Zacarias 2:9 - Maung A Balita Biblia

⁹ “Say Katawan a dili so onlaban ed sikayo, tan samsaman kayo na saray totoon aripen yo nen saman.” No nagawa la ya, naamtaan na balang too a siak so imbaki na Katawan a Makapanyarin-amin.

Maung a Balita Biblia

⁹ Say Katawan a dili so onlaban ed sikayo, tan samsaman kayo na saray totoon aripen yo nen saman. No nagawa la ya, naamtaan na balang too a siak so imbaki na Katawan a Makapanyarin-amin.

Zacarias 2:9 Iomraidhean Croise

Isaias 10:32

Wala la natad sayan agew ed baley na Nob iray kalaban, tan aayagan day poniti so Palandey na Sion tan say siudad na Jerusalem.

Isaias 11:15

Say Katawan paekatan toy Dayat na Suez tan mangyakar na ampetapetang a mabiskeg a dagem a mamaekat na Ilog na Eufrates; pitoran ankekelag a kolus labat so nakeraan, kanyan nayarin manakar ya ombaliw so siopaman.

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Isaias 13:2

Diad toktok na kinmelang a pokdul, ibitin yoy bandiran para bakal! Kolyaotan yo ray sondalo tan itagey yo ray taklay yon maninyas ed sikara ya ondogpa rad saray puirta na mapaatagey a siudad.

Isaias 14:2

Dakel iray bansan ontulong ed saray totood Israel diad ipawil da ed dalin ya inter ed sikara na Katawan, tan diman saray bansa manlingkur iran aripen na saray Israelita. Saramay anakep ya aminsan ed Israel et nadakep ira natan na Israel, tan saray totood Israel et oleyan da ra may nampapairap ed sikara nen saman.

Isaias 19:16

Onsabiy panaon a magmaliw a singa mabaing a bibii iray Egipsio. Onggiwgiw irad takot no nanengneng dan akaonat a manusad sikara so taklay na Katawan a Makapanyarin-amin.

Isaias 26:1

Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Isaias 33:1

Pangaskasiyan iray kalaban mi! Nantakew tan nanlipot ira, anta anggapoy nantakew odino nanlipot ed sikara. Balet mangangga so panaon na pantakew tan say panlipot da, ta natakewan tan nalipotan ira.

Isaias 33:21

Ipanengneng ed sikatayo na Katawan so kagalangan to. Manayam tayo ed gilig na saray maawang ya ilog tan kolus, ya ag dalanen na bapor da ray kalaban.

Isaias 4:5

Insan diad tagey na Palandey na Sion tan diad tagey na saray totoon nantitipon diman, ibaki na Katawan so lorem no agew, tan say asewek tan say marlang ya apoy no labi. Say kagalangan na Dios sakbungan tan iyagel toy intiron siudad.

Isaias 48:16

“Singger kad siak natan tan dengel moy ibagak. Nanlapu lad gapo anggapoy iyaamut kod panagsalitak tan tinmua ya amin iray salitak.” (Natan say Katawan a Dios initdan to ak na pakayari to tan imbaki to ak.)

Isaias 60:18

Ag la narengel iray tanul na panamairap; Anggapo lay nagawan panagderal ed dalin mo. Magmaliw ak a singa padir a mangyagel ed sika. Idayew mo ak lapud inlaban ta ka.

Isaias 60:19

“Diad satan aliwa lan agew so manliwawad sika no agew Odino say bulan so silew mo no labi; Ta siak a Katawan so magmaliw ya andi-anggaan a silew mo; Onsinag ed sika so silew na kagalangan ko.

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

Jeremias 28:9

Balet say propitan mangipropisiya na kiwalay kareenan et nabirbir labat a propita ya imbakin peteg na Katawan, no ontua ray salita to.”

Jeremias 8:19

Dengel kayo! Diad intiron bansa narerengel koy pambabando na saray totook, “Anggapo lad Sion so Katawan? Andi lad man so ari na Sion?” Inmebat so Katawan ya ari ra, “Akin et impanpasnuk yo ak diad impangigalang yod saray talintaoy diriyos yo tan diad indakmomo yod saray kayaryan yon andi-kakanaan a diriyos na arum a bansa?”

Ezekiel 39:10

Ag la ra manalad kaalogan o mambatang na kiew ed katakelan na itotongon kiew, lapud nawalaan ira na atilak-tilak ya itongon armas. Samsaman da ra so nansamsam ed sikara.” Say Katawan a Dios so nansalita.

Joel 2:27

Kanyan sikayo ran taga Israel, naamtaan yo a wala ak ed sikayo tan siak a Katawan so bukbukor a Dios yo. Ag lan balut napabaingan iray totook.

Habacuc 2:17

Binabatang yoy kakiewan ed takel na Libano; sikayo natan so nabatang. Pinapatey yo ray ayayep to; taktakoten kayo natan na ayayep. Onyay nagawad sikayo lapud saray impanpapatey yod saray totoo tan lapud impanduduksa yod saray totood mundo tan saray siudad to.

Habacuc 2:8

Sinasamsaman yo ray totood amayamay a bansa, balet natan saray akapaliis ed patey et samsaman da kayo, lapud saray impanpapatey yo na totoo tan lapud inkaruksa yod saray totood mundo tan diad saray siudad to.

Sofonias 2:9

Legan a siak so mabilay a Katawan a Dios na Israel, sambaan ko a say Moab tan say Ammon et naderal iran singa say Sodoma tan say Gomorra. Magmaliw iran sakey a pasen ya abut na asin tan andi-anggaan a deral-deral tan atubo-tubuan na saray dika. Saray totook ya akapaliis ed patey et alaen day antokaman a kayamanan da tan kayaryanen day dalin da.”

Sofonias 3:15

Pinatonda na Katawan so dusa yo; pinaandi ton amin iray kalaban yo. Kaolup yo so Katawan ya ari na Israel; anggapo la natan so nepeg yon takotan.

Zacarias 2:11

Diad satan a panaon dakerakel iray bansan onsingger ed Katawan tan magmaliw iran totoo to. Manayam ed kawalaan yo, et nabirbir yo ya imbaki to ak ed sikayo.

Zacarias 2:8

Siopamay mangabil ed sikayo kabilen toy sankablian ed siak.” Kanyan say Katawan a Makapanyarin-amin imbaki to ak a mangikuan ed saray bansan sinasamsaman da ray totoo to,

Zacarias 4:9

Inkuanto, “Inlira nen Zorobabel so pundasion na Timplo, et sumpalen ton ipaalagey. No nagawa ya, naamtaan na saray totook a siak so angibakid sika ed sikara.

Zacarias 6:15

Ondagon ontulong ed pangipaalagey lamet ed Timplo iray totoon manaayam ed arawin dalin. Et no asumpal lan nipaalagey lamet, naamtaan yod satan ya imbaki ak ed sikayo na Katawan a Makapanyarin-amin. Nagawa ra yan amin no sigput yon onuren iray ganggan na Katawan a Dios yo.

Zacarias 9:15

Say Katawan a Makapanyarin-amin et iyagel to ray totoo to, tan deralen da ray kalaban da. Diad bakal oneyag iran singa abuek a totoo, tan paterteren day dala ray kalaban da; onagos so dala a singa say dala na bagat a walad yaung ya inibung ed altar.

Juan 13:19

Ibabagak la yad sikayo natan kasakbayan a nagawa, pian no nagawa la, manisia kayon ‘Siak si Siak’.

Juan 16:4

Ibabagak ira yad sikayo, pian no onsabi lay panaon na panggawa rad saraya, nanunotan yon pinasakbayan ta ki la.” “Ag ko ni imbaga ra yad sikayo nen inmona, lapud kaolup-olup ta kayo ni.