TAGA-EFESO 6:19 - Maung A Balita Biblia

¹⁹ Ipikasi yo met ya iter na Dios ed siak so dugan pananalita, et diad ontan, matalek ak a mangipaliwaway niamut a katwaan na Maung a Balita.

Maung a Balita Biblia

¹⁹ Ipikasi yo met ya iter na Dios ed siak so dugan pananalita, ed diad ontan, matalek ak a mangipaliwaway niamut a katwaan a Maung a Balita.

TAGA-EFESO 6:19 Iomraidhean Croise

Saray Gawgawa 13:46

Balet lalon tinmepel so linawa di Pablo tan Bernabe a nampulong. Inkuanda, “Nepeg a sikayoy onaan a pangipulongay salitay Dios. Balet lapud ag yo awaten, tan sisintinsiaan yoy sikayon dili ya ag kayo manepeg a makagamur na bilay ya andi-anggaan, taynan mi kayo tan onla kami lad saray Hintil.

Saray Gawgawa 14:3

Abayag ira may apostol diman, tan makpel so linawa ran nampupulong na nipaakar ed Katawan. Pinaneknekan na Katawan a tuay impupulong dan nipaakar ed baleg a panangaro to, diad panamegley na impangiter tod sikaray pakayarin manggawa na saray milagro tan pakelaw.

Saray Gawgawa 18:26

Diad sinagoga, nansalitan anggapoy takotakot. Nen nadngel di Priscila tan Aquila, intagar dad abung tan malinew dan impaliwawa ed sikato ray bengatlan ag to ni amtan nipaakar ed Dalan na Dios.

Saray Gawgawa 19:8

Diad loob na taloy bulan, lilinmay Pablo ed sinagoga tan akipappalinewan ed saray wadman. Anggapoy takotakot ton nantatangguyor ed sikara tan nampapaliwawa na kabaliksay Panarian na Dios.

Saray Gawgawa 2:4

Apano ra na Ispiritu Santo tan nansasalita ray nandoroman salita, onung ed inter ed sikara na Ispiritu.

Saray Gawgawa 28:31

Makmakpel so linawa to tan ag asebelsebelan ed impanpupulong toy nipaakar ed Panariay Dios tan diad impanbabangat toy nipaakar ed Katawan a Jesu-Cristo.

Saray Gawgawa 4:13

Mankelaw iray kabyangay Sanidrin ed tepel na linawa di Pedro tan Juan. Lalon mankelaw ira nen naamtaan da ya ordinario labat iran totoo, tan anggapoy aral da. Naamtaan dad satan a kabkaiba ray Jesus nen saman.

Saray Gawgawa 4:29

Tan natan, Katawan, sesebelan da kami. Tulongan mo kami pa ran aripen mo, pian nipulong min anggapoy takot so salitam.

Saray Gawgawa 4:31

Kasumpal dan nampikasi, ayegyeg may nantitiponan da. Napno ran amin na Ispiritu Santo, tan anggapoy takot dan balut a nampupulong na salitay Dios.

Saray Gawgawa 9:27

Kanyan inibaan nen Bernabe ya inyakar ed saray apostol. Insalaysay tod sikara so impakanengneng nen Saulo ed Katawan tan say impitongtong na Katawan ed sikato nen walad dalan. Insalaysay to met so sebeg nen Saulo a nampupulong ed Damasco diad ngaran nen Jesus.

Saray Gawgawa 9:29

Akitongtong met ed saray Judion mansasalitay Grigo tan akisangsangan ed sikara, balet labay dan pateyen.

Saray Taga Roma 15:30

Kerewen ko pad sikayo, agagi, lapud Katawan tin Jesu-Cristo tan say aron iiter na Ispiritu, ya ibaan yo ak a mangipikasi a masimoon ed Dios ed laman kon dili.

Saray Taga Roma 16:25

Idayew tayoy Dios a nayarian ton pabiskegey pananisia yo, onung ed Maung a Balitan nipaakar ed Jesu-Cristo ya ipupulong ko; onung ed inkibawag na abaybayag lan niamut a katwaan.

1 CORINTO 1:5

Ta diad pikakasakey yod Cristo nagmaliw kayon mayaman ed amin a bengatla, anggan diad amin a panagsalita tan amin a karunongan.

1 CORINTO 2:7

Say labay kon ibaga et say niamut a kakabatan na Dios, ya inggana ton pakagalangan tayo nanlapu lad inkapalsay mundo.

1 CORINTO 4:1

Nepeg ya ipasen yo kamin aripen nen Cristo tan managasikaso na saray niamut a katwaan na Dios.

2 CORINTO 1:11

diad tulong na impangipikasi yod sikami. Diad ontan dakel iray misalamat ed Dios lapud saray bindision tod sikami, a pinagkaebat na pikakasi da ray dakerakel a totoo.

2 CORINTO 3:12

Lapud walay onyan ilalo tayo, mabiskeg so linawa tayo.

2 CORINTO 6:11

Kakaaron taga Corinto! Anggapoy iyaamut mid sikayo. Ibabaga miy amin a logay puso mi.

2 CORINTO 7:4

Mapalaloy panagmatalek kod sikayo tan ikikinon ta kayo. Diad pegley da ray segsegang mi, naliligliwa ak tan ag nasabsabaan so liket ko.

2 CORINTO 8:7

Mayaman kayo ed pananisia, panagsalita, kakabatan, diad seet yon makatulong, tan diad panangaro yod sikami. Kanyan diad sayan panaglingkur lapud aro, mabonluk met komun so panangiter yo.

TAGA-EFESO 1:9

ginawa to so ginetma to la nen saman tan impaamta tod sikatayoy maamut a plano to a sumpalen ton sumpalen diad panamegley nen Cristo.

TAGA-EFESO 3:9

tan mangipalinew ed amin a katoowan na nipaakar ed pangikanay maamut a plano na Dios. Saya et abaybayag lan inyamut na Dios a Manamalsay amin a bengatla,

COLOSAS 2:2

Gagawaen ko ya, pian ombiskeg so linawa ra, mankasakey iran nabalur na aro, tan nawalaan iray intiron kayamanan na ilalo ya iter na tuan pakatalus. Diad ontan, nakabatan day niamut a katwaan na Dios, salanti si Cristo a dili.

COLOSAS 4:3

Ipikasi yo kami pa ya itdan kamiy Dios na pankanawnawan mangipulong na salita to tan mangipaliwawa na niamut a katwaan a nipaakar ed Cristo. Ta saya so makasengeg no akin et wadya ak ya apriso natan.

1 TESALONICA 2:2

Amta yon pinapabaingan tan pinapairap da kamid Filipos. Balet anggaman a dakel so makasbel, pinabiskeg na Dios so linawa mi a mangipulong na Maung a Balitan nanlapud sikato.

1 TESALONICA 5:25

Ipikasi yo kami pa met, agagi.

2 TESALONICA 3:1

Kaonuran, agagi, ipikasi yo kami pa, pian masiglat ya onkayat so salitay Katawan, tan pagalangan da a singa ginawa yo.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

Filemon 1:22

Iparaanan mo ak pa met na natuloyan ko, ta iilaloan kon iyabuloy na Dios a makapawil ak ditan onung na ipipikasi yon amin.

Saray Hebreo 13:18

Ipikasi yo kami pa. Anggapoy duaruwa min malinis so konsinsia mi, ta say kamaungan so pirawat mi lawas a gawaen.