Zacarias 12:2 - Maung A Balita Biblia

² “Pagmaliwen kon singa kupa na alak so Jerusalem; oninom iray bansan walad kaliber-liber to et mandongilngil iran singa abuek. Et no lakoben day Jerusalem, lakoben da met iray arum a siudad na Juda.

Maung a Balita Biblia

² Pagmaliwen kon singa kupa na alak so Jerusalem; oninom iray bansan walad kaliber-liber to et mandongilngil iran singa abuek. Et no lakoben day Jerusalem, lakoben da met iray arum a siudad na Juda.

Zacarias 12:2 Iomraidhean Croise

Saray Salmo 75:8

Bembembenay Katawan so kupa, a napnoy mabayanin alak na pasnuk to. Ibabales to tan iinomen na amin a totoon maoges; ooputen da ya anggad kaonuran a terter.

Isaias 51:17

Jerusalem, liing ka! Molagat ka tan bangon ka! Inminom kad kupa na dusa a diad pasnuk na Katawan et inter tod sikan inomen mo; ininom mo, et nampadongilngil ed sika.

Jeremias 25:15

Say Katawan a Dios na Israel inkuantod siak, “Nia so kupa na alak a napnoy pasnuk ko. Alam ta ipainom mod saray bansan pangibakian kod sika.

Jeremias 25:17

Kanyan inalak ed lima na Katawan imay kupa, insan ko impainom ed saray bansan angibakian tod siak.

Jeremias 49:12

“No saramay ag da kanepegay nadusa et kinaukolan iran oninom ed kupa na dusa, sikayo niy ag nadusa? Andi-saew a nadusa kayo; nepeg ya oninom kayo ed kupa!

Jeremias 51:57

Bueken ko ray manoley to— saray makabat ton totoo, saray pangulo to, tan saray sondalo to. Onogip ira tan ag ira lan balut ombangon. Siak, say ari, so nansalita; siak so Katawan a Makapanyarin-amin.

Jeremias 51:7

Nen saman, say Babilonia et singa balituk a kupa a walad limak, tan buebueken koy intiron mundo. Ininom na saray bansa so alak to, kanyan nakalan iray kalakal.

Jeremias 8:14

“Akin et wadya itayon manyodyorung ya ag onggalaw?” tepet na saray totooy Dios. “Onla itayo la, ta ombatik itayod saray siudad a pinaliberay padir, tan diman ti la ompatey. Say Katawan a Dios tayo sinintinsiaan to itayon ompatey; initdan to tayo na samal ya inomen, lapud nankasalanan itayod sikato.

Habacuc 2:16

Nakawesan kayo kumun na kagalangan, ingen napelag kayod kababaingan. Maninom kayo tan mandongildongil kayo. Ipainom na Katawan ed sikayo so kupay dusa tan magmaliw a kababaingan so kagalangan yo.

Zacarias 14:14

Saray totoo ed Juda et mibakal ira a mangyagel ed Jerusalem. Samsamen da ray kayamanan na amin a bansa—saray balituk, saray pilak, tan mapalaloy karakel a kawes.

Zacarias 14:2

Pankakasakeyen na Katawan iray bansa a mibakal ed Jerusalem. Nadakep so siudad, nasamsaman iray kaabungan, tan napasoot iray bibii. Nibantak ed arum a bansa iray kapalduan totoo, balet ag nipaway ed siudad iray arum a totoo.

Puyan 14:10

inomen toy alak, say alak na pasnuk na Dios ya imbales ton anggapoy lauk ed kupay sanuk to! Napairap ed apoy tan asupri diad arap na Kordiro tan saray masanton anghil.

Puyan 16:19

Nankatlon apisag so makapanyarin siudad, tan nagnagba ray amin a siudad ed intiron mundo. Ag akaliktar ed dusay Dios so makapanyarin Babilonia. Anunotan na Dios so Babilonia, tan pinainom to na alak, say alak na ontan lan pasnuk to.

Puyan 18:6

Gawa yo met ed sikatoy ginawa tod sikayo; bales yo na mamidwad karakel so ginagawa to. Pano yoy kupa to na iinomen a mamidway kinabiskeg to ed samay impainom tod sikayo.