Zacarias 13:1 - Maung A Balita Biblia

¹ “No onsabiy tan a panaon,” kuay Katawan a Makapanyarin-amin, “nalokasan so subul a manlinis ed kasalanan tan panangigalang ed talintaoy diriyos iray kabyangay boleg nen David tan saray totood Jerusalem.

Maung a Balita Biblia

¹ No onsabiy tan a panaon, kuay Katawan a Makapanyarin-amin, nalokasan so subul a manlinis ed kasalanan tan panangigalang ed talintaoy diriyos iray kabyangay boleg nen David tan saray totood Jerusalem.

Zacarias 13:1 Iomraidhean Croise

Saray Salmo 51:2

Orasan mo ak pad amin a kaogsan ko tan linisan mo ak pad amin a kasalanan ko!

Saray Salmo 51:7

Ekal mo pay kasalanan ko, et magmaliw ak a malinis; orasan mo ak pa, et magmaliw ak ya ampoti-poti.

Isaias 12:3

Onung a say ambetel a danum et mangiiter na liket ed saray totoon napgaan, ontan met a saray totoo na Dios et manliket ira no ilaban to ra.”

Isaias 4:4

Lapud pakayari na Katawan sintinsiaan tan pasantosen to so bansa tan orasan tod kasalanan so Jerusalem tan ekalen toy dala a naibung diman.

Jeremias 17:13

Katawan, sika so ilalo na Israel; nabaingan ya amin iray mangikaindan ed sika. Naandipat iran singa saray ngaran a nisulat ed dabuk, lapud inkaindan da ka, say Katawan, say sobul na ambetebetel a danum.

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

Jeremias 29:26

‘Say Katawan ginawa to kan pari a sinmalat ed kinen Joiada tan sika natan so manonan opisyal na Timplo. Kanepegan mon pabalur na golunggolung tan pasolungay kuilyon balatyang so beklew na balang sakey a manluko-lukowan a mampropisiya.

Jeremias 33:8

Linisan ko rad kasalanan dad siak; pirdonaen ko ray kasalanan da tan say insumpa rad siak.

Ezekiel 36:17

Inkuanto, “Sika a toon ompatey, nen manaayam ed dalin da iray Israelita, dinotakan da may dalin da lapud maoges a kabibilay tan kagagawa ra. Impasen kon samay kagagawa ra et marotak onung ed ganggan a singa biin naliliberan.

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Ezekiel 36:29

Iyagel ta kayod antokaman a pakadotakan yo. Iganggan ko ray trigo a mamparakel ira, pian ag kayo la nadalan na eras.

Ezekiel 47:1

Samay laki impawil to ak ya inyakar ed lolooban na samay Timplo. Ompapaway ed silong na lolooban so danum tan managagos a mamaarap ed bokig ya akaarapan na Timplo. Managagos imay danum manlapud silong na niabalaten a parti na Timplo tan ondadalan ed niabalaten a dapag na altar.

Levitico 11:36

balet say sobul odino bobun et mansiansian malinis anggaman ya amin a bengatlan nadiwit na inatey a laman et magmaliw a marotak.

Mikias 5:12

Deralen ko ray ikakana yon galing tan oputen kon amin iray managparles yo.

Zacarias 12:3

Balet no onsabiy tan a panaon, pagmaliwen kon singa sakey ya ambelat a bato so Jerusalem—dinan man a bansan salien ton alsaen et nasakitan. Mankakasakey ya ondogpad saman a bato iray amin a bansa ed mundo.

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

1 CORINTO 6:11

Ontan met iray arum ed sikayo nen saman. Balet naorasan ki lad kasalanan yo; apasanto ki lad Dios; nibilang ki lan anggapoy kasalanan ed arap na Dios diad panamegley na ngaran na Katawan tayon Jesu-Cristo tan lapud Ispiritu na Dios tayo.

1 Pedro 1:19

no ag ingen say mablin dala nen Cristo, a singa kordiron anggapoy deral o dotak to.

1 Juan 1:7

Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.

1 Juan 5:6

Si Jesu-Cristo so linma diad mundo, a sikatoy abinyagan ed danum tan angiterter na dala to diad impatey to. Linma dian ag labat abinyagan ed danum, no ag ingen interter to met so dala to. Say dilin Ispiritu so amaneknek a tua ya, ta say Ispiritu et katwaan.