Zacarias 4:2 - Maung A Balita Biblia

² Tinepet ko, “Antoy nanenengneng mo?” Inmebat ak, “Balituk a panangipatoonan na lamparaan. Diad tapew to walay sakey a yaung a pananginay larak. Walay pitoran lamparaan ed samay panangipatoonan, tan balang sakey et walay pitoran pananginay pabilo.

Maung a Balita Biblia

² Tinepet ko, Antoy nanenengneng mo? Inmebat ak, Balituk a panangipatoonan na lamparaan. Diad tapew to walay sakey a yaung a pananginay larak. Walay pitoran lamparaan ed samay panangipatoonan, tan balang sakey et walay pitoran pananginay pabilo.

Zacarias 4:2 Iomraidhean Croise

1 Saray Awaran 28:15

say balang lamparaan tan say balang panangipatoonan na lamparaan,

2 Saray Awaran 13:11

Kapag kabwasan tan labi mangisasaklang irad Katawan na insinso tan saray ayayep a bagat a popoolan. Mangisasaklang iray bagat a tinapay ed lamisaan a malinis onung ed ganggan, tan kapag labi seselselan da ray lamparaan ya akatoon ed balituk a panangipatoonan. Sikami susumpalen mi ray ganggan na Katawan, balet sikayo inkaindan yo.

2 Saray Awaran 4:7

Nanggawa na samploran balituk a panangipatoonay lamparaan onung na gendat a panaggawa tan samploran lamisaan, insan to ra inyan ed manonan kuarto na Timplo. Limaran panangipatoonan tan limaran lamisaan so niiyan ed baybay a dapag tan saray arum diad abalaten a dapag. Nanggawa met na sanlasus a yaung.

Ecclesiastes 12:6

Napoltut so pilak a golunggolung, tan napelag tan nabetag so balituk a lamparaan; napoltut so lobir na bobun, tan namekmek so boyug.

Jeremias 24:3

Insan inkuan ed siak an Katawan, “Jeremias, antoy nanenengneng mo?” Inmebat ak, “Bungay igos. Saray balibali et mapalalon balibali, tan saray aliwaliwa et mapalalon aliwaliwa, kanyan ag nayarin kanen.”

Jeremias 52:19

Inala da ray amin a kagawaan a balituk o pilak: saray ankekelag a yaung, saray kawali a pananginay ngalab, saray yaung a pananginay dala na saray bagat, saray pananginay dapul, saray patoonay lamparaan, saray yaung a pananginay insinso, tan saray yaung ya ikakanad panangibung na saray bagat ya alak.

Amos 7:8

Tinepet tod siak, “Amos, antoy sankanengneng mo?” “Sakey a patawin,” ebat ko. Insan inkuantod siak, “Ikakanak yan patawin ta labay kon ipanengneng ed saray totook a singa ra sakey a padir ya aliway patawin to. Ag ko la omanen lamet so kanunotan ko diad panusak ed sikara.

Zacarias 5:2

Tinepet na samay anghil no antoy anengneng ko. Inmebat ak, “Sakey a nilokut a babasaen ya ontitikyab ed tagey; siamiran mitroy karokey to tan apatira tan kapalduan mitroy kaawang to.”

Puyan 1:12

Nilingaw kon nengnengen no siopay mitotongtong ed siak, et anengneng koy pitoran balituk a panangipatoonay lamparaan.

Puyan 1:20

Sikato yay niamut a kabaliksan na pitoran bitewen a nanenengneng mon sankabembenan ko tan saray pitoran balituk a panangipatoonay lamparaan: saray pitoran bitewen sikaray anghil na pitoran iglisia, tan saray pitoran panangipatoonay lamparaan sikaray pitoran iglisia.

Puyan 4:5

Manlalapud man ed trono so kirmat, saray tanul, tan dalagorug na karul. Walay pitoran mandarlang a lamparaan ed arap na trono; sikara yay pitoran ispiritu na Dios.