Zacarias 9:10 - Maung A Balita Biblia

¹⁰ Say Katawan kuanto, “Ekalen kod Israel iray karwahin para bakal; ekalen kod Jerusalem iray kabayon para bakal; naderal iray panan inkakanad bakal. Say ari yo et mikaaro ed saray arum a bansa; manoley a manlapud sakey a dayat ya anggad sananey a dayat, manlapud Ilog na Eufrates ya anggad saray samput na dalin.”

Maung a Balita Biblia

¹⁰ Say Katawan kuanto, Ekalen kod Israel iray karwahin para bakal; ekalen kod Jerusalem iray kabayon para bakal; naderal iray panan inkakanad bakal. Say ari yo et mikaaro ed saray arum a bansa; manoley a manlapud sakey a dayat ya anggad sananey a dayat, manlapud Ilog na Eufrates ya anggad saray samput na dalin.

Zacarias 9:10 Iomraidhean Croise

1 Saray Arari 4:21

Sakop na nanarian nen Solomon iray amin a bansa a manlapud bokig na Ilog na Eufrates ya anggad sagur na Filistia, tan anggad ketegay Egipto. Nambabayar iray buis ed sikato tan wala rad silong na pakaoley to legan ton nambilay.

Saray Salmo 72:17

Ag komun nalingwanan so ngaran na ari; mansiansia komun a singa agew so inkabantug to. Amin a bansa kerewen da komun ed Dios a bindisionan to ra a singa impamindision tod ari.

Saray Salmo 72:3

Onaligwas komuy dalin; manari komuy katonungan.

Saray Salmo 85:8

Onderengel ak ed ibabagay Dios a Katawan; isisipan toy kareenan ed sikatayon dilin totoo to, no ag ti la pawilen so kaogsan tayo.

Saray Salmo 89:26

Ikuantod siak, ‘Sikay amak tan Dios ko; Sikay manangyagel tan manangilaban ko.’

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Isaias 2:4

Patondaen toy pankokolkol da ray matalonggaring a bansa. Gawaen dan lokuy iray ispada ra, tan palot iray pika ra. Ag la mambabakal iray bansa; ag la ran balut mamparaan a mibakal.

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Isaias 60:12

Balet sigput a naderal iray bansa Ya ag manlilingkur ed sika.

Oseas 1:7

Balet aroen ko ray totood Juda. Siak a Katawan a Dios da, iyagel ko ra, aliwan diad panamegley na ispada odino pana, odino kabayo tan kumakabayo.”

Oseas 2:18

Diad satan a panaon misipanan ak ed amin da ray ayayep ed katakelan tan saray manok, pian ag da la pasakitan iray totook. Ekalen ko met ed dalin iray amin ya armas ed bakal, amin da ray ispada tan saray pana, tan panayamen kon mareen tan arawid kaatapan iray totook.

Oseas 2:20

Tooren koy sipan ko tan kayaryanen ta ka, tan birbiren mo ak a Katawan.

Mikias 4:8

Et sika, Jerusalem, a kawalaan na Dios, diad pambantay tod saray totoo to a singa pambantay na sakey a pumapastol a walad tori to, et magmaliw ka lamet a manonan siudad na nanarian a singa samay gendat.

Mikias 5:4

No sikatoy onsabi, oleyan to ray totoo to diad panamegley na biskeg a manlalapud Katawan; walad sikato so dilin pakapanyari na Katawan a Dios. Mambilay ya arawid kaatapan iray totoo to, lapud birbiren na saray katoowan ed intiron mundo so inkatalonggaring to,

Mikias 5:9

Taloen na Israel iray kalaban to tan deralen to ra.

Aggeo 2:22

taloen ko ray bansa tan panganggaen koy pakayari ra. Ipabalintuag ko ray karwahi ra tan saray kutsiro ra; ompatey iray kabayo tan mampapateyan iray kumakabayo.

Saray Gawgawa 10:36

Saray Israelita so angiteray Dios na salita to. Sikaray angiteran toy Maung a Balita, a mangiter a kareenan diad panamegley nen Jesu-Cristo, a sikatoy Katawan na amin a katoowan!

2 CORINTO 5:18

Say Dios so nanggawad sayan amin. Aliwa kami lan kabosul to, no ag ingen imbilang to kami lan kaaro to diad panamegley nen Cristo, tan initdan to kamiy kimey a mamapawil ed saray arum a totoo ed sikato.

2 CORINTO 5:20

Kanyan sikamiy ibabaki nen Cristo. Singa say Dios la sirin so mikakasid sikayo diad panamegley mi; pikasi mid sikayo, diad ngaran nen Cristo, ya abuloyan yoy Dios a pagmaliwen to ki lan kakaaro to!

Deuteronomio 11:24

Amin a dalin a nabatak yo et kayaryan yo. Say dalin yo et sakopen to so manlapud kalawakan diad abalaten ya anggad Kapalandeyan na Libano diad baybay, tan manlapud Ilog na Eufrates diad bokig ya anggad Dayat na Mediteraneo diad sagur.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”