TAGA-EFESO 5:3 - Maung A Balita Biblia

³ Lapud totoo ki lay Dios, ag nepeg ya anggan nabitla labat ed pegley yo so pikakaloguran, kabandayan, o inkaagom.

Maung a Balita Biblia

³ Lapud totoo ki lay Dios, ag nepeg ya anggan nabitla labat ed pegley yo so pikakaloguran, kabandayan, o inkaagom.

TAGA-EFESO 5:3 Iomraidhean Croise

Saray Salmo 10:3

Say toon maoges ipapanta toy maoges iran pilalek to; say toon maagom aayewen tan ipopolisay toy Katawan.

Saray Salmo 119:36

Itdan mo ak pay pilalek a mangonur ed saray ganggan mo, aliwan say pilalek ya onyaman.

Exodo 18:21

Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok.

Exodo 20:17

“Ag mo iibegan so abung na kaparam a too; ag mo iibegan so asawa to, saray aripen to, saray baka to, saray asno to, odino antokaman a kayaryan to.”

Exodo 23:13

“Dengel kayod amin a bengatlan imbagak ed sikayo, siak a Katawan. Ag kayo mampipikasi ed arum a diriyos; ag yo anggan bibitlaen so kangaranan da.

Probirbio 28:16

Say manoley ya ag to ikakanay olo to et magmaliw a maruksan managpairap, balet say manoley a kabosul toy panagsaol et andokey so panoley to.

Jeremias 22:17

Balet, sika, anggapoy arum a pampipilalekan mo no ag say pankaabigan mon dili; papateyen mo ray anggapoy kasalanan, tan maruksay pamapairap mod saray totoom. Say Katawan so nansalita.

Jeremias 6:13

Balang sakey, atagey may abeba so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Jeremias 8:10

Kanyan iter kod arum a lalaki so kaasawaan da, tan saray kaalogan da iter ko met ed saray arum ya akankien. Balang sakey, abeba may atagey so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Levitico 15:18

Kayari impanakdul na sanasawa nepeg a manames iran dua, tan siansia ran marotak ya anggad labi.

Mikias 2:2

No labay day kaalogan, sakopen da ra; no labay day kaabungan alaen da ra. Maatap so kipapasen na amin a pamilya na balang too odino say kayaryan to.

Saray Bilang 25:1

Nen nankampod Patar na Acasia iray Israelita, saray lalaki ginapwan day akiakdul ed saray bibiin Moabita a wadman.

Mateo 15:19

Ta manlapud pusoy too iray maoges a kanunotan, panagpatey, pikakaloguran, pilalawanan, panagtakew, panagtila, tan panagpaoges ed kaparan too.

Lucas 12:15

Insan inkuantod sikaran amin, “Manalwar kayo tan paliisan yoy amin a klasiy inkaagum; ta say kayamanan, anggan antoy karakel, anggapoy pibabalian tod tuan inkatoo na anggan siopa.”

Lucas 16:14

Nadngelan na saray Pariseo ira yan amin, et nilemlemew day Jesus ta maagum irad kuarta.

Saray Gawgawa 15:20

Sulaten ti ra ingen tan ibaga tayon ag ira mangan na antokaman ya imbagat ed saray diriyos; ag ira manggaway inmoralidad; ag ira mangan na ayep a tinikel, tan say dala.

Saray Gawgawa 20:33

Ag ko inagom so pilak, balituk, o kawes na siopaman.

Saray Taga Roma 1:29

Napno ra na amin a kaogsan, kaambagelan, kinaagom tan maibobosul a kaisipan; napno ray imon tan maoges iran getma; maliket irad panagpatey, panagkolkol, tan panagsaol. Managtalabotob ira,

Saray Taga Roma 16:2

Lapud Katawan, awat yo onung na kanepegan a gawaen da ray totooy Dios, tan iter yo pay antokaman a nakaukolan tod sikayo, ta amayamay iray tinulongan to, tan siak so sakey ed sikara.

Saray Taga Roma 6:13

Ag yo met papaoleyad kasalanan iray kabyangay laman yo, pian ag ira nikanad panggaway kaogsan. Isaklang yo ingey bilay yod Dios, a singa totoon inatey a pinaolid bilay, tan iyabuloy yon ikanay Dios iray kabyangay laman yo ed panggaway kamaungan.

1 CORINTO 10:8

Ag itayo met komun manggagaway inmoralidad, a singa ginagaway arum ed sikara, kanyan duamplo tan talon libo ed sikara so inatey ed loob na sanagew.

1 CORINTO 5:1

Nibabalitan walay inmoralidad a nagagawa ed sikayo, gawan sankabandayan a tuloy tan ag gagawaen na anggan saray Hintil. Nibabalitad siak ya iyaamung na sakey ed sikayo so asawan pidwa na ama to!

1 CORINTO 6:13

Ibaga na arum, “Say kanen para eges, tan say eges para kanen.” Tua tan, balet say Dios deralen to ran dua. Say lamay too aliwan para panggaway inmoralidad, no ag ta para Katawan, tan say Katawan para laman.

1 CORINTO 6:18

Ag kayo manggagaway inmoralidad. Say toon manggaway inmoralidad mankasalanan ed laman ton dili. Say toon manggaway arum nin kasalanan, anggapoy nagawad laman to.

2 CORINTO 12:21

Mapaga ak, ta ompan diad ontombuk ya iyakar kod tan et say Dios ko paabebaen to ak ed arap yo, tan pannangisan kod satay impankasalanan na saray dakel ya ag da ni nagbabawian iray ginagawa ran karotakan, saray ginagawa ran inmoralidad tan pilalawanan.

TAGA-EFESO 5:12

(Ta talagan mabambanday ya anggan bitlaen labat so gagawaen dad amut.)

TAGA-EFESO 5:5

Ag yo panduaduaruwaan ya anggapon balut so pinanabang ed Panarian nen Cristo tan say Dios iray totoon mikakaloguran, manggagaway mabanday, tan maagom (ta say kinaagom et sakey a klasiy panangigalang ed dios).

FILIPOS 1:27

Kanyan, agagi, gawa yoy anggaay nayarian yon mambilay onung ed Maung a Balitan nipaakar ed Cristo. Diad ontan, makakar ak man ditan a nanengneng ta kayo o andi la, narengelan kon mansiasiansia kayod saksakey a getma tan mankakasakey kayon mangyagel ed Maung a Balita.

COLOSAS 3:5

Kanyan ibantak yo la ray mangaraldalin a pilalek yo, a singa saraya: inmoralidad, kabandayan, maoges a pilalek na laman, maoges a getma, agom (ta say kinaagom et sakey a klasiy panangigalang ed talintaoy dios).

1 TESALONICA 4:3

Say linawa na Dios et say pambilay yon masanto tan say iyarawi yod inmoralidad.

1 TESALONICA 4:7

Tinawag itayoy Dios pian mambilay itayod katonungan, aliwan diad karotakan.

1 Timoteo 2:10

Ingen nepeg a nanengneng ed sikaray maung iran gawgawa, ta sikato yay akbibit na bibiin ipapasen day laman dan dili a mananisia rad Dios.

1 Timoteo 3:3

Nakaukolan met ya aliwan buanges, aliwan maigaganon mangabil, no ag ingen maoyamo, labay toy mareen a bilay, tan aliwan lupay kuarta.

1 Timoteo 6:10

Ta say panangarod kuarta et lamut na amin a kaogsan. Wala ray nampipilalek a makatipoy kayamanan et sikato yay makasengeg na inarawian dad pananisia, tan adoyuk-doyuk so puso ra na amayamay a kaermenan.

2 Timoteo 3:2

Magmaliw a saray totoo maaro rad kuarta tan maaro rad sikaran dili, mapanta, mapaatagey, managpaoges, ag da onuren iray atateng da, ag da amtay mamirbir na maung a linawa, tan ibeneg day pananisiad Dios;

Tito 1:11

Nakaukolan a patondaen irad pansasalita ra, ta gogoloen da ray sankapamilyaan. Lapu labat ed makapabaing a pakalmo ray kuarta, ibabangat da lay aliwan manepeg ya ibangat.

Tito 1:7

Ta say panguloy iglisia nepeg ya anggapoy pakabalawan ed sikato, bangta say kimey a nipaakar ed Dios so nipalimad sikato. Nakaukolan ya aliwan mapaatagey, aliwan mapasnuk, aliwan buanges, aliwan maruksa, tan aliwan maagom.

Tito 2:3

Ontan met ya ibagam ed saray mamatakken a bibii a mambilay iran masimpit, ag ira mantatalabutob, tan ag ira mambuabuanges; mambangat ira ingen na kamaungan,

Saray Hebreo 12:16

Manalwar kayo, ta ompan mankasalanan kayoy inmoralidad o murmuraen yo ray bengatlan maispiritu, a singa ginawa nen Esau. Insalat tod sakey a panangan so kanepegan na inkapangulowan to.

Josue 7:21

Diad saramay asamsam akanengneng ak na marakerakep a kolibemben a nanlapud Babilonia, sakey a duaran kilon pilak, tan sakey a baritan balituk a mambelat na kapalduay kilo. Mapalaloy impanlabay kod saraya, kanyan inalak ira. Narumog yo ran akakotkot ed dalem na tuldak; walad daledalem so pilak.”

1 Pedro 5:2

pastolan yoy poluk da ray karniro na Dios ya impalima tod sikayo. Asikaso yon mabolbolus onung ed linaway Dios, aliwan diad pasootan. Gawa yoy kimey yo, aliwa labat a lapud pangawat yoy bayar, no ag ingen lapud liket yon manlingkur.

2 Pedro 2:10

lalo lad saray mangoonur ed maoges a liket na laman tan ag mangabkabilangan ed pakaoley na Dios. Bengatbengat tan mapaatagey ira yan ibabagak a tila-tilan bumabangat. Balbalawen tan pabpabaingan da ray gagalangen a pinalsan walad tawen.

2 Pedro 2:14

Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

Puyan 2:14

Balet wala ray pigaran bengatla ya ag ko labay ed sika: wala ray pigarad sikayon ontotombuk ed bangat nen Balaam ya angibangat ed kinen Balak na pankasalananan na saray Israelita. Lapud saya angan iray kakanen ya imbagat ed saray talintaoy diriyos, tan nankasalanan iray inmoralidad.

Puyan 2:21

Initdan koy panaon a mampatauli, balet ag to labay ya ikbanay pankakasalanan toy inmoralidad.

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.

Puyan 9:21

Ag ira nampataulid panagpatey, panaganito, panagtakew, tan panagkasalanan na inmoralidad.

1 Samuel 8:3

Balet ag da inalig so ama ra; kayamanan labat so pilalek dan nagamuran, kanyan nanaala ray pasoksok tan pinipekewet day katunongan.