Zacarias 10:5 - Maung A Balita Biblia

⁵ Saray totood Juda et manalo ran singa saray sondalo a gatin-gatinan dad pitek na daladalan iray kalaban da. Mibakal ira lapud kaiba ra so Katawan, tan taloen da ray anggan kumakabayon kalaban da.

Maung a Balita Biblia

⁵ Saray totood Juda et manalo ran singa saray sondalo a gatingatinan dad pitek na daladalan iray kalaban da. Mibakal ira lapud kaiba ra so Katawan, tan taloen da ray anggan kumakabayon kalaban da.

Zacarias 10:5 Iomraidhean Croise

2 Samuel 22:43

Memekmeken ko ra, et magmamaliw iran singa dabuk. Gagatinan ko ran singa pitek ed saray dalan.

2 Samuel 22:8

Insan ginmiwgiw tan yinmegyeg so dalin; ginmalaw tan ayegyeg iray pundasion na katawenan, ta amasnuk so Dios!

2 Saray Arari 9:33

insan inkuanen Jehu ed sikara, “Ibontuk yo dia tan a bii!” Imbontuk da, et atalaksikan na dala so padir tan saray kabayo. Impadalan nen Jehu ed laman to ray kabayo tan say karwahi to.

Saray Salmo 18:42

Mekmekmeken ko ra, et magmaliw iran singa dabuk ya ititikyab na dagem. Gagatinan ko ran singa pitek ed saray dalan.

Saray Salmo 20:7

Saray arum a totoo manmamatalek irad karwahi ra, tan saray arum diad saray kabayo ra, balet manmamatalek itayod pakayari na Katawan a Dios tayo!

Saray Salmo 33:16

Ag manatalo so sakey ya ari lapud saray makapanyarin sondalo to; ag manatalo so sakey a sondalo lapud dilin biskeg to.

Saray Salmo 44:5

tan lapud pakayarim tataloen mi ray kalaban mi.

Saray Salmo 45:3

Isalokbit mo lay ispadam, arin makapanyari; mapagalang tan matalonggaring ka.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 25:10

Iyagel na Katawan so Palandey na Sion, balet nigatin iray totoo ed Moab a singa kigatin na dayami ed tai na ayep.

Isaias 31:1

Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

Isaias 41:12

tan naandipat irad tapew na dalin.

Isaias 41:25

“Nampili ak na toon manaayam ed bokig, manlapud baybay awiten kon ondogpa. Gagatin-gatinan to ray manoley ya aliling day pitek, sikatoy singa managgaway banga a manggatin-gatin ed pitek.

Isaias 8:9

Mantitipon kayon sitatakot, sikayo ran bansa! Dengel kayo, sikayo ran ararawin parti na mundo. Mamparaan kayon mibakal, balet takot kayo! On, mamparaan kayo, balet takot kayo!

Ezekiel 38:15

ondago manlapud arawin pasen mo diad baybay, ta ipangulom iray amayamay a makapanyarin sondalon taga amayamay a bansa ya akakabayo ran amin.

Amos 2:15

Ag makatalindeg ed kawalaan da iray pumapana, ag makaarawi iray mabatik, tan ag nilaban na saray akakabayo so bilay da.

Mikias 5:8

Saray atilak ed saray bansa et magmaliw iran singa lion a manaanap ed takel odino diad pastolan na kanen to; onlad kawalaan da ray karniro, tekmelan to ra, tan bingbingkasen to ra—et anggapoy makapangyagel.

Mikias 7:10

Diad satan saray kalaban mi nanengneng da yan nagawad sikami et napelag irad satan ed kakabaingan, saray kalaban min angikuan ed sikami, “Iner so kawalaan na Katawan a Dios yo?” Nanengneng mi ran natalo, a nagatingatinan ira a singa pitek ed saray dalan.

Aggeo 2:22

taloen ko ray bansa tan panganggaen koy pakayari ra. Ipabalintuag ko ray karwahi ra tan saray kutsiro ra; ompatey iray kabayo tan mampapateyan iray kumakabayo.

Zacarias 12:4

Diad satan a panaon taktakoten kon amin iray kabayo ra tan ambagelen ko ray amin a kumakabayo ra. Bantayan ko ray totoo ed Juda, balet bulagen ko ray kabayo na saray kalaban da.

Zacarias 12:8

Diad satan a panaon iyagel na Katawan iray manaayam ed Jerusalem, et anggan say sankakapoyan ed sikara magmaliw a mabiskeg a singa samay kinabiskeg nen David. Saray kabyangay boleg nen David et mangipangulo ran singa anghil na Katawan, singa say Dios a dili.

Zacarias 14:13

Diad satan a panaon gewgewen ira na Katawan tan patakoten to ra na mapalalo, kanyan singkaten na balang sakey a too so kaabay to tan kabilen to.

Zacarias 14:3

Insan ompaway so Katawan a mibakal ed saraman a bansa, a singa impibakal to nen saman a panaon.

Zacarias 9:13

Ikanak so Juda a singa bekang a panay sondalo tan say Israel a singa pana. Ikanak a singa ispada iray totoo ed Sion, diad pibakal ed saray totood Grecia.”

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Mateo 4:3

Nitan met lay mananukso tan inkuanto, “No sikan talagay Anak na Dios, iganggan mod sarayan bato a magmaliw iran tinapay.”

Lucas 24:19

“Anto ra tan?” tepet to. Inmebat ira, “Saray agawan nipaakar ed kinen Jesus a taga Nazaret, sakey a propitan makapanyari ed salita tan gawa diad matay Dios tan diad amin a katoowan.

Saray Gawgawa 18:24

Sinmabid Efeso so sakey a Judion manngaray Apolos, a nianak ed Alejandria. Maung a manalita yan too tan amayamay so amta tod Masanton Sulat.

Saray Gawgawa 7:22

Imbangat day Moises ed amin a kakabatan da ray Egipsio, tan nagmaliw a matalonggaring ed salita tan gawa.

2 CORINTO 10:4

Saray ikakana min armas et aliwan minumundon armas, no ag ingen saray mabiskeg ya armas na Dios a paneral mid saray mabiskeg a tirinsira. Dederalen miy tila-tilan katonungan;

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

2 Timoteo 4:17

Balet inibaan tan pinabiskeg ak na Katawan, kanyan ayarian kon impulong a sigput so salita, pian narengel na saray amin a Hintil; tan nilaban ak ed sangiy lion.

2 Timoteo 4:7

Ginawak so anggaay nayarian kon akilumba tan binatik koy nepeg kon batiken. Nansiansia ak a matoor ed pananisia.

Josue 10:14

Anggapon balut nen saman ya anggad natan, so singa sayan agew a tinoluk na Katawan so sakey a too. Tinulongan na Katawan ya akibakal so Israel!

Josue 10:42

Tinalo nen Josue ira yan amin ya arari tan saray nanarian da diad aminpinsan ya inliber ton nandodogpa, lapud kaiba na Israel ya akibakal so Katawan a Dios to.

Puyan 19:17

Insan anengneng ko met so anghil ya akaalagey ed agew. Iningal toy makmaksil ed saray manok ya ontitikyab ed liwang: “Gali dia, mantitipon kayo para baleg a ponsiay Dios!

1 Samuel 16:18

Inkuan na sakey ed saray managlingkur to, “Si Jesse a taga Betlehem et walay anak ton laki a maung a manogtog. Masebeg met tan guapon laki, maung a sondalo, tan maung a manalita. Walad sikato so Katawan.”