salmo 2:7

Siring han hadi, “Akon ipapahibaro, an pulong ha akon han Ginoo. Nagsiring hiya, ‘Ikaw an anak ko, Yana nga adlaw ako an amay nimo.

Mga Salmo 22:22

Susumatan ko an akon mga tawo han imo nabuhat, pagdadayawon ko ikaw ha ira katirok:

Isaias 66:19

ngan mahibabaroan nira nga ako amo an nagkakastigo ha ira. “Kundi tatalwason ko in kapid-an ha ira ngan susugoon ko hira ngadto han kanasoran ngan higrayo nga katunaan nga waray pa makabati han akon kabantogan o makakita han akon pagkadako ngan pagkagamhanan: ngadto ha Espania, Libya, ug Lidia, upod an batid nga mga parapana hini, ngan ngadto ha Tubal ug Grecia. Isasangyaw nira dida hini nga mga nasod an akon pagkagamhanan.

Numero 10:32

Kon umupod ka ha amon, pagbabahinan ka namon han ngatanan nga mga kaupayan nga ihinahatag ha amon han Ginoo.”

Juan 17:11

Yana makada na ako ha imo; mabaya na ako han kalibutan, kundi hahani pa hira ha kalibutan. Baraan nga Amay, panalipdi hira pinaagi han gahom han imo ngaran, an ngaran nga ihinatag mo ha akon, basi magkaurosa hira sugad nga uusa la kita.

Juan 17:21

Nag-aampo ako nga magkaurosa unta hira ngatanan. Amay, mahiusa unta hira ha aton, sugad gud nga aadi ka ha akon ngan aada ako ha imo, basi tumoo an kalibutan nga ikaw an nagsugo ha akon.

Juan 17:25

Matadong nga Amay, diri nakilala ha imo an kalibutan, kundi nakilala ako ha imo, ngan maaram ini hira nga ikaw an nagsugo ha akon.

Juan 17:3

Ngan amo ini an dayon nga kinabuhi; nga kumilala ha imo an mga tawo, nga ikaw la an matuod nga Dyos, ngan kumilala kan Jesu-Cristo nga imo ginsugo.

Juan 19:35

Nagpamatuod mahitungod hini an nakakita hini nga hinabo, basi tumoo man kamo. Matuod an iya iginsiring, ngan maaram hiya nga naghihimangraw hiya han kamatuoran.)

Mga Buhat 13:32

Ngan aanhi kami yana pagdara han Maupay nga Sumat ha iyo: an iginsaad han Dyos ha aton mga kaapoy-apoyan nga iya pagbubuhaton, gintuman na niya yana para ha aton nga ira mga tulin, pinaagi han pagbanhaw kan Jesus. Sumala han iginsurat ha ikaduha nga Salmo: ‘Ikaw an akon Anak; yana nga adlaw nagin Amay ako nimo.’

Mga Buhat 13:41

‘Kitaa, kamo nga magtamay! Kahadlok ngan pagkamatay kamo! Kay an akon ginbubuhat yana amo an usa nga butang nga diri sadang niyo katuohan, bisan pa kon may magsumat hini ha iyo!’”

Mga Buhat 2:42

Ngan gingamit nira an ira panahon hin pag-aram han mga gintutdo han mga apostoles, dida hin minagburugto nga pakig-urosa ug dida hin pakig-angbitay ha sasaro ngan ha mga pag-ampo.

Mga Buhat 20:27

Kay waray ko igdiwara ha iyo an bug-os nga katuyoan han Dyos; waray ako gintago ha iyo.

Mga Buhat 4:20

Kay diri kami kapupugngan hin pagyakan han amon hinkit-an ngan hinbatian.”

Mga Taga-Roma 15:27

Ira gud la adto nga pagkasarabot. Kundi kon baga sidngon, may-ada nira katungdanan hin pagbulig hito nga mga kablas; tungod kay nagpaangbit an mga Judiyo han ira espirituhanon nga mga kaupayan ha mga Hentil, sanglit an mga Hentil kinahanglan maggamit han ira tunan-on nga mga kaupayan hin pagbulig han mga Judiyo.

1 Mga Taga-Corinto 1:30

Kundi gindara kamo han Dyos ha pakig-usa kan Cristo Jesus, ngan ginhimo han Dyos hi Cristo nga magin aton kinaadman, ngan pinaagi ha iya gin-isip kita nga matadong sa Dyos, ngan nagin baraan kita nga mga tawo han Dyos, ngan natalwas kita.

1 Mga Taga-Corinto 1:9

Sarig kamo han Dyos nga nagtawag ha iyo, basi kamo magin kausa han iya Anak nga hi Jesu-Cristo nga aton Ginoo.

1 Mga Taga-Corinto 15:1

Ngan yana, kabugtoan ko, karuyag ko ipahinumdom ha iyo an Maupay nga Sumat nga akon iginwali ha iyo, ngan iyo man kinarawat, ngan amo an nakaparig-on han iyo pagtoo.

Mga Taga-Efeso 3:6

Amo ini an tinago: pinaagi han Maupay nga Sumat may bahin na an mga Hentil, kaupod han mga Judiyo, han mga kaupayan han Dyos; mga kaapi na hira han usa la nga lawas, ngan naangbit na hira han iginsaad han Dyos pinaagi kan Cristo Jesus.

Mga Taga-Filipos 1:7

Minahal ta gud kamo, sanglit kaangayan nga bation ko ini tungod ha iyo. Kay nakig-angbit man kamo ha akon hini nga talagsaon nga higayon nga iginhatag han Dyos ha akon, diri la yana nga priso ako, kundi samtang nga makakahimo pa ako hin pag-ugop ngan pagpasamwak han Maupay nga Sumat.

Mga Taga-Filipos 2:1

Nakakaparig-on ba ha iyo an iyo kinabuhi ha pag-alagad kan Cristo? Ginlilipay ba kamo han iya gugma? May-ada ba pakighiusa niyo han Espiritu? May-ada ba niyo pagbinatiay hin gugma ngan kalooy?

Mga Taga-Filipos 3:10

An akon la karuyag amo nga makilala ko hi Cristo ngan hiagoman ko an gahom han iya pagkabanhaw; nga makaangbit ako han iya mga pag-antos ngan mahinugad ako ha iya dida ha iya pagkamatay,

Mga Taga-Colosas 1:13

Gintalwas kita niya tikang han gahom han kasisidman, ngan ginbalhin kita ngadto han ginhadian han iya hinigugma nga Anak,

1 Mga Taga-Tesalonica 1:10

Nagsusumat liwat hira nga naghuhulat kamo han iya Anak nga makanhi tikang ha langit—an iya Anak nga hi Jesus, nga ginbanhaw niya, ngan amo an naglulukat ha aton tikang han tiarabot nga kapungot han Dyos.

1 Timoteo 6:2

Kinahanglan diri pagtamayon han mga oripon an ira mga agaron nga magtinuohon kay kabugtoan hira nira. Lugod, angay pag-alagdon nira hin mauruupay, kay adton nagpapahimulos han ira buhat amo adton mga magtinuohon nga ira hinihigugma. Kinahanglan itutdo ngan igwali mo ini nga mga butang.

Hebreo 2:12

Sumala han iya siring, “O Dyos, magyayakan ako hiunong ha imo ngadto han akon kabugtoan; Dadayawon ko ikaw ha atubangan han bug-os nga katirok.”

Hebreo 3:1

Kabugtoan ko kan Cristo nga gintinawag liwat han Dyos, pagdumdoma niyo hi Jesus nga ginsugo han Dyos nga magin Labaw nga Padi han pagtoo nga aton gintug-an.

Hebreo 3:14

Kay mga kabulig kita ngatanan ni Cristo, kon ipadayon ta tubtob ha kataposan an marig-on nga pagtapod nga aton naangkon ha tinikangan.

1 Pedro 5:1

Naghahangyo ako han mga katigurangan dida han iyo singbahan kay ako sugad man ha iyo. Saksi ako han mga pag-antos ni Cristo, ngan makakaangbit ako han ipadadayag nga himaya. Nahangyo ako ha iyo:

2 Pedro 1:16

Waray kami tumapod hin mga hinimohimo nga mga susumaton, han amon pagpahibaro ha iyo mahitungod han gamhanan nga pag-abot han aton Ginoo Jesu-Cristo.

1 Juan 1:1

Nagsusurat kami ha iyo mahitungod han Pulong nga nahatag han kinabuhi nga nakada na nga daan tikang pa ha tinikangan. Amon ini hinbatian ngan amon ini hinkit-an han amon mga mata; tinuod amon ini hinkit-an ngan amon ini hinkaptan.

1 Juan 1:5

Niyan amo ini an mensahe nga amon hinbatian tikang han iya Anak, nga karuyag namon ipahibaro ha iyo: kapawa an Dyos ngan waray gud kasisidman dida ha iya.

1 Juan 1:7

Kundi kon nag-uokoy kita ha kapawa-sugad nga aada hiya ha kapawa—may-ada naton minagburugto nga pagkaurosa ngan an dugo ni Jesus nga iya Anak naghugas han aton ngatanan nga sala.