Tito 3:14 - Maung A Balita Biblia

¹⁴ Ibangat mo ray kakaiba tayo ya ikana ray panaon da ed panggaway maabig tan pangiter day talagan nakaukolan. Ag da komun dadarakey bilay da.

Maung a Balita Biblia

¹⁴ Ibangat mo ray kakaiba tayo ya ikana ray panaon da ed panggaway maabig tan pangiter day talagan nakaukolan. Ag da komun dadarakey bilay da.

Tito 3:14 Iomraidhean Croise

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Mateo 21:19

Akanengneng na kiew ya igos ed gilig na dalan, kanyan nila to. Balet anggapoy nalmo ton bunga, no ag ta kabolubolung. Inkuantod samay kiew, “Ag ka lan balut mambunga!” Tampol ya amagaan imay kiew.

Mateo 7:19

Say kiew ya ag mambungay maung, popoen tan poolan.

Juan 15:16

Ag yo ak pinili; pinili tan tinoro ta kayon onla tan mambungay maando. Diad ontan, iter na Ama so amin a bengatlan kerewen yod ngaran ko.

Juan 15:8

No mambunga kayoy dakel, napagalangay Amak tan napatnagan a disipulo ta kayo.

Saray Gawgawa 18:3

Akiayam tan akikimey ed sikara, ta managgawa ray tulda a kapara to.

Saray Gawgawa 20:35

Impanengneng kod sikayo a diad panamegley na onyan panagkimey, nepeg yon tulongan iray maniirap tan nunoten lawas so imbalikas na dilin Katawan a Jesus, ‘Lalon maliket so mangiter nen say mangawat.’”

Saray Taga Roma 12:13

Tulongan yo ray agagi yon walad pankaukolan, patuloy yo ray sangkaili.

Saray Taga Roma 15:28

Kanyan kasumpal kon niiter la yan tulong, onsamar ak ditan no onla ak ed Espanya.

TAGA-EFESO 4:28

Say toon matakew nakaukolan ya ag la mantakew, no ag ta mankimey la na anggan anton aliwan mabanday a kimey, pian makatulong ed saray mairap-bilay.

FILIPOS 1:11

Napano kid satan na matonung iran kagagawa a si Jesu-Cristo labat so makapangiter, a pakagalangan tan pakadayewan na Dios.

FILIPOS 4:16

Nen wala ak lad Tesalonica, impawitan yo ak ya amimpiga na nakaukolan ko.

FILIPOS 4:17

Aliwan say labay ko labat so makaawat na rigalo, no ag say pakanengneng koy idakel na bungan awaten yo.

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

1 TESALONICA 2:9

Natandaan yo ni, agagi, so impansasagput tan impankekesaw mi; nankimey kamid agew tan labi pian ag kami la makasakisakit na olod siopaman legan min ipupulong ed sikayo so Maung a Balitan nanlapud Dios.

2 TESALONICA 3:8

Ag kami angawat ed sikayo na antokaman ya ag mi binayaran. Agew-labi kamin nankimey tan nansagput, pian ag kami makabelabelat ed anggan siopa.

Tito 2:8

Nakaukolan ya ag nabalaw so antokaman a salitaen mo, pian nabaingan iray sumpad sika, diad ag da pakapangibagay antokaman a maoges a sumlang ed sikatayo.

Tito 3:8

Sikato yay tuan bangat. Ipurek mo ra yan bengatla, pian saray mananisiad Dios et ompaga ran manggaway kamaungan. Maabig tan makana ra ya ed saray totoo.

2 Pedro 1:8

No walad sikayo ra yan ogali tan ombabaleg ira, pagmaliwen da kayon makoli tan mabunga diad pakapikabat yod Jesu-Cristo a Katawan tayo.