Zacarias 7:6 - Maung A Balita Biblia

⁶ Pinepenek day sikaran dili labat nen naniinom tan nanaakan ira.”

Maung a Balita Biblia

⁶ Pinepenek day sikaran dili labat nen naniinom tan nanaakan ira.

Zacarias 7:6 Iomraidhean Croise

1 Saray Awaran 29:22

Kanyan diad saman ya agew malikeliket ira legan dan nanaakan tan naniinom diad arap na Katawan. Imbawag dan manari si Solomon; kumadwa la yan impangibawag da. Diad ngaran na Katawan nilanaan da a manoley ed sikara tan nilanaan da met a mampari si Sadoc.

Isaias 43:23

Ag mo ak inyakaran na karnirom a para bagat a popoolan; ag mo inkanan pangigalang ed siak iray bagat mo. Ag ta ka impansakbat na ambelat diad impamilit kod sikan mangibagat odino pinairap ta ka diad impankerew kod sikay insinso.

Isaias 58:3

Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Oseas 9:4

Diad saraman a dalin a kibantakan da, ag da nayariay mangibagat na alak ed Katawan odino mangisaklang na arum ni ran bagat ed sikato. Say tagano ra et singa kakanen no tolur, a dotakan toy balang sakey a mangan. Ikana a panempey labat na eras; anggapoy nayarin iyakar ya ibagat ed Timploy Katawan.

Zacarias 7:5

“Ibagam ed saray totood bansa tan saray papari ya ag da ak pinagalangan nen nanayuno tan nanermen ira nen kumalima tan kumapiton bulan legan na saraman a pitomplon taon.

Zacarias 7:7

Sikato yay imbaga na saray inmonan propita sanen maaligwas so Jerusalem tan sikatoy napno na saray totoo tan sanen amayamay iray totoo a manaayam ed saray baley a kaliber-liber na siudad tan diad bandad abalaten tan diad alusadsar na kapokdulan ed bandad sagur.

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

Deuteronomio 12:7

Dimad saman a pasen, diad arap na Katawan a Dios yo ya amindision ed sikayo, sikayo tan saray kabyangay pamilya yo et kanen tan panliketan yo ray maabig a bengatlan nansasagputan yo.

Deuteronomio 14:26

Igastos yo yan kuarta ed antokaman a labay yo—baka, kordiro, alak, odino antokaman a makabuek—tan diman, diad arap na Katawan a Dios yo, sikayo tan saray kabyangay pamilya yo et akan yo may sinaliw yo tan manliket kayo.

COLOSAS 3:17

Antokaman sirin a gawaen o salitaen yo, gawa yo ran amin diad ngaran na Katawan a Jesus, tan diad panamegley to, misalamat kayod Dios Ama.

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”