Zacarias 7:11 - Maung A Balita Biblia

¹¹ “Balet anawet so olo da ray totook; ag ira dinmengel. Kinaputan day isip da.

Maung a Balita Biblia

¹¹ Balet anawet so olo da ray totook; ag ira dinmengel. Kinaputan day isip da.

Zacarias 7:11 Iomraidhean Croise

2 Saray Awaran 33:10

Anggaman a pinasakbayan na Katawan si Manases tan saray totoo to, siansian ag da dinengel.

Nehemias 9:17

Ag ira tinmoluk; alingwanan da ray amin a ginagawam; alingwanan da ray milagron ginagawam. Lapud panagpasirayew da amili ray sakey a pangulo a mamapawil ed sikara ed inkaaripen da ed Egipto. Balet manamirdona ka a Dios; mapangasi tan maaro ka, tan aliwa kan maipapasnuk. Alay kabaleg na ag mangoman a panangarom; ag mo ra inkaindan.

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

Nehemias 9:29

Pinasakbayan mo ran onuren da ray ganggan mo balet lapud panagpasirayew da ag da ra inonur, anggaman a say pangonur ed Ganggan mo et pakagamuran na bilay. Diad kinaawet na olo ra tan inkabangar da, ag da labay so ontoluk.

Exodo 10:3

Kanyan di Moises tan Aaron linma rad ari tan kuandad sikato, “Say Katawan a Dios na saray Hebreo kuanto, ‘Anggad kapigay ag mo itoluk ed siak? Abuloyan mo lan ontaynan iray totook, pian nigalang da ak.

Isaias 28:12

Imbaga to ya itdan to kayon amin na inawa tan ligliwa, balet ag kayo dinmengel ed sikato.

Isaias 46:12

“Dengel kayod siak, sikayon totoon anawet ya impanpuso, ya abaloan yon arawi ni so pananalo.

Isaias 6:10

Insan inkuantod siak, “Pagmaliw mon anawet so olo na sarayan totoo, telek iray layag da, tan bulag iray mata ra, pian ag ira makatalus o makanengneng o makadngel. Ta no makatalus, makadngel, odino makanengneng ira, nayarin ompawil irad siak tan naabigan ira.”

Isaias 65:12

Makapataktakot ya ipapatey so pansumpalan yo, lapud ag kayo inmebat nen tinawag ta kayo odino dinmengel nen nansalita ak ed sikayo. Nilabay yoy onsumpad siak tan say panggaway kaogsan.

Jeremias 11:10

Pinawil da ray kasalanan na saray lalaki ran ag tinmoluk ed saray ingganggan kod sikara; angigalang irad saray arum a diriyos. Dineral na saray totood Israel tan Juda so impisipanan kod saray lalaki ra.

Jeremias 13:10

Sarayan totoon maoges et ag ira inmonur ed siak, tan lawas anawet so puso ra tan maoges ira tan inggalang tan nanlingkur irad arum a diriyos. Kanyan sirin, magmaliw iran singa sayan potut a pantalon ya anggapo lay kana to.

Jeremias 17:23

Ag dinmengel odino angasikaso ed siak iray lalaki ra. Ingen nagmaliw iran anawet a puso; ag ira ononur ed siak odino manaral ed siak.

Jeremias 17:27

Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.”

Jeremias 19:15

a say Katawan a Makapanyarin-amin a Dios na Israel et inkuanto, “Iyakar ko lad sayan siudad tan diad amin a kaliber-liber to ran baley iray amin a dusan imbagak a gawaen ko, lapud anawet so puso yo tan ag kayo ondengel ed ibabagak.”

Jeremias 35:15

Intutuloy koy mangibakid sikayo na amin da ray aripen a propita, tan imbaga rad sikayo a tondaan yo lay maoges a panagbilay yo tan manggawa ki lay kamaungan. Pinasakbayan da kayon ag mangigalang tan ag manlingkur ed saray arum a diriyos pian nayarian yoy mansiansian manayam ed dalin ya inter kod sikayo tan saray lalaki yo. Balet ag kayo dinmengel odino angasasikasod siak.

Jeremias 36:31

Dusaen ta ka, saray kabyangay boleg mo, tan saray opisyal mo lapud saray kasalanan yo. Sika, saray totood Jerusalem, tan Juda et ag dinmengel ed saray pasakbay ko, kanyan iyakar kod sikayon amin so deral ya imbagak lan gawaen ko.”

Jeremias 42:21

Natan imbagak ed sikayo so papaibaga na Katawan, balet ag yo oonuren ya amiy bengatlan papaibagad siak na Katawan a Dios tayo ed sikayo.

Jeremias 44:16

“Ag mi labay a dengelen iray salitam, saray salitan imbagam ed ngaran na Katawan.

Jeremias 5:21

Dengel kayo, sikayon anggapoy kalakal tan anggapoy pakatalus a totoo. Walay kamataan yo, balet ag kayo makanengneng, walay kalayagan yo, balet ag kayo makadngel.

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Jeremias 7:24

Balet ag ira inmonur odino dinmengel. Ingen inonur day imbaga na anawet tan maoges a puso ra, kanyan onmaung ira komun, linmoor lalaingen so kaogsan da.

Jeremias 7:26

Balet ag kayo dinmengel odino angimano. Ingen, nagmaliw kayon lalon anawet so puso tan lalon mananumpa nen saray lalaki yo.

Jeremias 8:5

Totook, akin et onaarawi kayod siak tan ag kayo ompawil? Ag kayo oniikban ed saray talintaoy diriyos yo tan ag yo labay so ompawil ed siak.

Ezekiel 14:5

Lapud saratan a talintao imbeneg ak na saray Israelita, balet ompawil komun so inkatoor dad siak diad panamegley na ebat ko.

Ezekiel 3:7

Balet anggapod saray totood Israel so ondengel ed sika; ag da ak anggan dengelen. Anawet so olo tan puso ran amin.

Ezekiel 5:6

Balet sinumpa na Jerusalem iray ganggan ko tan impanengneng to a lalon maoges ni nen saray arum a bansa, lalon aliwan maonur nen saray bansan walad kaliber-liber to. Impolisay to ray ganggan ko tan ag to binirbir iray bilin ko.

Daniel 9:5

“Nankasalanan kami, maoges kami, makapoy iray ginagawa mi. Sinumlang tan impolisay mi ray ganggan mo tan saray bilin mod sikami.

Oseas 4:16

Benger a singa saray ayep a mula iray totood Israel. Panoy pamakan kod sikara a singa pamakan ed saray kordiro diad malambut a pastolan?

Sofonias 3:2

Ag to dinmengel ed Katawan odino inawat so panametek to. Ag nanmatalek ed Katawan odino kinmerew na tulong to.

Zacarias 1:4

Ag yo aaligen iray lalaki yo. Nen saman saray propita sinalita ra so impaikuankod saray totoo a magbabawi rad saray kaogsan da. Balet ag ira dinmengel odino inmonur ed siak.

Mateo 13:15

ta inmawet so olo ra yan totoo, saray layag da nakar dan pinepetan, tan inkopit day mata ra. Lapud ag da labay a makanengneng, o makadngel, o makatalus ira, ta ompan lagi ompawil irad siak a mabolbolus, et paabigen ko ra, kuay Dios.’

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Saray Gawgawa 7:57

Pinepepetan da ray layag da tan naniingal ira, insan ira nambabansag a dinmogpa ed sikato.

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!