Zacarias 9:12 - Maung A Balita Biblia

¹² Pawil kayo la, sikayon nibantak ed arum a bansa a natan wala lay ilalo yo; pawil kayod pasen yon arawid kaatapan. Ibabagak ed sikayo natan a say bindision ya iter kod sikayo et mamidwad karakel na saramay kairapan a nilikna yo.

Maung a Balita Biblia

¹² Pawil kayo la, sikayon nibantak ed arum a bansa a natan wala lay ilalo yo; pawil kayod pasen yon arawid kaatapan. Ibabagak ed sikayo natan a say bindision ya iter kod sikayo et mamidwad karakel na saramay kairapan a nilikna yo.

Zacarias 9:12 Iomraidhean Croise

Say Libro nen Job 42:10

Insan kayari nen Job ya impikasid Katawan ira may taloran kakaaro to, pinaaligwas lamet na Katawan; initdan toy mamiduan karakel na samay kayaryan to nen saman.

Isaias 24:22

Say Dios panseseksekan to ray arari, a singa ra priso ed sakey ya abut. Ipriso to ra ya anggad onsabiy oras a pakadusa ra.

Isaias 38:18

Diad pasen a panaayaman da ray inaatey, Anggapoy siopaman a makapangigalang ed sika; Ag makapanmatalek ed inkatoor mo iray inaatey.

Isaias 40:2

Pabiskeg yoy linawa da ray totoo ed Jerusalem. Ibaga yod sikaran andokey lay paniirap da tan apirdona la ray kasalanan da. Sigput ko la ran dinusa lapud amin a kasalanan da.”

Isaias 49:9

Ikuankod saray priso, ‘Laka kayo la!’ tan diad saray walad kabilongetan ikuanko, ‘Paway kayo lad liwawa!’ Magmaliw iran singa saray karniro a mankakabkab ed kapokdulan;

Isaias 52:2

Pokpokan moy dabuk ed sikan dili, O Jerusalem! Bangon kad dabuk tan yorung kad tronom! Okbar yoy golunggolung ya akasinger ed sikayo, sikayon adakep a totood Sion!

Isaias 61:7

Angangga lay kababaingan tan say inkaandian yoy kagalangan. Manayam kayod dilin dalin yo. Tan nadoblian so kayamanan yo; Mansiansiad ando lan ando so liket yo.

Jeremias 14:8

Sika labat so ilalo na Israel, sika so mangilalaban ed sikami ed kaderalan. Akin et singa ka sangkaili ed dalin mi, singa biahiron sanlabi labat so pipundo to?

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Jeremias 17:13

Katawan, sika so ilalo na Israel; nabaingan ya amin iray mangikaindan ed sika. Naandipat iran singa saray ngaran a nisulat ed dabuk, lapud inkaindan da ka, say Katawan, say sobul na ambetebetel a danum.

Jeremias 31:17

Maung so ilalo yod arapen a panaon; ompawil ed dilin bansa ra iray anak yo. Siak, say Katawan, so nansalita.

Jeremias 31:6

On, onsabiy agew a saray managbantay ikolyaot dad toktok na kapokdulan na Efraim, ‘Ontatdang itayod Sion, diad Katawan a Dios tayo.’”

Jeremias 50:28

Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

Jeremias 51:10

Say Katawan kuanto, “Iyeeyag na saray totook, ‘Impanengneng na Katawan a wala itayod katonungan. Onla tayon mangibagad saray totoo ed Jerusalem na ginawa na Katawan a Dios tayo.’”

Ezekiel 37:11

Inkuan na Dios ed siak, “Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.

Oseas 2:15

Ipawil kod sikato may kaubasan a kayaryan to nen saman, tan pagmaliwen kon puirta na ilalo so Patar na Gunigon. Ebatan to ak diman a singa samay ginawa to nen malangwer ni, sanen sikatoy pinmaway a nanlapud Egipto.

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.

Mikias 4:8

Et sika, Jerusalem, a kawalaan na Dios, diad pambantay tod saray totoo to a singa pambantay na sakey a pumapastol a walad tori to, et magmaliw ka lamet a manonan siudad na nanarian a singa samay gendat.

Nahum 1:7

Say Katawan et maung; iyaagel tod panaon na gunigon iray totoo to; aasikasoen to ray onsisingger ed sikato.

Saray Hebreo 6:18

Kanyan say sipan tan say samba to et ag ira mangoman, tan ag makapantilay Dios nipaakar ed saraya. Sikatayo sirin a sinmaral ed sikato et mabiskeg so linawa tayo a manilalod insipan tod sikatayo.

Saray Hebreo 6:19

Sayan ilalo tayo et singa pataga na puso tayo—malet, napanmatalkan, tan ontalus ya anggad biek na kurtinay sankasantosan a pasen na Timplon mangatatawen.