Zacarias 10:12 - Maung A Balita Biblia

¹² Pabiskegen ko ray totook; igalang tan onuren da ak.” Say Katawan so nansalita.

Maung a Balita Biblia

¹² Pabiskegen ko ray totook; igalang tan onuren da ak. Say Katawan so nansalita.

Zacarias 10:12 Iomraidhean Croise

Genesis 24:40

Inmebat, ‘Say Katawan a lawas totoluken ko et mangibakiy anghil to a kaibam tan mangiter ed sikay maung a pansumpalan. Niyalaan moy anak ko na asawaen to diad saray dilin totook, diad pamilya na amak.

Genesis 5:24

Nambilay a kaiba toy Dios, insan naandipat, ta inalay Dios.

Isaias 2:5

Sikayo ran kabyangay boleg nen Jacob, mankurang itayod liwawan iiter ed sikatayo na Katawan!

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 45:24

“Ibaga ra a diad siak labat so pakalmoan na pananalo tan biskeg; balet amin da ray mamobosul ed siak et napelag irad kababaingan.

Ezekiel 30:24

Insan ko pabiskegen iray taklay na ari na Babilonia tan ipabemben kod sikato so ispadak. Balet poteren ko ray taklay na ari na Egipto, et manayay tan ompatey ed arap da ray kalaban to.

Mikias 4:5

Mangigagalang tan manlilingkur ed dilin dios to so balang bansa, balet mangigalang tan manlingkur itayod Katawan a Dios tayo diad ando lan ando.

Zacarias 10:6

“Pabiskegen ko ray totood Juda; iyagel ko ray totood Israel. Ipawil ko rad dalin lapud inarok ira. Magmawil iran singa ra ag ko impolisay. Siak so Katawan a Dios; ebatan ko ray pikakasi ra.

Zacarias 12:5

Insan saray kabyangan na saray boleg na Juda ikuandad sikaran dili, ‘Pinabiskeg na Katawan a Dios a Makapanyarin-amin iray totoo to a manaayam ed Jerusalem.’

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

COLOSAS 2:6

Bangta inawat yo lan Katawan si Cristo Jesus, mambilay kin sikakasakey ed sikato.

COLOSAS 3:17

Antokaman sirin a gawaen o salitaen yo, gawa yo ran amin diad ngaran na Katawan a Jesus, tan diad panamegley to, misalamat kayod Dios Ama.

1 TESALONICA 2:12

Pinapabiskeg miy linawa yo, nililigliwa mi kayo, tan sinisimbawa mi kayon mambilay a matoor tan makapaliket ed arap na Dios ya anawag ed sikayo, pian makapinabang kayod Panarian tan kagalangan to.

1 TESALONICA 4:1

Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.

2 Timoteo 2:1

Sika, anak kon Timoteo, mampabiskeg kad panamegley na panangasin agamuran tayo diad pikakasakey ed Cristo Jesus.