TAGA-EFESO 6:15 - Maung A Balita Biblia

¹⁵ tan isolung yoy sapatos ed sali yo a pamparaan ed pangipulong yoy Maung a Balitan mangiter na kareenan.

Maung a Balita Biblia

¹⁵ tan isolung yoy sapatos ed sali yo a pamparaan ed pangipulong yoy Maung a Balitan mangiter na kareenan.

TAGA-EFESO 6:15 Iomraidhean Croise

Kanta nen Solomon 7:1

Nidoma-domay indengan mon bii! Agaylay abig na saray salim ya akasandalya. Singa kinorti na marunong ya iskotur iray malimpek ya ulpom.

Isaias 52:7

Agaylay abig a nengnengen so ibabaki ya onsasabin bebeltangen toy kapalandeyan a taruk toy maung a balita, say balita na kareenan! Ibabawag toy pananalo tan kuantod Sion, “Ari so Dios mo!”

Habacuc 3:19

Pinabiskeg ak na Katawan a Dios. Patalabiten to ray salik a singa sali na ulsa tan iyarawi to ak ed kaatapan diad kapalandeyan.

Marcos 6:9

Nayarin mansandalya kayo, tan duga lay sakey a kawes yo.”

Lucas 15:22

Balet tinawag nen ama ray katulong to tan inkuanto, ‘Ganatan yo! Awit yo diay sankarakepan a kawes tan isolung yod sikato. Solungan yoy singsing tan itdan yoy sandalya.

Saray Taga Roma 10:15

Tan panon a makapampulong iray Maung a Balita, no ag ira imbaki? Onung na ibabagay Masanton Sulat, “Agaylay abig a nengnengen so isabi da ray managpulong na Maung a Balita!”

Deuteronomio 33:25

Niagel komun na saray gansa tan balatyang a puirta iray baley to, Tan arawi ra lawas komun ed kaatapan.”