Zacarias 8:12 - Maung A Balita Biblia

¹² Anggapoy manigensigen ed sikara ed pantanem da. Mambunga ray sengeg na ubas da, mangiter na bungay tanaman so dalin da, tan daakan so ompelag ya oran. Iter ko ra yan amin a bindision ed saray totook ya akapaliis ed patey.

Maung a Balita Biblia

¹² Anggapoy manigensigen ed sikara ed pantanem da. Mambunga ray sengeg na ubas da, mangiter na bungay tanaman so dalin da, tan daakan so ompelag ya oran. Iter ko ra yan amin a bindision ed saray totook ya akapaliis ed patey.

Zacarias 8:12 Iomraidhean Croise

Genesis 26:12

Tinaneman nen Isaac iman a dalin, tan diad saman a taon akaani na maminlasus a kinarakel ed samay intanem to, lapud binindisionan na Katawan.

Genesis 27:28

Itdan ka komuy Dios na linaew na tawen, tan gawaen ton mataba ray alog mo! Itdan to ka komuy dakel a naani tan daakan ya alak!

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

Saray Salmo 72:3

Onaligwas komuy dalin; manari komuy katonungan.

Saray Salmo 85:12

Say Katawan paaligwasen to itayo, tan say dalin tayo mambungay daakan.

Probirbio 19:12

Say pasnuk na sakey ya ari et singa nguam na lion, balet say maung a linawa to et singa oran a pampipilalekan.

Isaias 30:23

Kapag mantanem kayod kaalogan yo, paoranan na Katawan, pian ontubo ray tanaman yo et dakel so naani yo; saray baka yo et nawalaan met ira na maawang tan marikan pastolan.

Isaias 61:7

Angangga lay kababaingan tan say inkaandian yoy kagalangan. Manayam kayod dilin dalin yo. Tan nadoblian so kayamanan yo; Mansiansiad ando lan ando so liket yo.

Jeremias 31:12

Ondago ra tan mankanta rad liket diad Palandey na Sion tan panliketan da ray rigalok— saray rigalon trigo, alak, tan larak na oliba, saray karniro tan saray baka. Magmaliw iran singa asalusalug a tanamanan, tan nawalaan ira na amin a nakaukolan da.

Ezekiel 34:28

Ag la ran balut samsaman na saray bansan anggapoy Dios da, tan ag la ra buagen na saray ayayep ed takel. Mambilay la ran arawid kaatapan, tan anggapo lay manaktakot ed sikara.

Ezekiel 36:12

Papawilen ta kayo, sikayon totook ya Israelita, a manayam lamet ed dalin yo. Magmaliw a dilin dalin yo, tan ag to lan balut paerasen iray anak yo.

Ezekiel 36:30

Parakelen koy bunga na saray kakiewan yo tan say naani ed kaalogan yo, pian anggapo la ray ondalan ya eras a makasengeg na pakapelagan yod kababaingan ed saray bansa.

Ezekiel 36:9

Wala ak ed diking yo, tan andi-duaruwa a nabaka lamet so dalin yo tan nataneman.

Oseas 13:3

Kanyan naandipat a singa kelpa ed kabwasan ira yan totoo; singa ra linaew a naandipat ed kabkabwasan. Magmaliw iran singa saray taep ed ilikan ya ipapalir ira na dagem, tan naandipat iran singa asewek ya ompapaway ed pasngawan.

Oseas 14:5

Diad saray totood Israel, magmaliw ak a singa oran ed amagan dalin. Ombuskag iran singa saray rosas; onaralem a maung so lamut da, a singa saray kakiewan ed Libano.

Joel 2:19

Say Katawan inmebat ed sikara: “Itdan ta kayo la na trigo, alak, tan larak na oliba, et napenek kayo. Ag kayo la balawen na arum a bansa.

Joel 2:22

Ayayep, ag kayo natatakot. Malamlambut iray dikad pastolan; mambubunga iray kakiewan, tan walay daakan a bungay igos tan ubas.

Levitico 26:3

“No mambilay kayo onung ed saray ganggan ko tan onuren yo ray bilin ko,

Sofonias 3:13

Saray totood Israel ya apaliisan day patey et ag la ra manggaway maoges ed kapara ran too, ag la ra mantila, odino mamalikdo na arum a totoo. Onaligwas ira tan niarawi rad kaatapan, ya ag la ra antakot ed siopaman.”

Aggeo 1:10

Sikato yay makasengeg ya anggapoy onterter ya oran tan anggapoy ontubon tanaman.

Aggeo 2:18

Natan et kumaduamplo tan apat ya agew na kumasyam a bulan, say agew na impakasumpal na pundasion na Timplo. Imano yo no antoy nagawa manlapud natan.

Aggeo 2:19

Anggaman ya anggapoy atilak ya ilik na trigo, tan ag ni nambunga iray ubas, igos, granada, tan oliba, balet bindisionan ta kayo.”

Zacarias 8:6

“Nayarin ipasen na saray totoon atilak ed bansa ya ag yan balut nagawa, balet no para siak nagawa.

Malakias 3:11

Ag ko abuloyan a deralen na saray bigis iray tanaman yo, et diad ontan mambunga na amayamay iray sengeg na ubas yo.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

1 CORINTO 3:21

Nepeg sirin ya anggapoy mangipasirayew ed nagawaay too. Ta kayaryan yoy amin a bengatla:

Deuteronomio 32:2

Napelag a singa oran so bangat ko tan magmaliw a singa linaew ed dalin. Saray salitak ompelag a singa mayamaya ed saray malangwer a tanaman, singa makalkalnan oran ya ompelag ed malambut iran dika.

Deuteronomio 33:13

Nipaakar ed tribu nen Jose inkuanto: “Say Katawan bindisionan to komun na oran so dalin da. Bindisionan to met komun na danum a manlapud dalem na dalin.

Deuteronomio 33:28

Kanyan manaayam ya arawid kaatapan iray kabyangay boleg nen Jacob, mareen so bilay dad sakey a dalin a daakan so trigo tan alak, diad dalin a linaew so manasalog.

Santiago 3:18

Say toon maarod kareenan, diad panaanap toy kareenan, isisibwag toy bokel a mambungay katonungan.