Zacarias 8:3 - Maung A Balita Biblia

³ Ompawil ak ed Jerusalem a masanton siudad ko, tan manayam ak diman. Natawag iman a pasen a matoor a siudad tan say palandey na Katawan a Makapanyarin-amin et natawag na masanton palandey.

Maung a Balita Biblia

³ Ompawil ak ed Jerusalem a masanton siudad ko, tan manayam ak diman. Natawag iman a pasen a matoor a siudad tan say palandey na Katawan a Makapanyarin-amin et natawag na masanton palandey.

Zacarias 8:3 Iomraidhean Croise

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

Saray Salmo 48:1

Matalonggaring so Katawan, tan manepenepeg ya idayew ed siudad na Dios tayo, diad masanton palandey to.

Exodo 29:45

Manayam ak ed kawalaan na saray Israelita tan siak so Dios da.

Isaias 1:21

Say siudad a matoor nen saman et nagmaliw la natan a singa marotak a bii! Nen saman matonung a totoo iray manaayam diman; balet natan saray managpatey na totoo labat lay manaayam.

Isaias 1:26

Itdan ta kayo na saray pangulo tan saray sumisimbawa yo a singa nen saman. Diad ontan, say Jerusalem natawag a matonung tan matoor a siudad.”

Isaias 11:9

Diad Sion a masanton palandey na Dios, anggapoy antokaman a mamasakit odino manderal. Say dalin napano na pikakabat ed Katawan a singa inkapnoy dayat na danum.

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Isaias 32:16

Say kaptekan tan say inkatonung so manari ed anggan iner a pasen na dalin.

Isaias 60:14

Saray anak na saramay nampapairap ed sika et ondago ra Tan ondakmomo ra a pamagalang dad sika. Amin da ra may nambabalaw ed sika et igalang da kad saliyan mo. Tawagen da kan ‘Say Siudad na Katawan.’ ‘Sion, say Siudad na masanton Dios na Israel.’

Isaias 65:25

Mandorongo a mangan iray asod katakelan ton saray kordiro; saray lion mangan ira na dayami a singa saray baka; tan saray oleg ag la ra mangetket. Anggapo lad satan so antokaman a mamasakit odino kaogsan diad masanton palandey ko a Sion.”

Isaias 66:20

Manlapud saray bansa papawilen da ray kadalaan yo a sikaray rigalod siak. Iyakar da rad masanton palandey ed Jerusalem ya akakabayo rad mula, kabayo, tan diad saray kamilyo, tan saray arum akalogan irad karwahi tan diad saray kariton, a singa saray Israelita a mangyaakar ed Timplo na saray bagat da a trigo ya akakargad saray pananginan a malinis onung ed ganggan.

Isaias 8:18

Wadya ak, kaibak iray anak ya inter ed siak na Katawan. Say Katawan a Makapanyarin-amin a say trono to et walad toktok na Palandey na Sion, ginawa to kamin mabilay a tanda a pakapatnagan na saray totoo ed Israel.

Jeremias 14:9

Akin et singa ka toon abiglaan, singa sakey a sondalon ag makatulong? Andi-duaruwan wala kad sikami, Katawan! Sikami ray totoom; ag mo kami pa ikakaindan.’”

Jeremias 26:18

“Nen ari ed Juda si Ezekias, si propita Mikias a taga Moreset imbaga tod amin a totoo a say Katawan a Makapanyarin-amin inkuanto, ‘Nabakan singa alog so Sion; magmaliw a bunton na deral-deral so Jerusalem, tan magmaliw a takel so palandey a panalalageyan na Timplo.’

Jeremias 31:23

Say Katawan a Makapanyarin-amin a Dios na Israel kuanto, “No papawilen kod dalin da iray totook, ibaga da lamet ed dalin na Juda tan saray baley to, ‘Bindisionan komun na Katawan so masanton palandey na Jerusalem, say masanton pasen a panaayaman to.’

Jeremias 33:16

Niagel tan mambilay ya arawid kaatapan iray totood Juda tan Jerusalem. Say siudad natawag na ‘Say Katawan a Kilalaban Tayo.’

Ezekiel 48:35

Say intiron karokey na samay padir diad apatiran dapag et siam a libo, walon lasus tan walomplon mitro. Manlapud natan say nepeg a ngaran na siudad et “Wadya-so Katawan!”

Daniel 9:16

Nen saman inyaagel mo kami lapud pakayarim, kanyan ag ka pa la mamapasnuk ed Jerusalem. Siudad tan masanton pokdul mo so Jerusalem. Balbalawen na amin a totoo ed saray kaliber-liber a bansa so Jerusalem tan saray totoom, lapud saray kasalanan mi tan saray maoges a ginagawa da ray lalaki mi.

Joel 3:17

“Diad satan, Israelita, naamtaan yo a siak so Katawan a Dios yo. Manaayam ak ed Sion a masanton palandey ko. Magmaliw a masanton siudad so Jerusalem; ag lan balut nadakep na saray taga arum a bansa.

Mikias 4:1

Diad saray agew ya onsabi say palandey a panalalageyan na Timplo et magmaliw a sankatageyan ed amin, ososdungan toy amin a kapokdulan. Amayamay iray bansan onlad sikato

Sofonias 3:13

Saray totood Israel ya apaliisan day patey et ag la ra manggaway maoges ed kapara ran too, ag la ra mantila, odino mamalikdo na arum a totoo. Onaligwas ira tan niarawi rad kaatapan, ya ag la ra antakot ed siopaman.”

Zacarias 1:16

Kanyan pinmawil ak ed Jerusalem ta kasian koy siudad. Napasimbalon nipaalagey so Timplok tan nipaalagey lamet so siudad.”

Zacarias 12:6

“Diad satan a panaon pagmaliwen ko ray boleg na Juda a singa ra pool ed sakey a takel odino diad sakey ya alog ya aaniyen la ray bungay tanaman to—deralen da ray amin a bansa ed kaliber-liber. Mansiansian arawid kaatapan ed dalem na siudad iray totood Jerusalem.

Zacarias 14:10

Napalanas so intiron dalin manlapud Geba diad baybay ya anggad Rimon diad abalaten. Say Jerusalem mansiansian ososdungan to ray dalin ed kaliber-liber to; say siudad sakopen toy pasen a manlapud Puirta nen Benjamin ya anggad Puirta na Suyok, a kawalaan nen saman na gendat a puirta, tan manlapud Tori nen Hananel ya anggad pespesan na ubas na ari.

Zacarias 8:16

Sarayay bengatlan gawaen yo: Salita yod balang sakey so katwaan. Diad saray korti ipakurang yo so petepeteg a katunongan—say katunongan a mangiter na kareenan.

Zacarias 8:19

“Say ayunon nagagawa kapag kumapat, kumalima, kumapito tan kumaplon bulan et magmaliw a pista na liket tan gayagan para saray totood Juda. Nepeg yon aroen so katwaan tan kareenan.”

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

Juan 14:23

Inmebat si Jesus, “Siopamay mangarod siak, onuren to ray salitak; sikatoy aroen nen Amak tan onla kamin manayam ed sikato.

2 CORINTO 6:16

O antoy piparaan na Timploy Dios ed saray talintaoy diriyos? Ta sikatayoy timplo na mabilay a Dios! Onung na ibabagay dilin Dios, “Miayam tan milimug ak ed sikara; siak so magmaliw a Dios da, tan magmaliw a totook ira.”

COLOSAS 2:9

Ta say intiron inkagnap na inka-Dios et manaayam ed Cristo diad inkatoo to,

Puyan 21:10

Niwala ak ed pakayari na Ispiritu, tan inyakar to ak may anghil ed toktok na atagtagey tan balbaleg a palandey. Impanengneng tod siak so Jerusalem, say Masanton Siudad, ya onleleksab a nanlapud tawen tan nanlapud Dios.

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.

Puyan 21:3

Arengel koy maksil a bosis a nanlapud trono tan inkuanto, “Natan, say abung na Dios wala lad pegley da ray katoowan! Miayam ed sikara, tan magmaliw iran totoo to. Nakaiba ra lawas so Dios, tan magmaliw a Dios da.