Zacarias 12:3 - Maung A Balita Biblia

³ Balet no onsabiy tan a panaon, pagmaliwen kon singa sakey ya ambelat a bato so Jerusalem—dinan man a bansan salien ton alsaen et nasakitan. Mankakasakey ya ondogpad saman a bato iray amin a bansa ed mundo.

Maung a Balita Biblia

³ Balet no onsabiy tan a panaon, pagmaliwen kon singa sakey ya ambelat a bato so Jerusalemdinan man a bansan salien ton alsaen et nasakitan. Mankakasakey ya ondogpad saman a bato iray amin a bansa ed mundo.

Zacarias 12:3 Iomraidhean Croise

Isaias 60:12

Balet sigput a naderal iray bansa Ya ag manlilingkur ed sika.

Obadias 1:18

Saray totoon kabyangay boleg nen Jacob tan Jose et magmaliw iran singa apoy; deralen da ray totoon kabyangay boleg nen Esau a singa pamool na apoy ed dayami. Anggapoy makaliktar a kabyangay boleg nen Esau. Siak, say Katawan, so nansalita.

Mikias 5:15

Lapud mapalalon pasnuk ko ombawi ak ed amin da ray bansa ya ag inmonur ed siak.”

Mikias 5:8

Saray atilak ed saray bansa et magmaliw iran singa lion a manaanap ed takel odino diad pastolan na kanen to; onlad kawalaan da ray karniro, tekmelan to ra, tan bingbingkasen to ra—et anggapoy makapangyagel.

Habacuc 2:17

Binabatang yoy kakiewan ed takel na Libano; sikayo natan so nabatang. Pinapatey yo ray ayayep to; taktakoten kayo natan na ayayep. Onyay nagawad sikayo lapud saray impanpapatey yod saray totoo tan lapud impanduduksa yod saray totood mundo tan saray siudad to.

Sofonias 3:19

Onsasabi lay panaon! Dusaen ko ray mamapairap ed sikayo; Iyagel kon amin iray piley tan isempet ko ray nibantak ed arum a bansa. Pagmaliwen kon kagalangan so impakabaingan da, tan dayewen ira na intiron mundo.

Aggeo 2:22

taloen ko ray bansa tan panganggaen koy pakayari ra. Ipabalintuag ko ray karwahi ra tan saray kutsiro ra; ompatey iray kabayo tan mampapateyan iray kumakabayo.

Zacarias 12:11

Diad satan a panaon say panermen ed Jerusalem et singa kabaleg na panermen ed Hadad-rimon diad patar na Megido.

Zacarias 12:4

Diad satan a panaon taktakoten kon amin iray kabayo ra tan ambagelen ko ray amin a kumakabayo ra. Bantayan ko ray totoo ed Juda, balet bulagen ko ray kabayo na saray kalaban da.

Zacarias 12:6

“Diad satan a panaon pagmaliwen ko ray boleg na Juda a singa ra pool ed sakey a takel odino diad sakey ya alog ya aaniyen la ray bungay tanaman to—deralen da ray amin a bansa ed kaliber-liber. Mansiansian arawid kaatapan ed dalem na siudad iray totood Jerusalem.

Zacarias 13:1

“No onsabiy tan a panaon,” kuay Katawan a Makapanyarin-amin, “nalokasan so subul a manlinis ed kasalanan tan panangigalang ed talintaoy diriyos iray kabyangay boleg nen David tan saray totood Jerusalem.

Zacarias 14:13

Diad satan a panaon gewgewen ira na Katawan tan patakoten to ra na mapalalo, kanyan singkaten na balang sakey a too so kaabay to tan kabilen to.

Zacarias 14:6

No onsabiy tan ya agew, anggapo lay onsabin ambetebetel a panaon ya onkigtel so danum,

Lucas 20:18

Siopamay napelag ed sayan bato, nabuybuyak. Tan siopamay napataan to yan bato, magmaliw a singa dabuk ed katemek to.”

Puyan 16:14

Sikara yay ispiritu na dimonyon manggagaway milagro. Lalaen da a tiponen iray arari ed intiron mundo, ta milaban ira no onsabiy baleg ya agew na Dios a Makapanyarin-amin.