Tito 2:3 - Maung A Balita Biblia

³ Ontan met ya ibagam ed saray mamatakken a bibii a mambilay iran masimpit, ag ira mantatalabutob, tan ag ira mambuabuanges; mambangat ira ingen na kamaungan,

Maung a Balita Biblia

³ Ontan met ya ibagam ed saray mamatakken a bibii a mambilay iran masimpit, ag ira mantatalabutob, tan ag ira mambuabuanges; mambangat ira ingen na kamaungan,

Tito 2:3 Iomraidhean Croise

Saray Taga Roma 1:29

Napno ra na amin a kaogsan, kaambagelan, kinaagom tan maibobosul a kaisipan; napno ray imon tan maoges iran getma; maliket irad panagpatey, panagkolkol, tan panagsaol. Managtalabotob ira,

Saray Taga Roma 16:2

Lapud Katawan, awat yo onung na kanepegan a gawaen da ray totooy Dios, tan iter yo pay antokaman a nakaukolan tod sikayo, ta amayamay iray tinulongan to, tan siak so sakey ed sikara.

TAGA-EFESO 5:3

Lapud totoo ki lay Dios, ag nepeg ya anggan nabitla labat ed pegley yo so pikakaloguran, kabandayan, o inkaagom.

1 Timoteo 3:11

Nakaukolan met a say kaasawaan da et maung so ogali ra, aliwa ran managtalabutob, no ag ingen maadya tan matoor ed amin a pamaakaran.

1 Timoteo 3:8

Ontan met, nakaukolan a saray mananulong ed iglisia et maung so ogali ra, matoor ed saray salita ra, aliwa ran buanges, tan aliwa ran maagom.

1 Timoteo 5:23

Aliwan danum labat so inomen mo; inom ka met na daiset ya alak, ta makatulong yad panonaw na kakanen mo tan say naynay a pansasakit mo.

Tito 1:7

Ta say panguloy iglisia nepeg ya anggapoy pakabalawan ed sikato, bangta say kimey a nipaakar ed Dios so nipalimad sikato. Nakaukolan ya aliwan mapaatagey, aliwan mapasnuk, aliwan buanges, aliwan maruksa, tan aliwan maagom.

Tito 2:4

pian natanggoyur da ray malangwer nin bibii a mangarod kaasawaan da tan saray anak da,

Saray Hebreo 5:12

Diad sayan kabayag na panaon, nepeg komun a bumabangat ki la natan balet, anggad natan, nakaukolan yo niy mangibangat ed sikayo na onaan iran aaralen a nipaakar ed salitay Dios. Nepeg yo la komuy mangan na anawet a kakanen, balet oniinom kayo niy gatas.

Puyan 2:20

Balet niay ag ko labay ed sika: papaolyan moy Jezebel, say biin ibabaga ton sikatoy sakey a propita. Ibabalang to ray aripen ko, ibabangat to ran mankasalanan na inmoralidad tan mangay kakanen a nibagat ed saray talintaoy diriyos.