TAGA-EFESO 6:18 - Maung A Balita Biblia

¹⁸ Gawa yo ra yan amin diad panamegley na pikakasi tan mikerew kayoy tulong na Dios. Mampikasi kayo lawas diad panangiwanwan na Ispiritu. Kanyan mamparaan kayo lawas tan ag ki ontotonda; ituloy yon ipikasi ray amin a totooy Dios.

Maung a Balita Biblia

¹⁸ Gawa yo ra yan amin diad panamegley na pikakasi tan mikerew kayoy tulong na Dios. Mampikasi kayo lawas diad panangiwanwan na Ispiritu. Kanyan mamparaan kayo lawas tan ag ki ontotonda; ituloy yon ipikasi ray amin a totooy Dios.

TAGA-EFESO 6:18 Iomraidhean Croise

1 Saray Arari 8:52

“Katawan a Dios, maabig lawas komun so linawam ed saray totoom tan say ari ra, tan dengel moy pikakasi ra kapag onkerew irad sikay tulong.

1 Saray Arari 8:54

Kasumpal nen Solomon a nampikasi ed Katawan, nanalagey ed arap na altar, a diman lay nantalimukoran ton akatagey iray lima to.

1 Saray Arari 8:59

Lawas nanunotan komun na Katawan yan pikakasik tan saray kerew kod sikato. Lawas kasian to komun iray totoo ton Israelita tan say ari ra ya iter to ray inagew-agew a nakaukolan da.

1 Saray Arari 9:3

Inkuan na Katawan ed sikato, “Nadngel koy pikakasim. Pasantosen ko yan Timplon impaalagey mo, ta sikatoy pasen a pangigalangan ed siak diad ando lan ando. Asikasoen tan iyagel ko ed anggan anton panaon.

Ester 4:8

Initdan nen Mardokeo si Hatac na kopia na samay ganggan a nipaakseb ed Susa ya ibabaga toy pakapatey na saray Judio. Kinerew nen Mardokeo ed sikato ya iter tod kinen Ester imay kopia na ganggan, tan ipaliwawa tod sikato so kipapasen da ray Judio. Kinerew to met ya ibaga tod kinen Ester ya onlan mikasid ari ya abageyen to ray totoo nen Ester.

Say Libro nen Job 27:10

Nampilalekan to komun so liket ya iiter na Dios, tan nampikasi lawas komun ed sikato.

Saray Salmo 4:1

Ebatan mo ak pa, no ontawag ak ed sika, O Dios a manangyagel ko! Tinulongan mo ak nen nagugunigon ak. Kasian mo ak pa natan tan dengel moy pikakasik!

Saray Salmo 6:9

tatalinengen to ak ed pikekerew koy tulong tan ebatan to ray pikakasik.

Isaias 26:16

Dinusam iray totoom, Katawan, tan diad paniirap da nampikasi rad sika.

Daniel 6:10

Nen naamtaan nen Daniel ya apirmaan la may ganggan, sinmempet lad abung. Diad sakey a kuartod tagey na abung to, wala ray bintana ya akaarap ed Jerusalem. Onung na gagawaen to lawas, mamitlod sanagew a tinmalimukor a nampikasi tan akisalamat ed Dios to.

Daniel 9:20

Intuloy ko so nampikasi; impatwak iray kasalanan ko tan saray kasalanan da ray totook ya Israel, tan kinerew kod Katawan a Dios ko ya ipawil to la komun ed gendat a kipapasen so masanton Timplo to.

Oseas 12:4

akibalsakan ed sakey ya anghil, et analo. Inmakis tan akikerew na bindision. Diad Betel linmay Dios ed laki tayon Jacob tan akisalitad sikato.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Mateo 26:41

Mampuyat tan mampikasi kayo, pian ag kayo napelag ed tukso. Sipaparaan so ispiritu, balet makapoy so laman.”

Marcos 13:33

Manalwar tan manasikaso kayo, ta ag yo amta so isabi na sayan oras.

Marcos 14:38

Mampuyat tan mampikasi kayo, pian ag kayo napelag ed tukso. Sipaparaan so ispiritu, balet makapoy so laman.”

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Lucas 22:46

Inkuantod sikara, “Akin et nanaogip kayo? Bangon kayo tan mampikasi kayo, pian ag kayo napelag ed tukso.”

Lucas 3:26

ya anak nen Maat, ya anak nen Matatias. Si Matatias anak nen Semei, ya anak nen Josek. Si Josek anak nen Joda,

Lucas 3:37

ya anak nen Matusalem, ya anak nen Enoc. Si Enoc anak nen Jared, ya anak nen Mahalaleel, ya anak nen Cainan.

Saray Gawgawa 1:14

Naynay iran mankakasakey a mampikasi, a kaiba da ray pigaran bibii tan si Maria ya ina nen Jesus, tan saray lalakin agagi nen Jesus.

Saray Gawgawa 10:2

Rilihioso yan too tan walay takot to ed Dios; ontan met na intiron pamilya to. Amayamay lay intutulong tod saray Judio, tan naynay a mampikasid Dios.

Saray Gawgawa 12:5

Kanyan nanayam ed prisowan si Pedro. Legan tod man, saray kabyangay iglisia masimsimoon dan impikasid Dios.

Saray Gawgawa 6:4

Sikami, balet, ikana mi lay amin ya oras mi ed pampulong tan pampikasi.”

Saray Taga Roma 12:12

Manliket kid paniilalo yo, mananos kayod saray kairapan yo, tan mampikasi kayo lawas.

Saray Taga Roma 8:15

Ta say Ispiritu ya inter na Dios ed sikayo et ag to kayo gawaen ya aripen tan pagmaliwen a matakot, no ag ingen pagmaliwen to kayon anak na Dios tan tulongan to itayon ontawag ed Dios na “Ama! Ama mi!”

TAGA GALACIA 4:6

Tan lapud anak kayo lay Dios, imbaki toy Ispiritu na Anak to ed puso tayo say Ispiritu a mantawag, “Ama, O Amak.”

TAGA-EFESO 1:16

andi-tondan misasalamat ak ed Dios lapud sikayo. Nununoten ta kayo ed saray pikakasik,

TAGA-EFESO 2:22

Diad pikakasakey yod sikato, akikasakey ki met ed saray arum, tan magmamaliw kayon sakey a pasen a panayamay Dios diad panamegley na Ispiritu to.

TAGA-EFESO 3:18

pian sikayo tan amin a totooy Dios et nawalaan na pakayari ya ontalus na ontan lan kaawang, karokey, kaatagey tan kaaralem na panangaro nen Cristo.

TAGA-EFESO 3:8

Sankaabebaan so kipapasen ko ed amin da ray totooy Dios; anggaman ontan, inter na Dios ed siak yan kimey a mangipulong ed saray Hintil na Maung a Balitan nipaakar ed ag nabilang a kayamanan nen Cristo,

TAGA-EFESO 6:19

Ipikasi yo met ya iter na Dios ed siak so dugan pananalita, et diad ontan, matalek ak a mangipaliwaway niamut a katwaan na Maung a Balita.

FILIPOS 1:4

Kapag pikasi ta kayon amin, makaliliket ak,

FILIPOS 4:6

Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.

COLOSAS 1:3

Lawas kamin misasalamat ed Dios ya Ama na Katawan tayon Jesu-Cristo, kapag ipipikasi mi kayo.

COLOSAS 1:4

Ta abalitaan miy nipaakar ed pananisia yod Cristo Jesus, tan say panangaro yod amin a totooy Dios.

COLOSAS 4:2

Ag yo totondaay mampikasi. No mampikasi kayo, gawa yon masimoon tan tekepan yoy pisasalamat ed Dios.

1 TESALONICA 5:17

Ag yo totondaay mampikasi.

1 Timoteo 2:1

Manonad amin, sirin, ipupurek ko a nisaklang komun ed Dios iray pikekerew, pikakasi, tagleey, tan pisasalamat para amin a katoowan.

2 Timoteo 1:3

Misasalamat ak ed Dios a diad panlilingkur kod sikato et malinis so konsinsiak, a singa ginawa da ray lalakik. Misasalamat ak ed sikato kapag nanunotan ta ka ed saray agew-labin pikakasik.

Filemon 1:5

ta nadngelan koy panangarom ed saray totooy Dios, tan say pananisiam ed Katawan a Jesus.

Saray Hebreo 5:7

Nen mambibilay ed tapew na dalin si Jesus, inakis tan ineyag toy impankerew tan impampikasi tod Dios a makapangilaban ed sikato ed patey. Lapud nagnap a mapaabeba, dinengel na Dios.

1 Pedro 4:7

Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.

Judas 1:20

Balet mampabiskeg kayo, inararon agagi, ed sankasantosan a pananisia yo. Mampikasi kayo diad pakayari na Ispiritu Santo.

1 Samuel 1:12

Abaybayag a nampikasi tan inimano nen Eli so bibil to.