Zacarias 10:7 - Maung A Balita Biblia

⁷ Magmaliw a mabiskeg a singa saray sondalo iray totood Israel, magmaliw iran maliket a singa totoon maniinom na alak. Nanunotan na saray kabyangay boleg da yan pananalo tan manliket ira lapud saray ginawa na Katawan.

Maung a Balita Biblia

⁷ Magmaliw a mabiskeg a singa saray sondalo iray totood Israel, magmaliw iran maliket a singa totoon maniinom na alak. Nanunotan na saray kabyangay boleg da yan pananalo tan manliket ira lapud saray ginawa na Katawan.

Zacarias 10:7 Iomraidhean Croise

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Genesis 43:34

Nanlapud lamisaan nen Jose so niparongod sikara; si Benjamin maminliman karakel so niiter ed sikato nen saramay arum. Angan tan inminom ira a kaiba ray Jose, tan ontan lay likeliket da.

Saray Salmo 102:28

Mambilay ya arawid kaatapan iray anak mi, tan diad silong na panangyagel mo mambilay ya ag nasigensigen iray kabyangay boleg da.

Saray Salmo 104:15

tan makapanggawa ray alak a pakaliketan da, larak na oliba a pakagayagaan da, tan tinapay a pakabiskegan da.

Saray Salmo 13:5

Balet manmamatalek ak ed ag mangoman a panangarom; manliket ak, ta ilaban mo ak.

Saray Salmo 28:7

Say Katawan so biskeg tan manangyagel ko, imamatalek kod sikato so bilay ko. Tutulongan to ak tan pagagayagaen to ak; idayew ko diad panamegley na saray maliket a kanta.

Saray Salmo 33:21

Maliket itayo lapud sikato, manmamatalek itayod masanton ngaran to.

Saray Salmo 90:16

Ipanengneng mo pad sikamin aripen mo, iray makapanyarin gawgawam; iyabuloy mo komun a nanengneng da ray kabyangay boleg mo so mapagalang a pakayarim.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Isaias 38:19

Saray mabilay so mangidadayew ed sika, A singa pangidadayew kod sika natan. Ibaga na saray kaamaan ed saray anak da so ontan lan inkatoor mo.

Isaias 54:13

“Siak a dili so mambangat ed saray totoom tan mangiter ed sikara na ontan lan aligwas na bilay.

Isaias 66:14

Manggayaga kayo naani no nanengneng yo yan nagawa; pabiskegen to kayo tan paabigen toy laman yo. Naamtaan yod satan a siak, say Katawan, tutulongan ko ray mangoonur ed siak, tan idapok so pasnuk kod saray kalaban ko.”

Jeremias 32:39

Itdan ko ray saksakey a getmad bilay: say pamagalang da lawas ed siak a pankaabigan da tan saray kabyangay boleg da.

Ezekiel 37:25

Manayam irad dalin ya inter kod aripen kon Jacob, diad dalin a nanayaman na saray lalaki ra. Manayam irad man ya anggad angga, pati saray anak da tan amin a kabyangay boleg da. Anggad anggan manoley ed sikara so sakey ya arin singa si aripen kon David.

Joel 2:23

“Manliket kayo, sikayon totood Sion, manliket kayod saray ginagawad sikayo na Katawan a Dios yo. Initdan to kayo na nagnap ya oran ed tiagew, impelag toy oran a para sikayo no panaoy ambetel tan pinaoran ton singa gendat no nepnep.

Habacuc 3:18

manliket tan manggayaga ak nin siansia, lapud say Katawan a Dios so manangilaban ko.

Sofonias 3:14

Mankanta tan eyag kayod liket, sikayon totood Israel! Manggaya kayod intiron puso yo, sikayon totood Jerusalem!

Zacarias 12:8

Diad satan a panaon iyagel na Katawan iray manaayam ed Jerusalem, et anggan say sankakapoyan ed sikara magmaliw a mabiskeg a singa samay kinabiskeg nen David. Saray kabyangay boleg nen David et mangipangulo ran singa anghil na Katawan, singa say Dios a dili.

Zacarias 9:15

Say Katawan a Makapanyarin-amin et iyagel to ray totoo to, tan deralen da ray kalaban da. Diad bakal oneyag iran singa abuek a totoo, tan paterteren day dala ray kalaban da; onagos so dala a singa say dala na bagat a walad yaung ya inibung ed altar.

Zacarias 9:17

Agay lay abig tan dakep so pagmaliwan na dalin! Pabiskegen na trigo tan alak ya iter to iray tobun-balo.

Lucas 1:47

tan manliket so ispirituk lapud Dios a Manangilaban ko,

Juan 16:22

Ontan kayo met: maermen kayo natan, balet nanengneng ta kayo lamet, et napanoy liket so puso yo, liket ya anggapon balut so toon makaekal.

Saray Gawgawa 13:33

sinumpal tod sikatayon anak da, nen pinaoli tod bilay si Jesus. Onung na ibabagay kumadwan Salmo: ‘Sikay Anak ko; manlapud sayan agew, siak so Amam.’

Saray Gawgawa 2:26

Lapud saya, nanggayagay pusok tan nanlikeliket so dilak; tan anggan too ak labat ya ompatey, mabiskeg so panilalok,

Saray Gawgawa 2:39

Ta insipay Dios yad sikayo tan saray anak yo, tan diad saray amin a walad arawi—amin a tatawagen na Dios a Katawan tayo.”

FILIPOS 4:4

Manliket kayo lawas ed Katawan. Oliten ko: manliket kayo!

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

1 Samuel 2:1

Nampikasi si Ana: “Say Katawan pinano toy liket so pusok; agaylay liket ko lapud ginawa to. Elekan ko ray onlalaban ed siak; agaylay gayagak ta tinulongan ak na Dios.