Tito 1:15 - Maung A Balita Biblia

¹⁵ Diad saray malinis so panagbilay da, malinis iray amin a bengatla; balet diad saray arotakan tan aliwan mananisia, anggapoy malinis ta arotakan so kanunotan tan konsinsia ra.

Maung a Balita Biblia

¹⁵ Diad saray malinis so panagbilay da, malinis iray amin a bengatla; balet diad saray arotakan tan aliwan mananisia, anggapoy malinis ta arotakan so kanunotan tan konsinsia ra.

Tito 1:15 Iomraidhean Croise

Probirbio 21:4

Say panagpaatagey tan say ag pangitaltalek so manooley ed saray totoon maoges; saya et kasalanan.

Probirbio 30:12

Wala ray totoon ipapasen dan malinis so kabibilay da, balet diad tuay ontan lay inkarotak da.

Aggeo 2:13

Insan tinepet nen Aggeo, “No bilang ta walay sakey a toon arotakan lapud adiwit toy bangkay, insan to diwiten so sakey ed sarayan kakanen, nadotakan met la ra kasi?” Inmebat ira may papari, “On.”

Mateo 15:18

Balet saray ompaway ed sangiy too et manlapud puso to, tan sikara yay mandotak ed sikato.

Saray Gawgawa 10:15

Inkuan lamet na bosis, “Ag mo ipapasen a marotak so nilinisay Dios.”

Saray Taga Roma 14:14

Lapud pikakasakey kod Katawan a Jesus, amtak tan sisiaen ko ya anggapoy nakan a gendat lan marotak. Balet no ipasen na sakey a too a walay nakan a marotak tan ag nayarin kanen, ag nayari sirin a kanen to.

Saray Taga Roma 14:20

Ag yo dederaley kimey na Dios lapu labat ed kakanen. Amin a nakan nayarin kanen, balet maoges so pangan mo na pansengegay pankasalanan na sakey a too.

Saray Taga Roma 14:23

Balet say toon panduaduaruwaan to no maung o marotak so kanen to et siansian kanen to, say Dios sintinsiaan ton nadusa, ta sumlang ed pananisia so gagawaen to. Kasalanan so antokaman a gawan sumlang ed pananisia.

1 CORINTO 10:23

Walay mangikuan, “Nayarian kon gawaey antokaman.” On, balet aliwan amin et maung. “Nayarian kon gawaey antokaman.” On, balet aliwan amin et makatulong.

1 CORINTO 10:25

Nayarian yon kaney antokaman a nasaliw ed lakoway karni ya ag kayo la tepet-tepet, lapud konsinsia.

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

1 CORINTO 8:7

Balet sayan katwaan ag amta na amin a katoowan. Wala ray niilwam lad saray talintaoy diriyos kanyan, anggad natan, no mangan iray imbagat ed talintaoy diriyos, abaloan dan kayaryan na talintaoy diriyos yan kakanen. Lapud makapoy so konsinsia ra, mapaga ra ta abaloan dan mankasalanan ira.

1 Timoteo 6:5

tan naynay a sangsangan na saray totoon pikewet so kanunotan tan ag mamirbir ed katwaan. Abaloan dan say rilihion et sakey ya anapan.

Saray Hebreo 10:22

Onsingger itayod Dios, sirin, a matoor so puso tayo tan mabiskeg so pananisia tayo. Onsingger itayon malinis lay puso tayo ta alinisan lad maoges a konsinsia, tan naorasan la na puron danum so laman tayo.

Saray Hebreo 12:15

Manalwar kayo, ta ompan walad sikayoy benegan toy baleg a panangaro na Dios. Manalwar kayo, ta ompan walad sikayoy magmaliw a singa ampait a tanaman ya ontubo tan mansamal ed saray amayamay.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.