Zacarias 8:9 - Maung A Balita Biblia

⁹ “Mampabiskeg kayoy linawa! Narerengel yo natan ira may salitan imbabaga na saray propita diad samay panaon a nililira so pundasion diad pamapasimbaloy kipaalagey na Timplo.

Maung a Balita Biblia

⁹ Mampabiskeg kayoy linawa! Narerengel yo natan ira may salitan imbabaga na saray propita diad samay panaon a nililira so pundasion diad pamapasimbaloy kipaalagey na Timplo.

Zacarias 8:9 Iomraidhean Croise

1 Saray Awaran 22:13

Onaligwas ka no apigeren mon onuren iray amin a ganggan a para Israel ya inter na Katawan ed kinen Moises. Mampabiskeg ka tan pakpel moy linawam, tan ag mo aabuloyan a napatakot kay antokaman.

1 Saray Awaran 28:20

Inkuanen Ari David ed anak ton Solomon, “Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

2 Saray Awaran 15:7

Balet pabiskeg yoy linawa yo, tan ag yo pakakapoyey sikayon dili. Natumangan iray kimey yo.”

Esdras 6:14

Saray pangulo da ray Judio et maples so impangipaalagey dad Timplo, ta apabiskeg so linawa ra lapud saray salita di propita Aggeo tan Zacarias. Asumpal dan impaalagey so Timplo onung na impaiganggan ed sikara na Dios na Israel, tan di Ciro, Dario, tan Artajerjes ya impirador irad Persia.

Isaias 35:3

Itdan yo na biskeg iray naksawan a lima tan saray pueg a mankalog ed kapoy da.

Isaias 35:4

Ibaga yod balang sakey a toon nakalay biskeg na linawa, “Mampabiskeg kayo tan ag kayo natatakot! Onsasabiy Dios a mangyagel ed sikayo; onsasabin manusad saray kalaban yo.”

Aggeo 1:1

Diad ononan agew na kumanem a bulan na kumadwan taon na panaari nen Dario ed Persia, say Katawan nansalita diad panamegley nen propita Aggeo. Say sinalita na Katawan et para si Zorobabel a gobirnador na Juda tan lakin anak nen Sealtiel, tan para si Josue a Pangulon Pari tan lakin anak nen Josadac.

Aggeo 1:12

Insan si Zorobabel, tan si Josue, tan amin da ray totoon sinmempet a nanlapud inkibantak ed Babilonia inonur day imbagad sikara na Katawan a Dios da. Tinmakot ira tan inonur day propita Aggeo ya ibabaki na Katawan.

Aggeo 2:18

Natan et kumaduamplo tan apat ya agew na kumasyam a bulan, say agew na impakasumpal na pundasion na Timplo. Imano yo no antoy nagawa manlapud natan.

Aggeo 2:21

“Laka ta ibagam ed kinen Zorobabel a gobirnador na Juda, ya onyay kuankod sikato, ‘Ngalngalik la yegyegen so tawen tan dalin;

Zacarias 8:13

Sikayo ran totood Juda tan Israel! Nen saman saray sangkaili mansasambaan ira ya ikuandad sakey tan sakey, ‘Ondapo met komun ed sika so deral a singa samay deral a dinmapo ed Juda tan Israel!’ Balet ilaban ta kayo, insan saraman a sangkaili ikuandad sakey tan sakey, ‘Nagamuran mo met komun so bindision a singa samay bindision ya agamuran na Juda tan Israel!’ Kanyan pabiskeg yoy linawa yo, ag kayo ontatakot.”

Zacarias 8:18

Say Katawan a Makapanyarin-amin inter to yan salita ed kinen Zacarias:

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

2 Timoteo 2:1

Sika, anak kon Timoteo, mampabiskeg kad panamegley na panangasin agamuran tayo diad pikakasakey ed Cristo Jesus.

Josue 1:6

Pabiskeg moy linawam tan manmatalek ka, ta sika so pangulo da ra yan totoo diad iloob dad dalin ya insipan kod saray lalaki ra.

Josue 1:8

Nepeg a pampelengan mo a say libro na Ganggan et nibasa lawas no mangigalang kayod siak. Aral mod agew tan labi, tan pampelengan mon onuren iray amin a nisulat. Diad satan onaligwas ka tan maung so pansumpalan mo.