TAGA-EFESO 6:2 - Maung A Balita Biblia

² “Igalang moy amam tan inam.” Sikato yay ononan ganggan a walay katekep ton sipan; say sipan saya:

Maung a Balita Biblia

² Igalang moy amam tan inam. Sikato yay ononan ganggan a walay katekep ton sipan; say sipan saya:

TAGA-EFESO 6:2 Iomraidhean Croise

Exodo 20:12

“Igalang moy amam tan say inam, pian andokey so pambilay mo ed dalin ya iter kod sika.

Probirbio 20:20

No isambam iray ateng mo, mansamput a singa lamparaan a naerep ed kabilongetan so bilay mo.

Jeremias 35:18

Insan imbagak ed saray kabyangay boleg nen Recabita a say Katawan a Makapanyarin-amin a Dios na Israel kuanto, “Inonur yoy ganggan nen laki yon Jonadab; sinumpal yo ray bangat to, tan ginawa yo ray amin ya ingganggan tod sikayo.

Jeremias 35:7

Imbaga to met ed sikami ya ag kami mangipaalagey na saray abung odino ondalus ed dalin, tan ag kami mantanem ed kaubasan odino saliwen ira. Ingganggan to kamin manayam lawas ed saray tulda, pian mansiansia kamin singa sangkaili ed sayan dalin a panaayaman mi.

Ezekiel 22:7

Anggapoy toon walad siudad a mangigagalang ed saray ateng to. Sasaolen mo ray sangkaili tan papairapen mo ray balo tan saray olila.

Malakias 1:6

Say Katawan a Makapanyarin-amin kuantod saray papari, “Say anak papagalangan toy ama to, tan say aripen papagalangan toy amo to. Siak so ama yo—akin et ag yo ak pagalangan? Siak so amo yo, akin et ag yo ak itday galang? Babalawen yo ak balet tetepeten yo, ‘Panoy pamabalaw mid sika?’

Saray Taga Roma 13:7

Iter yo sirin ed sikaran amin so kanepegan da ya awaten; bayaran yoy lisinsia yo tan buis yo ed saray nepeg a pambayaran; takotan yo ray nepeg a takotan, tan igalang yo ray nepeg a galangen.

TAGA-EFESO 6:3

“pian maabig so pagmaliwan mo tan andokey so pambilay mo diad tapew na dalin.”

Deuteronomio 27:16

“‘Napelag komun so samba na Dios ed siopaman ya ag to igalang so ama odino ina to.’ “Insan onebat iray amin a totoo, ‘Amen!’

Deuteronomio 5:16

“‘Igalang moy amam tan say inam, onung na ingganggan ko, siak a Katawan a Dios mo, ed sika, pian maung lawas so kipapasen mo tan andokey so pambilay mo ed dalin ya iter kod sika.

1 Timoteo 5:4

No say sakey a balon bii et wala ray anak o apo to, saratan ya anak o apo et nepeg a gawaen dan manonaan so kanepegan dad pamilya ra, ta diad ontan makabales iray utang dan maung a linawa ed saray atateng da. Makapaliket ya ed Dios.