Zacarias 12:8 - Maung A Balita Biblia

⁸ Diad satan a panaon iyagel na Katawan iray manaayam ed Jerusalem, et anggan say sankakapoyan ed sikara magmaliw a mabiskeg a singa samay kinabiskeg nen David. Saray kabyangay boleg nen David et mangipangulo ran singa anghil na Katawan, singa say Dios a dili.

Maung a Balita Biblia

⁸ Diad satan a panaon iyagel na Katawan iray manaayam ed Jerusalem, et anggan say sankakapoyan ed sikara magmaliw a mabiskeg a singa samay kinabiskeg nen David. Saray kabyangay boleg nen David et mangipangulo ran singa anghil na Katawan, singa say Dios a dili.

Zacarias 12:8 Iomraidhean Croise

Saray Salmo 8:5

Anggaman ontan ginawam ya abebbebay kipapasen to nen say sika; kinoronaan mo na galang tan dayew.

Saray Salmo 82:6

Imbagak ed sikayon diriyos kayo, tan anak kayon amin na Sankatageyan a Dios.

Exodo 14:19

Say anghil na Dios a gendat a manaayam ed bandad arap na saray sondalo na Israel et inmalis a nanayam ed bandad beneg da. Samay lusek a lorem et inmalis met

Exodo 33:2

Ibakik a mangiwanwan ed sikayo so sakey ya anghil, tan pagiten ko ray Cananeo, saray Amorreo, saray Heteo, saray Pereseo, saray Heveo, tan saray Jebuseo.

Isaias 30:26

Say bulan magmaliw a maliwawan singa agew, tan say agew magmaliw a mamimpitoy kinaliwawa to, a singa kinaliwaway pitoran agew a nankakasakey. Nagawa ra yan amin no berberen tan paabigen na Katawan iray sinusugat tod saray totoo to.

Isaias 31:4

Inkuan na Katawan ed siak, “Anggan panon so paningal tan paneyag na saray pastol, ag da napatakot so lion pian arawian toy pinatey ton ayep; ontan met, anggapoy makabanod siak ed pangyagel kod Palandey na Sion, siak a Katawan a Makapanyarin-amin.

Isaias 33:24

Anggapoy too a manayam ed dalin tayo a manriklamod sakit; napirdona ya amin so kasalanan.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Jeremias 27:10

Papalikdoen da kayo tan sikaray makasengeg na kibantak yod pasen ya arawid bansa yo. Pataynanen ta kayo tan naderal kayo.

Oseas 1:7

Balet aroen ko ray totood Juda. Siak a Katawan a Dios da, iyagel ko ra, aliwan diad panamegley na ispada odino pana, odino kabayo tan kumakabayo.”

Oseas 12:3

Akipoligesgesan si laki ran Jacob ed kinen Esau a kalasun to nen wala ni rad eges na ina ra; nen binmaleg lay Jacob, akibalsakan ed Dios—

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Joel 3:10

Pitpit yon gawaen ya ispada iray tarem na lukoy yo tan gawa yon pika iray panaggapas yo. Nepeg a milaban iray anggan makapoy so laman da.

Levitico 26:8

say limarad sikayo taloen day sanlasus tan say sanlasus taloen day samplon libo.

Mikias 5:8

Saray atilak ed saray bansa et magmaliw iran singa lion a manaanap ed takel odino diad pastolan na kanen to; onlad kawalaan da ray karniro, tekmelan to ra, tan bingbingkasen to ra—et anggapoy makapangyagel.

Mikias 7:16

Nanengneng ya na saray bansa, et nalemay ira anggaman a mabisbiskeg ira. Diad kalemay da ikopit day sangi ra tan pepetan da ray layag da.

Mikias 7:8

Anggapoy makasengeg na panelekelek ed sikami na saray kalaban mi. Atumba kami, balet ombangon kami lamlamang. Wala kamid kabilongetan natan, balet itdan kami na Katawan na liwawa.

Zacarias 10:7

Magmaliw a mabiskeg a singa saray sondalo iray totood Israel, magmaliw iran maliket a singa totoon maniinom na alak. Nanunotan na saray kabyangay boleg da yan pananalo tan manliket ira lapud saray ginawa na Katawan.

Zacarias 2:5

Insipan na Katawan a sikaton dili so magmaliw a padir na apoy ed liber-liber na siudad a mangyagel tan manayam diman a napnoy kagalangan.”

Zacarias 9:14

Say Katawan ompanengneng ed tagey da ray totoo to; ibolus ton singa kirmat iray pana to. Say Katawan a Dios paknulen toy trumpita; manlapud abalaten manakar ed saray bagyo.

Zacarias 9:8

Guardiaan koy dalin ko tan ag ko padalanen ed dalin ko iray sondalo. Ag ko la abuloyan a pairapen na saray maruksan totoo iray totook. Anengneng ko so ontan lan impanirap na saray totook.”

Malakias 3:1

Say Katawan a Makapanyarin-amin onebat, “Paonlaen koy ibabakik a mangiparaan na dalanen ko. Insan say Katawan ya anapen yo et biglan onsabi ed Timplo to. Onsabi so ibabaki a pampilpilalekan yon nanengneng tan ibawag toy sipanan ko.”

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Saray Taga Roma 9:5

Diad saray bantug a lalaki da ray Hebreo so sengeg na boleg da, et diad boleg da so nanlapwan nen Cristo sanen nagmaliw a too. Sikato a Dios a Sankatageyan et nagalang komun ed ando lan ando! Amen.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

Saray Hebreo 11:34

ineerep day manliub ya apoy, tan nililiktaran day ipapatey ed ispada. Kinmakapoy ira, balet nagmamaliw iran mabiskeg; makapanyari rad bakal tan tinatalo da ray sondalo na saray arum a bansa.

Josue 23:10

Anggan siopad sikayo nayarian ton pabatiken so sanlibon lalaki, ta mibabakal a para sikayo so Katawan a Dios yo, onung na insipan tod sikayo.

Puyan 22:13

Siak so Alpha tan say Omega, say sankaonaan tan say sanka-samputan, say gapo tan say samput.”

Puyan 22:16

“Siak, a si Jesus, so angibakiy anghil ko a mangibawag na sarayan bengatla ed saray iglisia. Siak so nanlapu ed boleg nen David. Siak so maliwliwawan bitewen ed kabwasan.”