Zacarias 12:6 - Maung A Balita Biblia

⁶ “Diad satan a panaon pagmaliwen ko ray boleg na Juda a singa ra pool ed sakey a takel odino diad sakey ya alog ya aaniyen la ray bungay tanaman to—deralen da ray amin a bansa ed kaliber-liber. Mansiansian arawid kaatapan ed dalem na siudad iray totood Jerusalem.

Maung a Balita Biblia

⁶ Diad satan a panaon pagmaliwen ko ray boleg na Juda a singa ra pool ed sakey a takel odino diad sakey ya alog ya aaniyen la ray bungay tanaman toderalen da ray amin a bansa ed kaliber-liber. Mansiansian arawid kaatapan ed dalem na siudad iray totood Jerusalem.

Zacarias 12:6 Iomraidhean Croise

Isaias 54:3

Paawangen moy ketegan mo ed amin a dapag; nabawi na saray totoo so dalin a panaayaman natan na saray arum a bansa. Napano na saray totoo iray siudad ya ataynan ira natan.

Isaias 9:20

Diad intiron bansa saray totoo alaen tan kanen day antokaman a naakan da, balet ag iran balut napesel. Kanen day anggan saray dilin anak da!

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.

Obadias 1:18

Saray totoon kabyangay boleg nen Jacob tan Jose et magmaliw iran singa apoy; deralen da ray totoon kabyangay boleg nen Esau a singa pamool na apoy ed dayami. Anggapoy makaliktar a kabyangay boleg nen Esau. Siak, say Katawan, so nansalita.

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”

Zacarias 1:16

Kanyan pinmawil ak ed Jerusalem ta kasian koy siudad. Napasimbalon nipaalagey so Timplok tan nipaalagey lamet so siudad.”

Zacarias 11:1

Lokasan mo ray kaput mo, Libano, pian napoolan na apoy iray kiew mon sidro!

Zacarias 12:5

Insan saray kabyangan na saray boleg na Juda ikuandad sikaran dili, ‘Pinabiskeg na Katawan a Dios a Makapanyarin-amin iray totoo to a manaayam ed Jerusalem.’

Zacarias 2:12

Maminsan ni lamet say Juda et magmaliw a nidoma-doman kayaryan na Katawan diad dalin ton masanto, tan say Jerusalem, et magmaliw a sankainaroan tod saray kayaryan to.

Zacarias 2:4

Kuantod samay inmabet, “Batik ka, ta ibagam ed samay lakin tobun-balo a sankaawit toy panagsukat, a nawalaan na amayamay a totoo tan baka so Jerusalem, kanyan diad gaway kaawang to ag nayarin paliberay padir.

Zacarias 9:15

Say Katawan a Makapanyarin-amin et iyagel to ray totoo to, tan deralen da ray kalaban da. Diad bakal oneyag iran singa abuek a totoo, tan paterteren day dala ray kalaban da; onagos so dala a singa say dala na bagat a walad yaung ya inibung ed altar.

2 CORINTO 6:7

diad panangipulong miy katwaan, tan diad pakayariy Dios. Say katonungan so armas mid pananigbat tan pananamper.

Puyan 20:9

Kinmakayat irad intiron mundo tan nililiktub day kampo na saray totooy Dios tan say inararo ton siudad. Balet pinmelag so apoy a nanlapud tawen tan inoput to ra.