Zacarias 2:1 - Maung A Balita Biblia

¹ Diad sananey a pasingayew anengneng koy sakey a lakin sankabembenan toy panagsukat.

Maung a Balita Biblia

¹ Diad sananey a pasingayew anengneng koy sakey a lakin sankabembenan toy panagsukat.

Zacarias 2:1 Iomraidhean Croise

Isaias 54:16

“Pinalsak so pumapanday a mampaparlang na apoy tan mamipitpit na saray gawaen ya armas. Pinalsak met iray sondalo, a mangikakana na saray armas a pamatey.

Jeremias 31:39

Insan manlapud man ed sagur say ketegan mampaarap ed pokdul na Gareb, insan diad kaliber-liber na Goa.

Jeremias 48:25

Nakal lay biskeg na Moab, aderal lay pakayari to. Siak, say Katawan, so nansalita.”

Ezekiel 40:3

Inyasingger to ak, et anengneng koy sakey a lakin mankidyam a singa gansa. Sankabembenan toy sakey ya abel a panagsukat tan bislak a pangsukat tan manalalagey ed abay na dalan na puirta.

Ezekiel 40:5

Say anengneng ko et say Timplo ya apaliberan na padir. Inala na samay laki imay panagsukat ton bislak a taloran mitro so karokey to, insan to sinukat imay padir. Taloran mitro so kaatagey to tan taloran mitro so kakapal to.

Ezekiel 47:3

Diad panamegley na samay panagsukat to may laki anukat na liman lasus tan apataplo tan siam a mitro a mampaleksab ed bokig tan imbaga tod siak a yakyaken mi may kolus diman. Angga labat ed kalitkalit ko so danum.

Ezekiel 47:4

Anukat ni na liman lasus tan apataplo tan siam a mitro, et sinmabi ya anggad pueg ko so danum. Anukat ni lamet na liman lasus tan apataplo tan siam a mitro, et sinmabi ya anggad balangbang ko so danum.

Daniel 7:7

Legan kon ombabantay, pinmanengneng so kumapat ya ayep; makapanyari, makapataktakot tan mabisbiskeg ya ayep. Nginasngas tod saray ankakabaleg a balatyang a ngipen to iray pinatey to, insan to ra ginatin-gatinan. Nidomad saramay talora ta walay samploran saklur to.

Zacarias 1:16

Kanyan pinmawil ak ed Jerusalem ta kasian koy siudad. Napasimbalon nipaalagey so Timplok tan nipaalagey lamet so siudad.”

Zacarias 1:18

Diad sananey a pasingayew anengneng koy apatiran saklur na baka.

Puyan 11:1

Kasumpal to ya, naitdan ak na sakey a panagsukat a singa bastun, tan nibagad siak: “Alagey ka, tan sukat moy timplo na Dios tan say altar, tan bilang mo ray mangigagalang diman.

Puyan 21:15

Samay anghil a nansalitad siak sankabembenan toy balituk a panagsukat a panukat toy siudad, saray puirta tan say padir to.