Zacarias 3:9 - Maung A Balita Biblia

⁹ Ipasen kod arap nen Josue so sakey a baton pitoray lupa to. Itatak kod sayan bato so sakey a balikas, et diad sanagew ekalen koy kasalanan na sayan dalin.

Maung a Balita Biblia

⁹ Ipasen kod arap nen Josue so sakey a baton pitoray lupa to. Itatak kod sayan bato so sakey a balikas, et diad sanagew ekalen koy kasalanan na sayan dalin.

Zacarias 3:9 Iomraidhean Croise

1 Saray Arari 1:20

Kagalang ya Ari, amin da ray totood Israel et sikay aalagaren dan mangibagad sikara no siopay manarin onsalat ed sika.

2 Saray Awaran 16:9

Iimanoen a maung na Katawan so sankamundoan, pian naitdan to na pakayari iray totoon matoor ed sikato so kapusoan da. Kakulang-kulangan so ginawam, kanyan manlapud natan lawas kan mibakal.”

Saray Salmo 103:12

No panoy kaarawiy bokig ed abalaten, ontan met so kaarawiy impangekal tod sikatayo na saray kasalanan tayo.

Saray Salmo 118:22

Say baton impasen ya andi-kakanaan na saray karpintiro nagmaliw lamlamang a sankakanaan a bato.

Exodo 28:11

Paitatak mod marunong a platiro diad duaran bato so kangaranan na saray lalakin anak nen Jacob, tan ipeket mo rad balituk a panangipatoonan.

Exodo 28:21

Diad kapag sakey ed sarayan labinduan bato say sakey a ngaran na lakin anak nen Jacob et itatak; sikaray pakanudnunotan ed saray labinduan tribu na Israel.

Exodo 28:36

“Manggawa ka na arkos a puron balituk tan tatakan mo na ‘Nisaklang ed Katawan.’

Isaias 28:16

Balet natan saya so kuan na Katawan a Dios; “Mangipapasen ak ed Sion na mabiskeg tan baleg a pundasion. Mangililira ak ed pundasion na baleg a baton suyok ya akapangisulatan na sarayan salita, ‘Maanos met so malet a pananisia.’

Jeremias 31:34

Anggapod sikaray nepeg a mangibangat ed kabansaan to na nipaakar ed pangamta ed Katawan, ta nakabatan da ak ya amin, abeba may atagey so kipapasen da. Pirdonaen ko ray kasalanan da tan ag ko la nunoten iray ginagawa ran kaogsan. Siak, say Katawan, so nansalita.”

Jeremias 50:20

No onsabi yan panaon, anggapoy narumog a kasalanan ed Israel tan diad Juda, lapud pirdonaen ko ray totoon intilak kon mambilay. Siak, say Katawan, so nansalita.”

Zacarias 13:1

“No onsabiy tan a panaon,” kuay Katawan a Makapanyarin-amin, “nalokasan so subul a manlinis ed kasalanan tan panangigalang ed talintaoy diriyos iray kabyangay boleg nen David tan saray totood Jerusalem.

Zacarias 3:4

Samay anghil kuantod mangatatawen iran igaganggan, “Lakseb yod sayan laki so maringot ya akasolung ed sikato.” Insan to inkuan ed kinen Josue, “Inekal ko ray kasalanan mo tan itdan ta kay balon kawes ya isolung mo.”

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.”

Saray Gawgawa 4:11

Si Jesus so labay ya ibaga na Masanton Sulat nen inkuanto, ‘Say baton impasen yon andikakanaan, sikayo ran karpintiro, nagmaliw lamlamang a sankakanaan a bato.’

Saray Taga Roma 9:33

onung na ibabagay Masanton Sulat, “Nengneng yo, mangyan ak ed Sion na baton pakapateran, sakey a baleg a baton pakapatakbaan. Balet siopamay manisiad sikato ag nabaingan.”

2 CORINTO 1:22

Sikato met niy ananda a kayaryan to kami, tan angiter na Ispiritu Santo ed puso mi, a kaletay panumpal tod saray sipan tod sikami.

2 CORINTO 3:3

Malinew a sikayo so sulat nen Cristo ya impawit ed panamegley mi. Aliwan tinta so impangisulat ed saya, no ag ingen say Ispiritu na mabilay a Dios; tan aliwan diad tapew na baton tapyak so angisulatan, no ag ingen diad pusoy katoowan.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”

Saray Hebreo 7:27

Si Jesus aliwan singa saray arum a pangulon papari a nakaukolan day mangibagat ya inagew-agew, onona para saray kasalanan da, insan para saray kasalanay katoowan. Amimpinsan ya angibagat si Jesus, tan angga lad angga ya, nen imbagat toy sikaton dili.

1 Juan 2:2

Si Cristo et nibagat a pakapaandian na saray kasalanan tayo, tan aliwa lambengat a saray kasalanan tayo, no ag ingen pati saray kasalanan na sankamundoan.

Puyan 5:6

Insan anengneng koy sakey a Kordiron manalalagey ed pegley na samay trono, a niliber na saramay apatiran mabilay a pinalsa tan saramay mamatakken. Singa pinatey so nengneng to may Kordiro. Pitoray saklur to tan pitora met so mata to, a sikaray pitoran ispiritu na Dios a nibakid sankamundoan.