Zacarias 6:1 - Maung A Balita Biblia

¹ Wala niy sananey a nipasingayew ed siak. Akanengneng ak natan na apatiran karwahi ya ompapaway ed nanleetan na duaran gansan palandey.

Maung a Balita Biblia

¹ Wala niy sananey a nipasingayew ed siak. Akanengneng ak natan na apatiran karwahi ya ompapaway ed nanleetan na duaran gansan palandey.

Zacarias 6:1 Iomraidhean Croise

2 Saray Arari 6:17

Insan nampikasi, “O Katawan, lokasan mo pay mata to, pian nanengneng to!” Inebatan na Katawan so pikakasi to; ninmengneng imay aripen nen Eliseo, et anengneng toy gilig na palandey a napnoy kabayo tan karwahin apoy ya akapaliber iran amin ed kinen Eliseo.

Say Libro nen Job 34:29

No labay na Dios ya anggapon balut so gawaen to, anggapoy makapambalaw ed sikato. No paolyan na Dios so sankamundoan, antoy nagawaan na too?

Saray Salmo 33:11

Balet mansiansian anggad angga iray plano na Katawan; ando lan andon mansiansia iray getma to.

Saray Salmo 36:6

Say inkatonung mo et atagey a singa saray kapalandeyan, say kaptekan mo et singa kaaralem na dayat. Sika, Katawan, so mangaasikasod saray katoowan tan saray ayayep.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Isaias 43:13

Siak so Dios tan Siak si Siak. Anggapoy makapaliis ed pakayarik; anggapoy makaoman ed antokaman a gagawaen ko.”

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Jeremias 4:13

Nengneng yo, onsasabin singa lorem so kalaban. Singa alimbusabos iray karwahi to; mabatik nen saray agila iray kabayo to. Pangaskasiyan iti la! Aderal itayo la!

Daniel 4:15

Balet itilak yod dalin so sengeg to tan isinger yo na golunggolung a balatyang tan gansa. Paolyan yod man ed alog a kaiba to ray dikan malambot. “‘Natan paolyan yon nalinaewan yan laki tan nakaiba to ray ayayep tan saray tanaman.

Daniel 4:35

Say pakanengneng tod amin a katoowan et anggapoy kabaliksan da; walad silong na pakayari to iray anghil ed tawen tan saray totoo ed mundo. Anggapoy makasumlang ed linawa to odino makasumpa ed gagawaen to.

Daniel 8:22

Saramay apatiran saklur a tinmubo nen apoter imay ononan saklur et saray apatiran nanarian a pakaapagan na samay bansa tan aliwan singa biskeg na samay inmonan nanarian so biskeg da.

Zacarias 5:1

Ninmengneng ak lamet, et anengneng koy sakey a nilokut a babasaen ya ontitikyab ed tagey.

Zacarias 6:5

Inmebat, “Sikara yay apatiran dagem; kapkapanlapu rad arap na Katawan na intiron dalin.”

Saray Gawgawa 4:28

Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

TAGA-EFESO 1:11

Amin a bengatla nagagawa onung ed plano tan linaway Dios; tan pinili kamiy Dios a totoo to diad pikakasakey ed Cristo, onung ed getma tan plano to nanlapu lad gapo.

TAGA-EFESO 3:11

Ginawa ya na Dios onung ed andi-anggaan a getma to, a sinumpal to diad panamegley na Katawan tayon Cristo Jesus.

1 Samuel 2:8

Agwaten tod dabuk iray mairap-bilay, tan aonen tod kairapan iray pangaskasiyan. Gawaen to ran kakaiba na saray prinsipi, tan iyakar to rad saray pasen na kagalangan. Kayaryan na Katawan iray punda-sion na mundo; diad saraya so angiletnegan toy mundo.