Zacarias 10:3 - Maung A Balita Biblia

³ Say Katawan kuanto, “Mamapasnuk ak ed saraman a sangkailin manooley ed saray totook; dusaen ko ra. Kayaryan ko ray totood Juda, tan asikasoen ko ra, siak a Katawan a Makapanyarin-amin. Magmaliw iran makapanyarin kabayok a para bakal.

Maung a Balita Biblia

³ Say Katawan kuanto, Mamapasnuk ak ed saraman a sangkailin manooley ed saray totook; dusaen ko ra. Kayaryan ko ray totood Juda, tan asikasoen ko ra, siak a Katawan a Makapanyan-amin. Magmaliw iran makapanyarin kabayok a para bakal.

Zacarias 10:3 Iomraidhean Croise

Say Libro nen Job 39:25

Omponges ira kapag napaknul so trumpita; nasisingob day bakal anggan arawi ni ra, tan narerengel da ray ganggan na saray sondalon opisyal.

Exodo 4:31

Anisia ra, et nen nadngel dan dinalaw iray Katawan tan anengneng toy ontan lan kakairapan da, tinmuek ira tan angigalang irad Katawan.

Probirbio 21:31

Nayarian mon iparaan ed bakal iray kabayo, balet say Katawan so mangiiter na pananalo.

Kanta nen Solomon 1:9

O inarok, pagagalien mo ray lalaki o singa pamapagali na saray kabatyan ed kalakyan ya isisintad saray karwahi na Faraon.

Isaias 10:12

Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

Isaias 24:21

Onsabiy panaon a say Katawan et dusaen to ray pakayari ed tagey tan saray manoley ed tapew na dalin.

Jeremias 10:21

Inmebat ak, “Anggapoy kalakal iray pangulo mi; ag ira papaiwanwan ed Katawan. Sikato yay makasengeg no akin et aliwa ran maaligwas, tan nikaykayat iray totoo tayo.

Jeremias 11:22

Kanyan inkuan na Katawan a Makapanyarin-amin, “Dusaen ko ra! Napatey ed bakal iray lalakin tobun-balo ra; ompatey ed eras iray anak da.

Jeremias 25:12

Kayari tod satan dusaen koy Babilonia tan say ari to lapud saray kaogsan da. Deralen ko man a bansa tan paolyan kon aderal-deral ya anggad angga.

Jeremias 25:34

Akis kayo, sikayo ran pangulo, sikayo ran pumapastol na saray totook, akis kayoy maksil! Manermen kayo tan mantolin kayod dabuk. Sinmabi lay panaon a sikayoy pateyen, tan napatas kayon singa karniron kalakyan.

Jeremias 50:6

“Singa abalang a karniro iray totook; saray pumapastol da pinaolyan da ran abalang ed kapalandeyan. Nanakar-akar irad nandoroman palandey, kanyan alingwanan da la no iner so kawalaay abung da.

Ezekiel 34:11

“Siak a Katawan a Dios ibagak ed sikayo a siak a dili so mananap ed saray karnirok tan asikasoen ko ra

Ezekiel 34:12

a singa pangasikaso na pumapastol ed saray karniro to ran nikaykayat balet atiptipon ira lamet. Isempet ko ra a manlapud saray pasen a nikaykayatan da diad samay agew ya ambilonget tan maatap.

Ezekiel 34:2

Inkuanto, “Sika a toon ompatey, mansalita ka na sumpa ed saray manoley ed Israel. Mampropisiya kad sikara tan ibagam ed sikara so ibabagak, siak a Katawan a Dios: Asintinsiaan kayo lan nadusa, sikayon pumapastol ed Israel! Aasikasoen yoy sikayon dili, balet ag yon balut ipapastol iray karniro.

Daniel 11:32

Diad panamegley na panamalikdo natanggoyur na ari a tulongan na saray angikaindan la ed rilihion da, balet onlaban ed sikato iray ontotoluk ed Dios.

Sofonias 1:8

Kuay Katawan, “Diad satan ya agew a pambagat, dusaen ko ray opisyal, saray lalakin anak na ari, tan amin da ray mangaalig na ogali na saray arum a bansa.

Sofonias 2:7

Say dalin yo panayaman na saray taga Juda ya akapaliis ed patey. Ipastol da rad may karniro ra tan manogip irad saray kaabungan ed Ascalon. Asikasoen ira na Katawan a Dios da tan paaligwasen to ra lamet.

Zacarias 11:17

Pakaskasiy kipapasen na satan ya andi-kakanaan a pumapastol! Inkaindan to ray karniro to. Sigput a deralen na bakal so pakayari to. Naparalisis so taklay to, tan nabulag so kawanan a mata to.”

Lucas 1:68

“Nagalang komuy Katawan a Dios na Israel! Ta nila ton tinulongan tan inyagel so bansa to.

1 Pedro 2:12

Nepeg a mambilay kayon masimpit ed pegley da ray aliwan mananisia. Anggaman a palsaan da kayon manggagaway kaogsan natan, nabirbir da met lamlamang so maung iran gawgawa yo tan diad ontan, igalang day Dios no Agew na isabi to.

Ruth 1:6

Ag abayag, nadngelan nen Noemi a binindisionan na Katawan iray totoo ton Israelita, ta initdan to ray amayamay a napambilay. Kanyan namparaan a taynan toy Moab, a kaiba to ray manugang to.